Cód Cleachtais don Fheidhmiú Slán d’Árthaí Áineasa

Is foinse luachmhar faisnéise, comhairle agus treoir oibríochta dea-chleachtais é an Cód Cleachtais d'úinéirí, máistrí, oibreoirí agus úsáideoirí raon árthaí áineasa agus áineasa a fheidhmíonn in uiscí cósta agus intíre na hÉireann, lena n-áirítear:

• Árthaí seoltóireachta

• Báid a úsáidtear le haghaidh slatiascaireachta áineasa

• Árthaí Uisce Pearsanta (m.sh. scairdscíonna)

• Báid Rámhaíochta

• Canúnna, cadhcanna

• Chláir Sheaschéaslóireachta (nuair a úsáidtear le haghaidh loingseoireachta)

• Báid mhótair, báid sciála, báid chumhachta, báid spóirt agus báid tumadóireachta

• Clársheoltóirí

• Árthaí neamh-chumhachta.

Tá roinnt meabhrúcháin sábháilteachta maidir le “Smaoinigh agus Ullmhaigh” sa Chód Cleachtais, chomh maith le moltaí agus seicliostaí atá ceaptha béim a chur ar a thábhachtaí atá sé smaoineamh agus ullmhú sula gcinneann daoine tús a chur le turas ar an uisce.

Leagtar amach an Cód Cleachtais mar seo a leanas:

• Réamhrá Ginearálta agus Seicliostaí Sábháilteachta;

• Cuid A den Chód – I gCaibidil 1, leagtar amach na ceanglais reachtacha a bhaineann leis na hárthaí áineasa ar fad nó le cineálacha nó méid árthaí ar leith. Caithfidh úinéirí agus oibreoirí géilleadh leis na riachtanais chuí dá n-árthaí;

• Cuid B den Chód – I gCaibidil 2 go 11 tá treoirlínte molta agus scothchleachtas don fheidhmiú slán d’árthaí áineasa. I gCaibidil 2 go 9 tá treoir maidir le cineálacha áirithe d’árthaí/gníomhartha áineasa. Soláthraíonn Caibidlí 10 agus 11 treoir shábháilteachta a bhaineann le hárthaí áineasa go ginearálta.

Tá an Cód Cleachtais ar fáil saor in aisce ón Rannóg Beartais um Shábháilteacht Mhuirí den Roinn Iompair ag MarineLeisureSafety@transport.gov.ie nó ag (01) 678 3434.