Foilsiú
Creat Náisiúnta um Pleanáil Mhuirí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ar aon dul le ceanglais Threoir 2014/89/AE an AE, bhunaigh an tAire Tithíochta, Rialtais Áitiúil agus Oidhreachta an Creat Náisiúnta um Pleanáil Mhuirí (an CNPM) go foirmiúil an 20 Bealtaine 2021. Faoi Chuid 5 den Acht um Pleanáil agus Forbairt (Leasú), 2018, is é an tAire an t-údarás inniúil ar mhaithe le cuspóirí na Treorach agus, dá réir sin, chun chéad phlean spásúlachta muirí na hÉireann a ullmhú.
Cheadaigh an Chomh-Aireacht an CNPM an 23 Márta 2021, agus vótáil Seanad Éireann ar a shon ina dhiaidh sin an 19 Aibreán 2019, agus vótáil Dáil Éireann ar a shon an 12 Bealtaine 2021. Lena chinntiú go gcomhlíonann an CNPM na ceanglais ábhartha dhlíthiúla chomhshaoil, tugadh faoi Mheasúnacht Straitéiseach Timpeallachta (MST), Ráiteas Tionchair Natura (NIS) agus Scagadh le haghaidh Measúnacht Chuí (SMC) freisin mar chuid den CNPM a ullmhú. Déantar seo lena chinntiú go bhfreagraíonn na cuspóirí agus torthaí náisiúnta d’íogaireacht agus riachtanais na timpeallachta nádúrtha níos fairsinge.
Is é An Creat Náisiúnta um Pleanáil Mhuirí (NMPF) a sheolfaidh An Taoiseach, Micheál Martin; T.D. ar 1ú Lúil 2021, an chéad chreat cuimsitheach um phleanáil spásúlacht mhuirí na hÉireann. Tugann an NMPF gach gníomhaíocht a dhéanann daoine ar farraige le chéile don chéad uair, ag leagan amach fís, cuspóirí agus beartais phleanála an Rialtais do gach gníomhaíocht mhuirí.
Bealach nua is ea an Phleanáil Spásúil Mhuirí (PSM) chun breathnú ar an gcaoi a n-úsáideann muid an limistéar muirí agus a phleanáil cén chaoi ab fhearr úsáid a bhaint as san am atá le teacht. Faoin PSM, déanfar iarracht cothromaíocht a bhaint amach idir na héilimh éagsúla a bhaineann le húsáid na farraige, lena n-áirítear an gá atá le cosaint na muirthimpeallachta. Is éard atá i gceist leis a phleanáil cén uair agus cén áit a mbeidh gníomhaíochtaí ar siúl ag daoine ar farraige. Bainfear leas as lena chinntiú go mbeidh na gníomhaíochtaí sin chomh héifeachtach agus chomh hinbhuanaithe agus is féidir. Leis an bpleanáil spásúil mhuirí, bíonn ról trédhearcach ag na páirtithe leasmhara maidir le gníomhaíochtaí muirí a phleanáil.
Tugtar an Creat Náisiúnta um Pleanáil Mhuirí ar Phlean Spásúlacha Muirí na hÉireann.
Tugann an Creat Náisiúnta um Pleanáil Mhuirí (NMPF) gach gníomhaíocht a dhéanann daoine ar farraige le chéile don chéad uair, ag leagan amach fís, cuspóirí agus beartais phleanála an Rialtais do gach gníomhaíocht mhuirí.
D’fhoilsigh an tAire Tithíochta, Rialtais Áitiúil agus Oidhreachta, Darragh O’Brien agus an tAire Stáit maidir le Rialtas Áitiúil agus Pleanáil, Peter Burke, Chomhairliúcháin an Chreata Náisiúnta um Pleanáil Mhuirí an 24 Bealtaine 2022.
Sheol an Rialtas nasc le doiciméad ar an láithreán don chomhairliúchán poiblí ar dhéacht-Chreata Náisiúnta um Pleanáil Mara (NMPF) ar an 12ú Samhain 2019. Áiríodh sa phróiseas comhairliúcháin fairsing seo aon chruinniú poiblí déag a tionóladh in áiteanna réigiúnacha cósta ar fud na tíre, chomh maith le himeacht comhairliúcháin ar líne. Fuarthas 225 aighneacht phoiblí (i mBéarla amháin) le linn dhréachtphróiseas comhairliúcháin an NMPF. Bhí NMPF faoi réir Measúnaithe Comhshaoil (SEA AA) freisin.
Ceann de na chéad gharspriocanna a aithníodh sa treochlár is ea tuarascáil a fhoilsiú i gcomhair comhairliúcháin, tuarascáil ina leagfar amach an comhthéacs ina bhfuil an plean spásúil muirí á fhorbairt agus a d'fhéadfadh cabhrú le sainaithint a dhéanamh ar na príomhcheisteanna nach mór aghaidh a thabhairt orthu leis an bpleanáil mhuirí. Foilsíodh an Tuarascáil Bhonnlíne maidir leis an gCreat Náisiúnta um Pleanáil Mhuirí an 18 Meán Fómhair 2018, agus leagtar amach inti:
Tugann Forbhreathnú ar na Freagraí a Fuarthas (i mbéarla amháin) achoimre ar na hábhair a thug freagróirí orthu i n-aighneachtaí. Tugann an doiciméad um an bPróiseas Comhairliúcháin Phoiblí ar an Tuarascáil Bonnlíne faisnéis faoin gcaoi a ndeachaigh an comhairliúchán poiblí ar an Tuarascáil Bhunlíne i bhfeidhm ar ullmhúchán an Dréacht-NMPF.
Tá Grúpa Comhairleach bunaithe chun rannpháirtíocht na ngeallsealbhóirí ábhartha ó na piléir eacnamaíocha, chomhshaoil agus shóisialta a éascú sa phróiseas MSP. Is é cuspóir an Ghrúpa Chomhairligh leas a bhaint as acmhainneacht agus cumas réimse leathan earnálacha lena n-áirítear ionadaíocht ón earnáil phoiblí, ón earnáil ghnó, ó earnálacha comhshaoil, sóisialta agus eolasbhunaithe chun smaointeoireacht straitéiseach agus cinnteoireacht a threorú in ullmhú pleananna spásúla mara . Cuireann an Grúpa Comhairleach obair an Ghrúpa Idir-Rannach BPA ar an eolas freisin agus soláthraíonn sé nuashonruithe, tuarascálacha nó moltaí de réir mar is gá.
D'fhoilsigh an tAire Eoghan Murphy agus an tAire Damien English (12 Nollaig 2017) I dTreo Phlean Spásúlachta Mhuirí d’Éirinn – treochlár maidir leis an bhforbairt ar an gcéad phlean spásúil muirí de chuid na hÉireann.
Beidh ceithre chéim leathana i gceist san fhorbairt ar an bplean.
Más mian leat a bheith curtha ar ár liosta seoltaí seol na sonraí teagmhála chuig MSP@housing.gov.ie le do thoil.
Beidh Creat Náisiúnta na hÉireann um Pleanáil Mhuirí ar cheann de na príomhuirlisí cinnteoireachta a bheidh ag údaráis rialála agus ag an lucht déanta beartas amach anseo. Úsáidfear é ar roinnt bealaí difriúla, lena n-áirítear chun cinntí a dhéanamh ar iarratais aonair ar thoiliú, ina mbeidh sé riachtanach aird a thabhairt ar fhorálacha an phlean. Úsáidfear é ar an mbealach céanna a úsáidtear pleananna talún agus cinntí á ndéanamh ar an bpróiseas pleanála ar an talamh.
Is é Foras na Mara, lárionad náisiúnta sonraí muirí na hÉireann, a óstálann Atlas Mara na hÉireann . Beidh an t-atlas ar an bpríomhstór sonraí muirí a úsáidfear chun tacú le húdaráis rialála muirí forbairt a dhéanamh ar an gCreat Náisiúnta um Pleanáil Mhuirí agus ar an gcinnteoireacht fhianaisebhunaithe a bheidh ar bun faoin gCreat. Forbraíodh an t-atlas mar uirlis tuairiscithe agus imscrúdaitheach a bhfuil fáil ag an bpobal uirthi. Is é an aidhm atá léi freastal ar thuairisciú na hÉireann ar dhálaí aigéin, faoi mar a cheanglaítear uirthi faoin Treoir Réime um Straitéis Mhuirí, faoin Treoir um Pleanáil Spásúil Mhuirí, faoin gCreat-treoir Uisce agus faoi Threoracha ábhartha eile ón Aontas Eorpach. Áirítear leis an atlas sonraí muirí faoi nithe amhail teorainneacha riaracháin, limistéir chosanta, ola agus gás, gnéithe aigéin, iascaigh agus dobharshaothrú, faireachán muirí, gnáthóga grinneall farraige, turasóireacht agus fóillíocht, iompar, bonneagar, foinsí pointe sceite, limistéir chosanta na hEagraíochta Muirí Idirnáisiúnta agus láithreáin diúscartha reatha/stairiúla. Is féidir an t-atlas a rochtain ag an nasc seo a leanas: https://atlas.marine.ie/ .
Rinneadh an Treoir MSP a thrasuí i ndlí na hÉireann den chéad uair le rialacháin a rinneadh i 2016 (IR 352 de 2016). Ó rinneadh na rialacháin faoi Acht na gComhphobal Eorpach 1972, bhí siad teoranta do na bearta a theastaíonn chun an treoir a thrasuí. I mí Dheireadh Fómhair 2018 aisghaireadh na rialacháin agus cuireadh Cuid 5 den Acht um Pleanáil agus Forbairt (Leasú) 2018 (i mbéarla amháin) ina ionad. Cuirtear Cuid 5 ar athródú ar an Treoir sa reachtaíocht phríomha agus tá roinnt beart a bhaineann leis na cinn atá ag teastáil ón treoir, lena n-áirítear:
Athbhreithniú agus athsholáthar an NMPF gach 6 bliana;
In 2014, ghlac Parlaimint na hEorpa agus Comhairle an Aontais Eorpaigh Treoir 2014/89/AE . Faoin treoir sin, bunaíodh creat i leith PSM agus sonraíodh inti na príomhchuspóirí (Airteagal 5) agus na ceanglais íosta (Airteagal 6). Ní mór an Plean Spásúil Muirí a bheith i bhfeidhm faoi mhí an Mhárta 2021.
Breathnaigh tríd an leathanach nuachta atá againn: Nuachtlitir Project Marine. Is é is aidhm leis an Nuachtlitir seo an t-eolas is déanaí maidir leis an méid atá ag tarlú i dtaobh beartas mara a fhorbairt a chur ar fáil do gach saoránach agus páirtí leasmhara a bhfuil suim acu i gcúrsaí mara. Cuirtear sonraí ar fáil inti ar an obair reachtach leanúnach atá ar bun ag an Roinn, chomh maith le léargas a thabhairt do léitheoirí ar an mbaint atá ag beartas Náisiúnta le beartas Eorpach níos leithne. Tá sé i gceist ag an Roinn seo an nuachtlitir seo a eisiúint ar bhonn rialta, gach ráithe más féidir, agus cuirfimid fáilte roimh mhíreanna ó gach páirtí ábhartha.
Tá sé mar aidhm ag an Treoir Achoimre ar Rannpháirtíocht Bia Mara/Fuinneamh In-athnuaite Amach ón gCósta in Éirinn treoir a sholáthar do thionscadail Fuinneamh In-athnuaite Amach ón gCósta agus do pháirtithe leasmhara bia mara maidir le conas a bheith rannpháirteach agus comhaireachtáil ar bhealach bríoch agus cuiditheach ar feadh shaolré an Tionscadail Fuinnimh In-athnuaite Amach ón gCósta.