Foilsiú
Cúram Ceart, Áit Cheart, Am Ceart - Cúram Pobail Feabhsaithe
Foilsithe
An t-eolas is déanaí
Foilsithe
An t-eolas is déanaí
An 24 Meitheamh 2021, d'óstáil Sláintecare an 11ú Seiminéar Gréasáin Cúram Ceart, Áit Cheart, Am Ceart – 'Cúram Pobail Feabhsaithe'
Príomhghné den Athbhreithniú ar Acmhainn na Seirbhíse Sláinte (2018) is ea aistriú cúraim amach ó ospidéil ghéarmhíochaine isteach sa phobal agus níos gaire do theach duine, nuair is féidir go sábháilte. Tá Cúram Pobail Feabhsaithe ag cinntiú an tionchar is mó do shaoránaigh maidir le hiontrálacha san ospidéal a sheachaint a mhéid is féidir trí thionscnaimh ina ndéantar cúram á sholáthar sa phobal, i dteach duine nó gar do theach an duine nuair is cuí.
Osclaíodh an seimineár gréasáin seo le plé Painéal Cúraim Pobail Feabhsaithe leis an Dr Orlaith O Reilly, Comhairleoir Cliniciúil Náisiúnta agus Ceannaire Grúpa Cláir um Ghalar Ainsealach, Pat Healy, Stiúrthóir Náisiúnta, Straitéis agus Pleanáil Pobail FSS agus Rachel Kenna, An Príomhoifig Altranais, An Roinn Sláinte.
Cuireadh ceithre thionscadal arna maoiniú ag Sláintecare atá á bpríomhshruthú trí Chúram Pobail Feabhsaithe i láthair. Is tionscadail um Bainistíocht Galar Ainsealach trí cinn acu, a chlúdaíonn COPD, Diaibéiteas, Teip Croí agus tionscadal ICPOP amháin:
Cúram Comhtháite Luathaithe do Dhaoine Aosta
Is é príomhaidhm an tionscadail measúnú agus cúram cuimsitheach geiriatrach a sholáthar do Dhaoine Aosta i nGaillimh i suíomh pobail, ag cur Creat 10 gcéim ICPOP i bhfeidhm. Bainfear é seo amach trí chonairí cúraim chomhtháite fadaimseartha a bhunú idir an mol agus an pobal le béim ar leith ar na conairí Titim, Laige agus Cuimhne a fhorbairt. Trí na conairí nua seo, cuirfear rogha eile ar fáil do Dhochtúirí Teaghlaigh agus PHNanna seachas atreorú chuig ospidéil ghéarmhíochaine/rannóga éigeandála áit a bhfuil rochtain thapa ar shainseirbhísí geiriatracha (titim/sioncóipé agus cuimhne le tacaíocht speisialaithe HSCP) ar fáil. Cuirfidh sé seo feabhas ar rochtain an phobail ar sheirbhísí speisialaithe geiriatracha lena n-áirítear diagnóisic agus measúnú ildisciplíneach chomh maith le hathshlánú agus pleanáil cúraim, rud a fhágfaidh go mbeifear in ann ospidéil a sheachaint. Déanfaidh an tionscadal scaoileadh amach ó ospidéil a chur chun cinn agus a fheabhsú le hiarchúram ar fáil i Mol do Dhaoine Aosta, rud a laghdóidh amanna feithimh go suntasach.
Seirbhís Cúraim Chomhtháite Teip Croí Dhún na nGall
Leis an tionscadal seo, ba cheart go mbeifí in ann Seirbhís Cúraim Chomhtháite Teip Croí a bhunú i gCo. Dhún na nGall chun cúram agus bainistíocht struchtúrtha a sholáthar do dhaoine aonair atá ag maireachtáil le teip croí. Le soláthar clinicí cúraim chomhtháite Teip Croí sa suíomh pobail ba cheart go gcumasófaí diagnóis agus cóireáil luath agus ar deireadh thiar feabhsófar torthaí sláinte do dhaoine a bhfuil teip croí ag dul dóibh. Bainfear é seo amach trí chlinicí Speisialtóra faoi stiúir Altraí, rochtain luath ar Sheirbhísí Diagnóiseacha Cairdiach i gCúram Príomhúil agus bainistíocht Comhairleach agus Dochtúirí Teaghlaigh idir Cúram Príomhúil agus Tánaisteach. Cinnteoidh rochtain mhéadaithe ar sheirbhísí teip croí laghdú ar an achar ama a fhanann othair in ospidéil agus laghdóidh sé an gá le go leor cuairteanna ar ospidéil.
Múnla Riospráide Ceann go Ceann ag 2 Láithreán
Seachadfaidh an fhoireann Cúraim Chomhtháite seirbhísí solúbtha, comhordaithe d’othair COPD sa phobal, rud a laghdóidh an éilimh ar sheirbhísí ospidéil. Ciallaíonn rochtain fheabhsaithe ar shaoráidí diagnóiseacha sa phobal go ndéanfar diagnóis tráthúil, chruinn ar riochtaí riospráide agus go ndéanfar pleananna bainistíochta iomchuí a thionscnamh níos luaithe. Déanfaidh an tionscadal seo caidrimh laistigh d’fhoireann áitiúil a chur ar bhonn foirmiúil agus a neartú agus soláthróidh sé struchtúr rialachais agus bealaí oibre a bheadh furasta a mhacasamhlú ar fud CHNanna ar fud na tíre.
Cur i bhfeidhm Ceann go Ceann an tSamhail Cúraim Chomhtháite do diaibéiteas Chineál 2 laistigh de 2 CHO
Seachadfaidh an tionscadal seo cur i bhfeidhm ceann go ceann ar chúram comhtháite do dhiaibéiteas Chineál 2 i Líonra Sláinte Pobail Thuama, Bhaile Átha an Rí, Mhainistir Chnoc Muaidhe, Bhaile Locha Riach (in CHO 2) agus Líonra na Blarnan agus Chathair Chorcaí Thuaidh (in CHO 4). Beidh gach cleachtas Dochtúirí Teaghlaigh laistigh de na líonraí seo in ann rochtain a fháil ar na sainseirbhísí comhtháite cúraim diaibéiteas seo, nach mbeadh ar fáil go traidisiúnta ach i suíomh ospidéil.
Ba é an seimineár gréasáin seo an t-aonú ceann déag i sraith seimineár gréasáin agus tá sé á óstáil ag Sláintecare i gcomhpháirtíocht le FSS agus IFIC Éireann.