Foilsiú
Scéim phíolótach Ioncam Bunúsach do na hEalaíona - Treoirlínte d'Iarratasóirí
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
- 1. Intreoir
- 2. Aidhmeanna na Scéime
- 3. Cé atá i dteideal iarratas a dhéanamh?
- 4. Cé nach bhfuil i dteideal iarratas a dhéanamh?
- 5. Maoiniú/Méid Íocaíochta ar Fáil
- 6. An Próiseas Roghnúcháin
- 7. Sruthuithe Iarratais:
- 8. Fianaise incháilithe / cáipéisí le huaslódáil
- 9. Rannpháirtithe – Riachtanais Bailithe Sonraí
- 10. Conas iarratas a dhéanamh
TÁ AN TAIRSEACH IARRATAIS DÚNTA ANOIS
Glacadh le hiarratais go dtí 1 i.n. Déardaoin, an 12 Bealtaine 2022.
Dúnadh an tairseach iarratais ag an am sin agus ní bhreithneofar iarratais nár cuireadh isteach go hiomlán roimh an am sin.
Leanfaidh foireann na Scéime ag dul i dteagmháil le hiarratasóirí nuair a bhíonn gá le soiléiriú nó le tuilleadh eolais tar éis an spriocdháta, ach díreach maidir le hiarratais a fuarthas faoin spriocdháta.
Ní féidir le hiarratasóirí ach iarratas amháin a dhéanamh chun páirt a ghlacadh. Dícháileofar iarratsóirí ón scéim má dhéanann siad níos mó ná iarratas amháin
Ba cheart go mbeadh a fhios ag iarratasóirí gur scéim phíolótach taighde é an Scéim um Ioncam Bunúsach do na hEalaíona, mar sin beidh ar rannpháirtithe sonraí a thabhairt go leanúnach mar chuid den scéim. Toisc gur scéim phíolótach taighde í seo ní dheimhnítear go leanfar leis an maoiniú tar éis na scéime.
Léigh na treoirlínte go cúramach, le do thoil, maidir leis na riachtanais bailithe sonraí do rannpháirtithe.
Tá Ceisteanna Coitianta faoin scéim ar fáil anseo: Scéim phíolótach Ioncam Bunúsach do na hEalaíona - Ceisteanna Coitianta
Reáchtálfar an scéim phíolótach um Bhun-Ioncam do na hEalaíona thar thréimhse trí bliana (2022 – 2025) agus beidh sí ar oscailt d’ealaíontóirí incháilithe agus d’oibrithe san earnáil ealaíon cruthaitheach. Beidh incháilitheacht bunaithe ar an sainmhíniú ar na healaíona atá san Acht Ealaíon 2003;
ciallaíonn “ealaíona” aon léiriú cruthaitheach nó léirmhínithe (cibé acu traidisiúnta nó comhaimseartha) i cibé foirm, agus cuimsíonn sé, go háirithe, na hamharc-ealaíona, an amharclannaíocht, an litríocht, an ceol, an rince, an ceoldrámaíocht, an scannánaíocht, an sorcas agus an ailtireacht, agus cuimsíonn sé aon mheán a úsáidtear chun na gcríoch sin”.
Is é cuspóir uileghabhálach na scéime ná aghaidh a thabhairt ar an éagobhsaíocht tuillimh a d’fhéadfadh baint a bheith aici le hobair sna healaíona toisc go gcuirtear an obair sin ar fáil ó am go ham, go tréimhsiúil nó bunaithe ar thionscadail go minic. Déantar taighde sa scéim ar an tionchar a bhíonn ag seasmhacht soláthartha ionncam bunúsach ar ealaíontóirí agus ar oibrithe ealaíon cruthaitheacha.
Beidh aidhmeanna na scéime, mar a leagtar amach iad sa tábla thíos, mar bhonn chun tionchar an scéim phíolótach a thomhas.
| A chur ar chumas ealaíontóirí agus oibrithe ealaíon cruthaitheach díriú ar obair ealaíonta agus chruthaitheach le linn tréimhse na scéime gan a bheith orthu dul i mbun fostaíochta in earnálacha eile chun iad féin a chothú. | Inmharthanacht Ghairme / Coinneáil Earnála |
| Chun a mheas an bhfuil, le linn tréimhse na scéime, féinfhostaíocht ina bealach inmharthana d’obair ealaíonta agus chruthaitheach, trí éagobhsaíocht ioncaim a laghdú. | Inmharthanacht Ghairme |
| Leas a bhaint as infheistíocht i scileanna agus saineolas earnála a fhorbraítear tríd an oideachas laistigh den earnáil. | Inmharthanacht Ghairme |
| Cailliúint Scileanna agus Taithí a íoslaghdú san earnáil ealaíon. | Coinneáil Earnála |
| An gá a laghdú atá le healaíontóirí agus oibrithe ealaíon cruthaitheach leas a bhaint as tacaíochtaí leasa shóisialta, liúntas cuardaitheora poist san áireamh. | Seasmhacht Ioncaim |
| Chun a chinntiú go gcoimeádann rannpháirtithe ioncam seasta agus intuartha le linn tréimhse na scéime. | Seasmhacht Ioncaim |
| Tionchar ilghnéitheach folláine na scéime ar rannpháirtithe a thomhas. | Folláine |
| Aitheantas a thabhairt do luach an ama a chaitear ar chleachtas cruthaitheach a fhorbairt. | Aitheantas |
| Aitheantas a thabhairt do luach na n-ealaíon agus ról an chleachtais chruthaithigh i sochaí na hÉireann. | Aitheantas |
• Ealaíontóirí i mbun cleachtais;
• Oibrí ealaíon cruthaitheach (féach ar an sainmhíniú thíos), nó;
• Iarratasóirí a cuireadh oiliúint orthu le déanaí (le 5 bliana anuas).
Chun críocha na Scéime, sainmhínítear Oibrí Ealaíon Cruthaitheach mar seo a leanas:
Is éard is oibrí ealaíon cruthaitheach ann ná duine a bhfuil cleachtas cruthaitheach aige a gcuireann a saothar cruthaitheach ar bhealach tábhachtach le léiriú nó le taispeáint na n-ealaíon. Ciallaíonn “ealaíona” aon léiriú cruthaitheach nó léirmhínithe (cibé acu traidisiúnta nó comhaimseartha) i cibé foirm, agus cuimsíonn sé, go háirithe, na hamharc-ealaíona, an amharclannaíocht, an litríocht, an ceol, an rince, an ceoldrámaíocht, an scannánaíocht, an sorcas agus an ailtireacht, agus cuimsíonn sé aon mheán a úsáidtear chun na gcríoch sin."
Caithfidh gach iarratasóir a bheith:
• Ocht mbliana déag d'aois nó níos sine:
• In ann fianaise a thabhairt ar a gcleachtas cruthaitheach nó a ngairm bheatha sna healaíona;
• Lonnaithe i bPoblacht na hÉireann, agus;
• Cáin-chomhlíontach.
Seo a leanas liosta samplaí de na cineálacha ealaíontóirí agus oibrithe ealaíon cruthaitheach atá incháilithe. Is ar mhaithe le samplaí a thabhairt atá an liosta seo agus ní liosta iomlán é de na healaíontóirí agus oibrithe atá incháilithe.
Foirm Ealaíne Gairm / Cleachtas
| Amharc-ealaíona | Amharc-Ealaíontóir – gach meán, Coimeádaí Amharc-Ealaíon, Maisitheoir |
| Amharclannaíocht | Aisteoir, Stiúrthóir Ealaíne, Fuirseoir, Dearthóir Feisteas, Stiúrthóir, Dearthóir Gruaige, Leabhrógaí, Dearthóir/Innealtóir Soilse, Dearthóir Smididh, Ealaíontóir Míme, Dearthóir Seit, Dearthóir Stáitse, Dearthóir/Innealtóir Fuaime, Drámadóir, Dearthóir Teilgean, Dearthóir Prapa, Puipéadóir |
| Litríocht | Scríbhneoir – Páistí/Aosaigh Óga, Gearrscéalaí, File, Úrscéalaí, Maisitheoir, Scríbhneoir Ealaíne, Scríbhneoir Neamh-Fhicsin* |
| Ceol | Cumadóir, Stiúrthóir, Amhránaí/Ceoltóir – gach seánra, Dearthóir/Innealtóir Soilse, Liriceoir, Dearthóir/Innealtóir Fuaime, Stiúrthóir Ceoil, Scríbhneoir |
| Rince | Stiúrthóir Ealaíne, Córagrafaí, Rinceoir, Répétiteur |
| Ceoldrámaíocht | Aisteoir, Stiúrthóir Ealaíne, Dearthóir Feisteas, Leabhrógaí, Innealtóir/Dearthóir Soilse, Liriceoir, Stiúrthóir, Amhránaí, Dearthóir/Innealtóir Fuaime, Dearthóir Stáitse, Répétiteur |
| Scannánaíocht | Aisteoir, Beochantóir, Stiúrthóir Ealaíne, Cineamatagrafaí, Dearthóir Feisteas, Stiúrthóir, Eagarthóir, Scríbhneoir Scripte, Dearthóir Scannán, Scannánóir, Eagarthóir Scannán, Dearthóir/Innealtóir Soilse, Dearthóir Gruaige, Dearthóir smididh, Dearthóir Prapa, Dearthóir Léiriúcháin, Dearthóir/Innealtóir Fuaime, Dearthóir Seit, Dearthóir Éifeachtaí Speisialta, Ealaíontóir Radhairc, Dearthóir Radhairc, Ealaíontóir Guthaithe, Scríbhneoir |
| Sorcas | Ealaíontóir Sorcais - traidisiúnta agus comhaimseartha araon, Gleacaí, Ealaíontóir Sráide agus Seó |
| Ailtireacht | Ailtire |
- ní airítear mar shampla iriseoireacht nó leabhair chun críocha oideachais e.g. téacsleabhair, lámhleabhair theicniúla, scríbhneoireacht a cruthaíodh chun críocha fógraíochta nó poiblíochta.
• Iarratasóirí nach bhfuil in ann a léiriú go bhfuil cleachtas cruthaitheach acu i bhfoirm ealaíne nó nach féidir a léiriú go gcuireann a saothar cruthaitheach le léiriú na n-;
• Mic léinn lánaimseartha nó iad siúd a bheidh ag gabháil do staidéar lánaimseartha le linn na tréimhse idir mí Dheireadh Fómhair 2022 agus mí Dheireadh Fómhair 2025. (Tá fáilte roimh iad siúd a chríochnóidh oiliúint / céim faoi Dheireadh Fómhair 2022 iarratas a dhéanamh)
• Baill Aosdána a fhaigheann Cnuas.
Tugtar samplaí sa liosta seo a leanas de dhaoine nach bhfuil incháilithe don Scéim. Is ar mhaithe le samplaí a thabhairt atá an liosta seo agus ní liosta iomlán é de na healaíontóirí agus oibrithe atá incháilithe.
| Catagóir | Samplaí |
| Riarachán (gach foirm ealaíne) | Gníomhaire, Riarthóir Ealaíon, Tiomsaitheoir Airgid Ealaíon, Bainisteoir Ealaíon, Margóir Ealaíon, Feitheoir, Foireann Oifig na dTicéad, Bainisteoir Oifig na dTicéad, Bainisteoir Cuideachta, Bainisteoir Forbartha, Foireann Fáilteachais, Bainisteoir Gailearaí, Foireann Margaíochta agus Chaidrimh Phoiblí, Foireann For-rochtana, Poiblitheoir, Bainisteoir Suímh, Bainisteoir Meáin Shóisialta, Foireann Doras Aisteoirí, Bainisteoir Amharclainne, Bainisteoir Ionaid |
| Déantóir ceardaíochta; | Déantóir Ciseán, Déantóir Coinnle, Déantóir Troscáin, Gaibhneoir Miotail, Déantóir Uirlisí Ceoil, Dearthóir Seodra, Criadóir, Déantóir Teicstíle, Deileadóir Adhmaid |
| Dearadh | Dearthóir AR, VR & MR, Dearthóir Faisin, Dearthóir Tionsclaíoch, Dearthóir Intí, Dearthóir Cistine, Dearthóir Tírdhreacha, Dearthóir Gréasáin, Gearrthóir Patrún, Dearthóir Táirge, Dearthóir Teicstíle, Clóchuradóir |
| Oideachas | Teiripeoir Ealaíne, Teagascóir Scríbhneoireacht Chruthaitheach, Léachtóir, Múinteoir |
| Scannánaíocht | Déantóir Cathéide, Bainisteoir Cúnta Stáitse, Clostuairisceoir, Feitheoir, Maoirseoir Feisteas, Cúntóir Feisteas, Cúntóir Stiúrtha, Cóiritheoir, Cúntóir Eagarthóireachta, Criú Scannáin, Criticeoir Scannáin, Gruagaire, Teicneoir/Oibritheoir Soilsie, Ealaíontóir smididh, Cúntóir Léiriúcháin , Bainisteoir Léiriúcháin, Máistir Prapaí, Cúntóir Piriteicnice, Rigeálaí, Teachtaire, Tógálaí Seit, Cóiritheoir Seit, Teicneoir/Oibreoir Fuaime, Criú Stáitse, Bainisteoir Stáitse, Maoirseoir Feisteas, Cúntóir Feisteas, Teicneoir Físeáin |
| Fáilteachas | Foireann fáilteachais, Foireann Beáir |
| Iriseoireacht | Cóip-Eagarthóir, Eagarthóir, Fóta-Iriseoir, Iriseoir, Léitheoir Profaí, Léirmheastóir, Criticeoir Amharclainne |
| Litríocht | Dearthóir Leabhar, Beathaisnéisí, Cóip-Eagarthóir, Eagarthóir, Criticeoir Liteartha, Poiblitheoir, Léitheoir Profaí, Aistritheoir, Léirmheastóir |
| Ceol | A&R, Bainisteoir Imeachtaí, Léiritheoir Imeachta, Cláraitheoir Imeachtaí, Foireann Féile, Cláraitheoir Féile, Bainisteoir Ceoil, Bainisteoir Stiúideo, Bainisteoir Tallainne, Bainisteoir Turais, Bainisteoir Ionaid, Cóitseálaí Gutha |
| Grianghrafadóirí | Grianghrafadóireacht nuair nach bhfuiltear á húsáid mar mheán don mhínealaín lena n-áirítear Grianghrafadóir Bainise, Fóta-Iriseoir, Grianghrafadóir Fógraíochta |
| Teicniúil | Leictreoir, Teicneoir Soilse, Rigeálaí, Teachtaire, Tógálaí Seit; Cóiritheoir Seit, Bainisteoir Suímh, Teicneoir Fuaime, Foireann Stáitse |
| Amharclannaíocht | Déantóir Cathéide, Bainisteoir Cúnta Stáitse, Clos-thuairisceoir, Bainisteoir Oifig na dTicéad, Tógálaí Feisteas, Maoirseoir/Cúntóir Feisteas, Cóiritheoir, Foireann Fáilteachais, Gruaigaire, Teicneoir/Oibritheoir Soilse, Ealaíontóir Smididh, Máistir Prapaí, Teicneoir Teilgean, Tógálaí Seit, Cóiritheoir Seit, Teicneoir/Oibritheoir Fuaime, Criú Stáitse, Bainisteoir Stáitse, Bainisteoir Amharclainne, Maoirseoir Feisteas, Cúntóir Feisteas, Criticeoir Amharclainne, Teicneoir Amharclainne, Uiséir, Cóiritheoir Bréagfholt |
| Amharc-ealaíona | Carlannaí, Bainisteoir Taispeántas, Léiritheoir Taispeántas, Bainisteoir Gailearaí, Foireann Gailearaí, Feitheoir, Bainisteoir Stiúideo |
Íocfar deontais de luach €325 in aghaidh na seachtaine leis na rannpháirtithe rathúla.
Déanfar íocaíochtaí ar bhonn míosúil.
Tionchar na n-íocaíochtaí ar Cháin agus Leasa Shóisialaigh
Tabhair faoi deara, le do thoil:
• Beidh na híocaíochtaí seo ináirithe chun críocha cánach ioncaim. Beidh ar gach rannpháirtí rathúil clárú leis na Coimisinéirí Ioncaim mar dhuine féinfhostaithe agus cáin ioncaim Sceideal D a íoc, mar is cuí, ar íocaíocht deontais na Scéime.
• Beidh ioncam ón gclár píolótach faoi dhliteanas ÁSPC Aicme S
• Déileálfaidh an Roinn Cosanta Sóisialta (RCS) le hioncam ón scéim mar ioncam ó fhéinfhostaíocht chun críche a cuid tástálacha acmhainne éagsúla. Ciallaíonn sé seo, i gcás ina n-áirítear le scéim neamhaird ar mhéid áirithe ioncaim ó fhéinfhostaíocht, cuirfear an neamhaird sin i bhfeidhm ar ioncam ón scéim phíolótach um ioncam bunúsach. Ba chóir a thabhairt faoi deara nach n-áirítear neamhaird ar ioncam ó fhéinfhostaíocht i ngach scéim faoi réir tástála acmhainne. Braithfidh an tionchar a bheidh ag an ioncam seo ar íocaíocht RCS duine ar an tástáil acmhainne don scéim sin agus ar chúinsí aonair an duine (go háirithe cibé an bhfuil acmhainn eile ag an duine agus/nó ag a c(h)éile/p(h)áirtí).
• Moltar go láidir d’iarratasóirí imscrúdú a dhéanamh ar a gcás cánach ar leith féin má fhaigheann siad íocaíocht.
• Ba chóir dóibh siúd a fhaigheann íocaíocht leasa shóisialaigh a fhaigheann íocaíochtaí ón scéim phíolótach an t-athrú seo ina gcúinsí a chur in iúl don Roinn Cosanta Sóisialta.
Tá an Roinn ag súil le líon mór iarratas agus ní bheidh sé indéanta maoiniú a sholáthar do gach iarratasóir incháilithe.
Beidh an próiseas roghnúcháin neamhiomaíoch. Nuair a shásaíonn iarratasóir na critéir incháilitheachta cuirfear san áireamh é/í i bpróiseas samplála randamaí gan ainm chun na rannpháirtithe píolótacha a chinneadh ón na hiarratasóirí incháilithe don Scéim Phíolótach.
Ceadóidh maoiniú don scéim do thart ar 2,000 iarratasóir incháilithe páirt a ghlacadh sa scéim phíolótach.
Beidh na sruthuithe iarratais seo a leanas ag an scéim:
Sruth 1: Ealaíontóirí i mbun cleachtais agus oibrithe ealaíon cruthaitheach Clúdaíonn sé seo gach ealaíontóir agus oibrí ealaíon cruthaitheach atá in ann fianaise leordhóthanach incháilitheachta a léiriú mar a leagtar amach thíos í.
Sruth 2: Iarratasóirí a cuireadh oiliúint orthu le déanaí. Clúdaíonn an sruth seo ealaíontóirí agus oibrithe ealaíon cruthaitheacha a cuireadh oiliúint orthu le déanaí agus nach féidir leo a léiriú go fóill go bhfuil siad tar éis gabháil do chleachtas cruthaitheach ina gcuireann a saothar cruthaitheach go mór le léiriú nó le taispeáint na n-ealaíon. Tá an sruth seo teoranta dóibh siúd a bhfuil a gcuid oiliúna críochnaithe acu le 5 bliana anuas nó a chríochnóidh a gcuid oiliúna faoi Dheireadh Fómhair 2022.
Tabhair faoi deara, le do thoil: Toisc gur clár taighde píolótach é seo, tá sé tábhachtach é a chur i bhfeidhm ar an sruth is fearr a léiríonn do chleachtas faoi láthair.
Tuilleadh eolais maidir le Sruth 2: Tá sé mar aidhm ag an sruth seo taighde a dhéanamh ar an tionchar atá ag bunioncam orthu siúd a chuir cúrsa oiliúna ábhartha i gcrích, a bhain céim iarchéime amach nó printíseacht i gcúrsa a bhaineann leis na healaíona ach b’fhéidir nach bhfuil siad i mbun cleachtas cruthaitheach go fóill. Tá uasmhéid 200 áit ar fáil sa sruth seo.
Ní mór d’iarratasóirí faoin sruth seo a dheimhniú go bhfuil sé ar intinn acu cloí leis an sainmhíniú ar na healaíona mar atá leagtha amach san Acht Ealaíon 2003 dá gcuid oibre sna healaíona amach anseo .i. “léiriú cruthaitheach nó léirmhínithe (cibé acu traidisiúnta nó comhaimseartha) i cibé foirm, agus áirítear leis, go háirithe, na hamharcealaíona, an amharclannaíocht, an litríocht, an ceol, an rince, an ceoldrámaíocht, an scannánaíocht, an sorcas agus an ailtireacht, agus cuimsíonn sé aon mheán nuair a úsáidtear é chun na gcríoch sin”.
Ní mór d’iarratasóirí faoi Shruth 2 fianaise tacaíochta a sholáthar go bhfuil oiliúint faighte acu ina bhfoirm(eacha) ealaíne roghnaithe, mar shampla trí fhianaise ar cháilíocht nó oiliúint a sholáthar.
Sruth 1: Iarrtar ar iarratasóirí fianaise a thabhairt ar a n-incháilitheacht mar ealaíontóir nó oibrí ealaíon cruthaitheach trí dhá phíosa fianaise a uaslódáil. Tá trí chatagóir ann trína bhféadfadh iarratasóirí a n-incháilitheacht a léiriú agus ní mór d’iarratasóirí a bheith in ann dhá cheann díobh seo a leanas a léiriú:
- Fianaise ar bhallraíocht i gcomhlacht ionadaíoch nó acmhainne. Tabhair faoi deara, le do thoil, nach bhfuil sé seo riachtanach, agus/nó;
- Cruthúnas ar ioncam as obair a rinne tú mar ealaíontóir nó oibrí ealaíon cruthaitheach le 5 bliana anuas), agus/nó;
- Cruthúnas ar rannpháirtíocht ghníomhach i do réimse cruthaitheach le 5 bliana anuas.
Fianaise ar bhallraíocht i gceann de na comhlachtaí ionadaíocha nó acmhainne seo a leanas
(Tabhair faoi deara nach riachtanas é seo, ní gá duit a bheith i do bhall de cheann de na heagraíochtaí seo, féach ar bhealaí eile chun d’incháilitheacht a léiriú thíos.
Ní féidir leat ach ceann amháin de na ballraíochtaí seo a roghnú mar chruthúnas fianaise agus ní mór duit ceann eile a roghnú as na catagóirí fianaise ioncaim nó cruthúnais rannpháirtíochta.
Mura roghnaíonn tú ballraíocht d’eagraíocht ionadaíoch mar cheann de do chruthúnas is féidir leat ceann de rudaí seo a leanas a roghnú
- ceann amháin ó gach ceann de na catagóirí fianaise ar ioncam agus cruthúnas ar rannpháirtíocht nó
- dhá cheann ó ceann amháin de na catagóirí fianaise ar ioncam agus cruthúnas ar rannpháirtíocht.
• Actors Equity Ireland - (Ballraíocht Ghairmiúil)
• CMC - Contemporary Music Centre (Ionadaíocht Chomhlach / Iomlán)
• Dance Ireland – (Ballraíocht Ghairmiúil/Chomhlach)
• IMRO - Irish Music Rights Organisations (Ballraíocht mar scríbhneoir amháin)
• ISSSD - Irish Society of Stage and Screen Designers – (Ballraíocht Ghairmiuil)
• Irish Writers Union (Ballraíocht Iomlán)
• Irish Writers Union (Ballraíocht Iomlán)
• MUI - Musicians’ Union of Ireland (Ballraíocht Ghairmiúil)
• RAAP - Recorded Artists Actors Performers (Ballraíocht)
• Screen Composers Guild of Ireland (Ballraíocht)
• Screen Directors Guild of Ireland (AnimAL / Ballraíocht na Cuallachta)
• WGI – Writers’ Guild of Ireland (Ballraíocht Iomlán)
• VAI - Visual Artists Ireland (Ballraíocht Ghairmiúil)
Cruthúnas ar ioncam as obair a rinne tú mar ealaíontóir nó oibrí ealaíon cruthaitheach le 5 bliana anuas
Tabhair faoi deara: NÍ CHAITHFIDH iarratasóirí rud ón liosta seo a sholáthar. Ina ionad sin, d’fhéadfaidís dhá rud a sholáthar ón liosta Rannpháirtíochta Gníomhaí nó rud amháin ón liosta sin agus Cruthúnas Ballraíochta ón liosta thuas a sholáthar. Nó is féidir le hiarratasóirí rogha a dhéanamh dhá phíosa fianaise a sholáthar ón liosta Cruthúnas Ioncaim seo.
Cruthúnas ar:
• Luach saothair a thaispeánann íocaíocht as do shaothar cruthaitheach e.g. sonrasc, Foirm 11, duillín pá mar aon le tagairt ón bhfostóir maidir le nádúr ealaíne na hoibre;
• Conradh le haghaidh seirbhíse a bhaineann le do chuid oibre cruthaithí;
• Maoiniú poiblí do do chleachtas cruthaitheach e.g. An Chomhairle Ealaíon, Fís Éireann, Údarás Áitiúil srl. nó eagraíocht aitheanta ealaíon eile;
• Dámhachtain Deontais ó eagraíocht aitheanta ealaíon atá lonnaithe in Éirinn nó thar lear;
• Dleachtanna faighte as do chuid oibre;
• Coimisiúnaithe chun obair a dhéanamh;
• Díolacháin saothar;
• Díolúine Chánach Ealaíontóra Reatha (mar atá ar an 5 Aibreán 2022);
• Fuair tú Liúntas Cuardaitheora Poist d’Ealaíontóirí;
• Cruthúnas eile ar ioncam ó do chleachtas cruthaitheach.
Cruthúnas ar rannpháirtíocht ghníomhach i d’fhoirm ealaíne/chleachtas cruthaitheach le 5 bliana anuas
Tabhair faoi deara: NÍ CHAITHFIDH iarratasóirí rud ón liosta seo a sholáthar. Ina ionad sin, d’fhéadfaidís dhá rud a sholáthar ón liosta Cruthúnas Ioncaim nó rud amháin ón liosta sin agus Cruthúnas Ballraíochta ón liosta thuas a sholáthar. Nó is féidir le hiarratasóirí rogha a dhéanamh dhá phíosa fianaise a sholáthar ón liosta Rannpháirtíochta Gníomhaí seo.
Cruthúnas ar:
• Thug tú faoi chónaitheacht ealaíontóra (náisiúnta nó idirnáisiúnta);
• Bhí saothar leat san áireamh i mbailiúchán foilsithe / taispeántas coimeádta / imeacht cláraithe;
• Go ndearna gailearaí nó poiblitheoir nó gníomhaire ionadaíocht ar do chleachtas / do shaothar ealaíon cruthaitheach;
• Léirigh compántas aitheanta amharclainne/scannánaíochta/damhsa srl. do shaothar;
• Léirigh tú nó stiúraigh tú saothar do chuideachta nó d’fhéile aitheanta;
• Léiríodh saothar córagrafaithe de do chuidse in ionad aitheanta;
• Foilsíodh léirmheas ar do shaothar de do chuidse sa phreas clóite / ar líne;
• D’fhoilsigh foilsitheoir aitheanta, cruthaithe, le ISBN do shaothar nó eisíodh singil, ep nó albam de do chuidse;
• Luadh d'ainm le hobair scannánaíochta nó amharclannaíochta;
• Choimeád tú taispeántas / d'eagraigh tú féilte / imeachtaí ealaíon;
• Bhronn eagraíocht aitheanta ealaíon / udaras aitiuil gradam ort nó chuir siad tú ar an ngearrliosta do ghradam;
• Thacaigh tú le léiriú de shaothar ealaíne mar oibrí ealaíon cruthaitheach i spás/ionad aitheanta;
• Teistiméireachtaí gairmiúla (ar pháipéar sainchlóite) le haghaidh rannpháirtíochta / fostaíochta / oibre i do réimse cruthaitheach;
• Dhá iarratas ar a laghad ar dheontas nár éirigh leo ó eagraíocht aitheanta ealaíon;
• D’oibrigh tú leis na healaíona áitiúla trí Oifig Ealaíon an Údaráis Áitiúil, comhordaitheoir Éire Ildánach nó eagraíocht phobail eile ar nós scoil áitiúil, ionad pobail, leabharlann, grúpa ealaíon áitiúil srl.;
• D’fhostaigh eagraíocht ealaíon, féile nó comhlacht ealaíonta aitheanta tú mar Oibrí Ealaíon Cruthaitheach;
• Suíomh Gréasáin / láithreacht dhigiteach le haghaidh obair ealaíonta / bheith i d’ealaíontóir / oibrí ealaíon cruthaitheach nó punann oibre (uaslódáil sampla nó nasc);
• Cáilíocht nó oiliúint ábhartha sna healaíona;
• Oiliúint ábhartha/forbairt ghairmiúil leanúnach sna healaíona (ní chaithfidh sé seo a bheith déanta le 5 bliana anuas);
• I mbun saothair faoi láthair le 5 bliana anuas;
• Caiteachas ar acmhainní do chleachtas cruthaitheach e.g. cíos spás stiúideo, ceannach trealaimh etc.;
• Cruthúnas éigin eile ar do rannpháirtíocht i gcleachtas cruthaitheach.
Tabhair faoi deara, le do thoil: D'fhéadfadh an Roinn tuilleadh eolais a lorg maidir le cruthúnas a chuireann tú ar fáil chun incháilitheacht a chinneadh.
Sruth 2: Ní mór d’iarratasóirí faoi Shruth 2 fianaise tacaíochta a sholáthar go bhfuil oiliúint faighte acu ina bhfoirm(eacha) ealaíne roghnaithe; mar shampla trí fhianaise ar cháilíocht nó oiliúint a sholáthar.
Beidh ar iarratasóirí a roghnófar (“faighteoirí”) páirt a ghlacadh i gclár píolótach taighde. Ba cheart d’iarratasóirí na nithe seo a leanas a thabhairt faoi deara:
- Toisc gur scéim phíolótach taighde í seo ní dheimhnítear go leanfar leis an maoiniú tar éis na scéime.
- Déanfar meastóireacht ar an scéim ar bhonn leanúnach chun tionchar na híocaíochta deontais a chinneadh. Éileoidh sé seo ar rannpháirtithe sonraí a bhailiú agus a roinnt ar roinnt topaicí lena n-áirítear, ach gan a bheith teoranta do,:
o Sonraí agus am a chaitear ar ghníomhaíochtaí éagsúla lena n-áirítear cleachtas cruthaitheach, obair sna healaíona, obair in earnálacha eile, oiliúint, forbairt ghairmiúil, am fóillíochta srl.;
o Ioncam a thuilltear ó na healaíona agus ó earnálacha eile lena n-áirítear ioncam teaghlaigh;
o Sonraí déimeagrafacha e.g. aois, inscne, eitneachas, stádas míchumais, foirm ealaíne, suíomh geografach srl.;
o Táscairí folláine
- Ba chóir d’iarratasóirí a thabhairt faoi deara go mbeidh na sonraí a bhailítear i measúnú na scéime gan ainm agus go ndéanfar iad a mheas ar leibhéal comhiomlán seachas ar leibhéal aonair.
- Iarrfar ar rannpháirtithe dialann seachtainiúil a choimeád chun súil a choinneáil ar na sonraí. Déanfar suirbhé ar a laghad dhá uair sa bhliain agus d'fhéadfaí cuireadh a thabhairt do rannpháirtithe freisin chuig seimineáir, fócasghrúpaí srl. chun sonraí níos cáilíochtúla a bhailiú ar thionchar an deontais.
- D’fhéadfaí an íocaíocht deontais a tharraingt siar mura gcomhlíonfaí na ceanglais maidir le bailiú sonraí.
- Ba cheart d’iarratasóirí a thabhairt faoi deara go bhfuil an tuairisciú a theastaíonn ó rannpháirtithe chun eolas a dhéanamh don ghné taighde den scéim. Ní bheidh íocaíocht ag brath ar chríochnú na hoibre nó na dtascanna ach ar sholáthar an tuairiscithe seo.
- Tabhair faoi deara, le do thoil: Tabhair faoi deara le do thoil go n-iarrfar ar roinnt iarratasóirí incháilithe nár roghnaíodh chun an íocaíocht a fháil a bheith rannpháirteach i ngrúpa cóimheasa chun meastóireacht ar an scéim a éascú. Freagróidh rannpháirtithe an ghrúpa cóimheasa an suirbhé agus na hiarratais sonraí céanna leo siúd a fhaigheann an íocaíocht chun cabhrú le measúnú a dhéanamh ar thionchar na híocaíochta i gcomparáid leo siúd nach bhfuil ag fáil íocaíochtaí na Scéime. Mar chuid den phróiseas iarratais iarrfar ar iarratasóirí an bhfuil siad toilteanach a bheith rannpháirteach sa ghrúpa cóimheasa. Íocfar bunioncam coicíse le baill an ghrúpa cóimheasa le haghaidh gach bliain sa scéim phíolótach chun iad a chúiteamh as an am is gá chun gabháil leis an bpróiseas bailithe sonraí.
Is féidir iarratais a dhéanamh tríd an nasc chuig an tairseach iarratais ar líne [cuir nasc isteach]. Tá an tairseach agus an fhoirm iarratais ar fáil i mBéarla agus i nGaeilge.
Osclófar an scéim d’iarratais ar 1 i.n. Dé Máirt, an 12 Aibreán agus glacfar le hiarratais go dtí 1 i.n. Déardaoin, an 12 Bealtaine.
NÍ GHLACFAR LE HIARRATAIS DHÉANACHA.
NÍ GHLACFAR LE DRÉACHT-IARRATAIS. Caithfidh iarratasóirí a chinntiú go bhfuil a n-iarratais curtha isteach go hiomlán roimh an spriocdháta.
Caithfidh seoladh gníomhach bailí ríomhphoist a bheith ag gach iarratasóir chun iarratas a dhéanamh.
Ní ghlacfar ach le hiarratais a dhéantar trí an Tairseach ar Líne.
Ní féidir le hiarratasóirí ach iarratas amháin a dhéanamh chun páirt a ghlacadh. Dícháileofar iarratsóirí ón scéim má dhéanann siad níos mó ná iarratas amháin.
Is féidir linn tacaíocht a sholáthar chun d’iarratas a dhéanamh, áfach.
• Má tá míchumas nó riachtanais inrochtaine eile agat agus má theastaíonn cúnamh uait le d’iarratas, déan teagmháil linn le do thoil trí ríomhphost: basicincomeforthearts@tcagsm.gov.ie nó, más gá, ar an bhfón. Beidh seirbhís glórphoist ar fáil ó Dé Máirt, an 12 Aibreán, nuair a osclófar an tairseach iarratais. Tabharfar cuireadh do ghlaoiteoirí teachtaireacht a fhágáil ar an tseirbhís glórphoist agus beidh ball den fhoireann i dteagmháil.
• Déan é seo chomh luath agus is féidir sa tréimhse iarratais le do thoil chun am a thabhairt dúinn freagra a thabhairt duit agus cabhrú le d’iarratas. Cuirfimid tacaíocht in oiriúint d'iarratais aonair.
Ba cheart do gach iarratasóir a chinntiú go bhfuil a fhoirm iarratais comhlánaithe go hiomlán agus curtha isteach. Is féidir le hiarratasóirí dréacht-leagan dá n-iarratas a shábháil sula gcuireann siad a bhfoirm iarratais deiridh isteach – ach tabhair faoi deara le do thoil nach ndéanfar dréachtaí a mheas. Is ar an iarratasóir atá an dualgas a chinntiú go bhfuil a iarratas curtha isteach.
Eiseofar ríomhphost deimhnithe ina dtabharfar sonraí faoi d’iarratas agus d’uimhir thagartha a luaithe is a bheidh d’iarratas curtha isteach agat ina iomlán.
Caitear go han-dáiríre le heolas bréagach nó mhíthreorach a chuirtear faoi bhráid na Roinne, agus d'fhéadfaí iarratasóir a dhícháiliú ón scéim ar gheall air.
Beidh na céimeanna seo a leanas i gceist sa phróiseas roghnúcháin:
1. Nuair a dhéanfar iarratais ar an scéim a mheas, cuirfear gach iarratasóir incháilithe san áireamh le haghaidh roghnúcháin fhéideartha sa phróiseas randamach roghnúcháin don ghrúpa faighteoirí agus don ghrúpa cóimheasa.
2. Déanfar iarratais incháilithe a anaithnidiú.
3. Bainfear úsáid as bogearraí chun rannpháirtithe a roghnú go randamach.
4. Déanfar an sampla a sheiceáil chun ionadaíocht leordhóthanach a chinntiú.
D'fhéadfadh tréimhse fada go leor a bheith i gceist d'fhaighteoirí na Scéime um Ioncam Bunúsach do na hEalaíona sula gcuirfear tús le híocaíochtaí a thabhairt. Toisc gur tionscadal píolótach taighde í an Scéim um Bhun-Ioncam do na hEalaíona ní mór céimeanna éagsúla , a chur i gcrích sula dtosófar ar na híocaíochtaí. Beidh tionchar ag líon na n-iarratas ar gach ceann de na céimeanna seo. Ina measc seo tá:
- Ní mór gach iarratas a sheiceáil le haghaidh incháilitheachta, d’fhéadfadh go n-éileodh sé seo ar an Roinn tuilleadh faisnéise a lorg ó iarratasóirí;
- Nuair a dhéanfar measúnú ar incháilitheacht cuirfear gach iarratasóir isteach i bpróiseas randamach roghnúcháin chun rannpháirtithe na scéime a roghnú;
- Cuirfear iarratasóirí incháilithe nár roghnaíodh chun an íocaíocht a fháil isteach i bpróiseas samplála randamaí gan ainm chun an “grúpa cóimheasa” a roghnú;
- Beidh ar rannpháirtithe sna grúpaí cóimheasa agus faighteoirí araon Comhaontú Leibhéal Seirbhíse a shíniú leis an Roinn chun glacadh leis an tairiscint agus glacadh leis na téarmaí agus coinníollacha a bhaineann le rannpháirtíocht sa Scéim Phíolótach;
- Lorgófar sonraí bainc agus fianaise ar imréiteach cánach ó rannpháirtithe ansin agus caifear iad a chur ar bun mar sholáthraithe ar chóras íocaíochta na Roinne. Ní mór go mbeadh cuntas bainc in Éirinn nó SEPA insroichte ag faighteoirí (ní Banc Uladh/KPC mar tá na cuntais sin le dúnadh). Is féidir faisnéis faoi chuntas bainc atá inrochtana ag SEPA a fháil [external-link [https://www.revenue.ie/en/starting-a-business/documents/guide-to-sepa.pdf] | anseo ]
- Déanfar suirbhé bonnlíne sonraí ar na rannpháirtithe go léir sna grúpaí faighteora agus cóimheasa araon sula dtosóidh na híocaíochtaí mar phointe tosaigh/bonnlíne don taighde.
Ríomhphost: basicincomeforthearts@tcagsm.gov.ie
Beidh seoladh gníomhach ríomhphoist ag teastáil ó gach iarratasóir ar an Scéim Phíolótach um Bhunioncam do na hEalaíona.
Próiseas Achomhairc na Scéime
Próiseas Achomhairc na Scéime
Íosluchtaigh nasc le haghaidh
Íoslódáil
féachaint ar an gcomhad
Amharc
Reáchtálfar an scéim phíolótach um Bhunioncam do na hEalaíona thar thréimse trí bliana (2022 – 2025).
Tá sé beartaithe taighde a dhéanamh ar an tionchar a bheadh ag bunioncam ar phatrúin oibre ealaíontóirí agus oibrithe cruthaitheacha trí dheis a sholáthar chun díriú ar a gcleachtas, agus chun caillteanas scileanna ó na healaíona mar thoradh ar an bpaindéim a íoslaghdú agus chun cur le hathfhás na hearnála de réir a chéile i ndiaidh na paindéime.
Tugann an tAire Catherine Martin, an tAire Turasóireachta, Cultúir, Ealaíon, Gaeltachta, Spóirt agus Meán, tús áite do sheachadadh na scéime píolótaí chun tacú leis an téarnamh in earnáil na n-ealaíon agus an chultúir agus an cinnteacht a bhfuil géarghá léi a sholáthar do na healaíontóirí agus do na daoine cruthaitheacha a bhainfidh leas as an scéim phíolótach.
Beidh an scéim oscailte d’ealaíontóirí agus oibrithe earnála ealaíon cruthaitheach incháilithe.
Tá sé tábhachtach a thabhairt faoi deara nach bunioncam uilíoch é bunioncam do na healaíona.
Is idirghabháil earnála é seo chun tacú le healaíontóirí atá ag cleachtadh agus le hoibrithe sna healaíona cruthaitheacha díriú ar a gcleachtas cruthaitheach. Tá an polasaí seo ar leithligh ón mbunioncam uilíoch a leagtar amach sa Chlár Rialtais. Tá an Clár Rialtais, Ár dTodhchaí Comhroinnte tiomanta do scéim phíolótach um bhunioncam uilíoch a thabhairt isteach le linn saolré an Rialtais.
Cuirtear an chabhair atá á lorg ar fáil faoi Rialachán an Choimisiúin Eorpaigh maidir le Cúnamh De Minimis. Meastar méideanna beaga cúnaimh Stáit, suas le 200,000 Euro in aon tréimhse trí bliana d’aon fhiontar amháin, a bheith róbheag chun cur isteach go mór ar thrádáil nó ar iomaíocht sa chómhargadh. Meastar méideanna den sórt sin a bheith lasmuigh den chatagóir Státchabhrach a bhfuil toirmeasc uirthi faoi Chonradh CE agus is féidir iad a dhámhachtain gan fógra nó imréiteach ón gCoimisiún Eorpach. Ceanglaítear ar Bhallstát meicníocht a bheith aige chun an chabhair sin (ar a dtugtar ‘cúnamh De Minimis’) a rianú agus chun a chinntiú nach sáraíonn comhmhéid na n-íocaíochtaí cúnaimh De Minimis ó gach foinse d’aon fhiontar amháin in aon tréimhse trí bliana uasmhéid 200,000 Euro.
Iarrfar ar fhaighteoirí sonraí a sholáthar ar gach cúnamh De Minimis eile a deonaíodh dóibh le trí bliana anuas. D’fhéadfadh dearbhú bréagach a dhéanann faighteoir a bheith ina chúis le haisghabháil na cabhrach le hús níos déanaí má sháraítear an tairseach 200,000 Euro mar thoradh air. Is éard atá i maoiniú na Scéime ná Cúnamh De Minimis agus iarrfar ar iarratasóirí freisin a admháil go bhfuil íocaíocht na Scéime á tairiscint faoi Chúnamh De Minimis trína dhearbhú gur mhian leo iarratas a dhéanamh ar an Scéim faoi Rialachán De Minimis (CE) 1407/2013 den 18 Nollaig 2013.
Iarratas a dhéanamh má tá tú ag fáil íocaíochtaí ón Roinn Cosanta Sóisialta
Is féidir le healaíontóirí agus oibrithe ealaíon cruthaitheach atá ag fáil íocaíochtaí leasa shóisialaigh iarratas a dhéanamh.
Is ceann de chuspóirí taighde na scéime ná féachaint an bhféadfadh íocaíocht ioncam bunúsach laghdú a dhéanamh ar spleáchas na hearnála ealaíon ar íocaíochtaí leasa shóisialaigh le linn tréimhsí dífhostaíochta.
Déileálfaidh an Roinn Cosanta Sóisialta le hioncam ón scéim mar ioncam ó fhéinfhostaíocht chun críche a cuid tástálacha acmhainne éagsúla. Ciallaíonn sé seo, i gcás ina n-áirítear le scéim neamhaird ar mhéid áirithe ioncaim ó fhéinfhostaíocht, cuirfear an neamhaird sin i bhfeidhm ar ioncam ón scéim phíolótach um ioncam bunúsach.
Braithfidh an tionchar ar theidlíochtaí leasa shóisialaigh duine ar chúinsí an duine aonair e.g. ioncam teaghlaigh, foinsí eile ioncaim srl.
Moltar d’iarratasóirí a roghnaítear chun páirt a ghlacadh sa chlár píolótach dul i dteagmháil leis an Roinn Cosanta Sóisialta chun an tionchar ar a n-íocaíochtaí leasa shóisialaigh dá bhfaighidís an bunioncam do na healaíona a chinneadh sula nglacann siad le tairiscint chun páirt a ghlacadh.
Ba chóir dóibh siúd a fhaigheann íocaíocht leasa shóisialaigh a fhaigheann íocaíochtaí ón scéim phíolótach an t-athrú seo ina gcúinsí a chur in iúl don Roinn Cosanta Sóisialta.
An gcaillfidh daoine ar Liúntas Míchumais ón Roinn Cosanta Sóisialta a gcuid sochar?
Féachfaidh an Roinn Cosanta Sóisialta ar an mbunioncam mar thuilleamh ó fhéinfhostaíocht. Braithfidh an tionchar a bheidh ag ioncam ón scéim phíolótach bunioncaim ar íocaíocht Liúntais Mhíchumais duine ar chúinsí gach duine agus beidh orthu dul i dteagmháil leis an Roinn Cosanta Sóisialta faoi.
Is íocaíocht de réir tástála acmhainne é an Liúntas Míchumais do dhaoine faoi mhíchumas sonraithe a bhfuil a n-ioncam faoi bhun teorainneacha áirithe agus atá idir 16 bliana d’aois agus faoi 66 bliain d’aois.
Is féidir le duine atá ag fáil Liúntas Míchumais dul i mbun fostaíochta nó féinfhostaíochta. Ní thugtar aird ar an gcéad €140 d’ioncam seachtainiúil ón bhfostaíocht sin (tar éis ÁSPC, ranníocaíochtaí pinsin agus dleachtanna ceardchumainn a asbhaint) chun críche na tástála acmhainne.
Ansin déantar neamhaird de 50% dá dtuilleamh seachtainiúil idir €140 agus €350 chun críche na tástála acmhainne. Déantar aon tuilleamh breise, os cionn €350 in aghaidh na seachtaine, a mheasúnú go hiomlán chun críche na tástála acmhainne.
Chomh maith leis an tástáil acmhainne a shásamh, chun cáiliú don Liúntas Míchumais ní mór do dhuine:
• gortú, galar nó míchumas coirp nó meabhrach a bheith agata lean, nó a mbeifí ag súil go leanfaidh, ar feadh bliana ar a laghad, agus
• srian suntasach a bheith ort ó obair a dhéanamh a bheadh oiriúnach do dhuine ag d’aois, lle do thaithí agus do cháilíochtaí.
An gcaillfidh daoine a bpinsean míchumais má fhaigheann siad an bunioncam do na healaíona?
• Is íocaíocht sheachtainiúil é an Pinsean Míchumais do dhaoine nach bhfuil in ann oibriú mar gheall ar bhreoiteacht fhadtéarmach nó míchumas agus atá clúdaithe ag árachas sóisialta (ÁSPC).
• Ní dhéantar tástáil acmhainne ar an íocaíocht agus mar sin ní bheadh tionchar ag ioncam ón scéim phíolótach ar ioncam bunúsach ar ráta pearsanta íocaíochta duine.
• Chun cáiliú do phinsean míchumais, áfach, ní mór do dhuine:
o a bheith éagumasach chun oibre ar feadh 12 mhí ar a laghad agus gur dócha go mbeidh siad éagumasach chun oibre ar feadh 12 mhí eile ar a laghad (d’fhéadfadh go raibh Sochar Breoiteachta nó Liúntas Míchumais á fháil acu le linn an ama sin) nó
o a bheith éagumasach go buan chun oibre (i gcásanna áirithe breoiteachta nó míchumas an-tromchúiseach, is féidir le duine aistriú go díreach ó íocaíocht leasa shóisialaigh eile nó óna phost chuig an bPinsean Míchumais).
o Agus
o Na coinníollacha ranníocaíochta ÁSPC ábhartha a shásamh.
An féidir le daoine atá ag fáil Liúntas Cúramóra iarratas a dhéanamh agus an gcaillfidh siad a n-íocaíocht liúntais cúramóirí ón Roinn Cosanta Sóisialta?
Is féidir le daoine atá ag fáil Liúntas Cúramóra iarratas a dhéanamh ar an scéim. Féachfaidh an Roinn Cosanta Sóisialta ar an mbunioncam mar thuilleamh ó fhéinfhostaíocht. Mar sin i gcás scéimeanna ar nós Liúntas Cúramóra a bhfuil neamhaird ioncaim acu cuirfear an t-ioncam san áireamh sa neamhaird ioncaim scéime.
Baineann tástáil acmhainne an Liúntais Chúramóra le measúnú a dhéanamh ar an ioncam a thagann isteach i dteaghlach. I gcás duine singil ní chuirtear €332.50 dá n-ollioncam seachtainiúil san áireamh (nó ní thugtar aird air). Má tá duine pósta, i bpáirtnéireacht shibhialta nó ag comhchónaí le chéile ní thugtar aird ar an gcéad €665 den ioncam comhlán seachtainiúil. (Tabhair faoi deara, le do thoil, go ndéantar ÁSPC, dleachtanna ceardchumainn, aoisliúntas (ranníocaíochtaí pinsin) a asbhaint ó d’ioncam comhlán freisin).
Chomh maith leis an tástáil acmhainne, ceann de na coinníollacha cáilithe chun Liúntas Cúramóra a fháil is ea nach bhfuil an duine ag obair, féinfhostaithe, nó ar chúrsa oiliúna nó oideachais ar feadh níos mó ná 18.5 uair sa tseachtain.
An gcaillfidh daoine atá ag fáil Pinsean na nDall a n-íocaíocht leasa shóisialaigh má fhaigheann siad an bunioncam do na healaíona?
Is íocaíocht de réir tástála acmhainne é Pinsean na nDall a íoctar le daoine dalla agus lagamhairc a bhfuil gnáthchónaí orthu in Éirinn. Is é an t-uasráta pearsanta ná €208 in aghaidh na seachtaine.
Is féidir le duine atá ag fáil Phinsean na nDall dul i mbun fostaíochta nó féinfhostaíochta. Ní thugtar aird ar an gcéad €140 d’ioncam seachtainiúil ón bhfostaíocht sin (tar éis ÁSPC, ranníocaíochtaí pinsin agus dleachtanna ceardchumainn a asbhaint) chun críche na tástála acmhainne. Ansin déantar neamhaird de 50% dá dtuilleamh seachtainiúil idir €140 agus €350 chun críche na tástála acmhainne.
Déantar aon tuilleamh breise, os cionn €350 in aghaidh na seachtaine, a mheasúnú go hiomlán chun críche na tástála acmhainne.
Toisc go ndéileálfar le hioncam ón scéim phíolótach ioncam bunúsach d’ealaíontóirí mar ioncam ó fhéinfhostaíocht cuirfear an neamhaird i bhfeidhm.
Tugann an t-eolas a chuirtear ar fáil sa doiciméad seo tuiscint d’iarratasóirí ar an bpróiseas trína ndéantar iarratais ar an scéim phíolótach um Ioncam Bunúsach do na hEalaíona a fháil agus a mheas agus níl sé ina léirmhíniú dlíthiúil.
An tAcht um Shaoráil Faisnéise 2014
Ba cheart go mbeadh a fhios ag iarratasóirí, faoin Acht um Shaoráil Faisnéise 2014 agus Rialacháin na gComhphobal Eorpach (Rochtain ar Fhaisnéis faoin gComhshaol) 2007 go 2014, go bhféadfadh faisnéis a sholáthraíonn siad le linn an phróisis iarratais agus próisis ina dhiaidh sin a bhaineann lena n-iarratas a bheith faoi dhliteanas nochta.
Cosaint Sonraí
Féach ar an nasc seo a leanas le haghaidh eolais faoi chosaint sonraí na Roinne: anseo
Ní bheidh an Roinn Turasóireachta, Cultúir, Ealaíon, Gaeltachta, Spóirt agus Meán faoi dhliteanas i leith iarratasóra ná aon pháirtí eile as aon chaillteanas, damáiste nó costais de chineál ar bith a eascróidh go díreach nó go hindíreach as an iarratas nó as a ábhar nó as diúltú na Roinne don iarratas ar chúis ar bith.
Ní bheidh an Roinn, a seirbhísigh ná a ngníomhairí freagrach, tráth ar bith, as aon ábhar a bhaineann le forbairt, pleanáil, maoiniú, tógáil, oibriú, bainistiú agus/nó riar thionscadal aonair nó aon ábhar a bhaineann le cuid de na sonraisc a chuir deontaithe isteach a íoc.
Coimeádann an Roinn an ceart tuilleadh eolais a iarraidh uait d’fhonn d’iarratas a mheas más gá. Maidir leis seo, d’fhéadfadh an roinn spotseiceálacha a dhéanamh.