Foilsiú
Breis is €410 milliún i mbearta cosanta sóisialta mar chuid de thacaíochtaí costais maireachtála an rialtais
Foilsithe
An t-eolas is déanaí
Foilsithe
An t-eolas is déanaí
D'fhógair an tAire Coimirce Sóisialaí, Heather Humphreys, sonraí inniu faoi phacáiste leasa shóisialaigh dar luach €410 milliún chun tacú le teaghlaigh, pinsinéirí, cúramóirí agus daoine faoi mhíchumas.
Leagann na bearta a fógraíodh inniu, chomh maith leis an €2.2 billiún de thacaíochtaí i mBuiséad 2023, béim ar thiomantas leanúnach an rialtais aghaidh a thabhairt ar an gcostas maireachtála méadaithe a bhíonn ar dhaoine a bhraitheann ar íocaíochtaí leasa shóisialaigh agus ar theaghlaigh i bhfostaíocht.
I measc na mbeart a fógraíodh inniu:
- íocfar aon chnapshuim €200 amháin, fiú má fhaigheann duine níos mó ná íocaíocht leasa shóisialaigh cháilitheach amháin
NÓTAÍ BREISE
- dlite le híoc i mí Aibreáin 2023
- i measc na bhfaighteoirí tá na grúpaí céanna a fuair Bónas na Nollag in 2022 lena n-áirítear iad siúd atá ar íocaíochtaí Cuardaitheora Poist nó Sochar Breoiteachta ar feadh níos mó ná 12 mhí, agus daoine a fhaigheann Íocaíocht Teaghlaigh i bhFostaíocht.
Nóta: Déanfar aon íocaíocht amháin in aghaidh an phríomhfhaighteora.
- cnapshuim aonuaire €100 do gach leanbh a n-íoctar sochar linbh ina leith
- dlite le híoc i Meitheamh 2023
- dáta cur chun feidhme: Meitheamh 2023
- íocfar íocaíocht bhreise €100 freisin in 2023, do gach leanbh a n-íoctar an Liúntas Éadaí agus Coisbhirt don Scoilbhliain Nua ina leith
- i gcás leanbh atá idir 4-11 bhliain d'aois, íocfar €260 leo agus íocfar €385 leo siúd atá 12 – 22 bhliain d'aois.