Foilsiú
Cuireadh tús le 35,358 teach sa chéad seacht mí de 2024
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Cuireadh tús le 1,574 teach in Iúil 2024.
Sa chéad seacht mí de 2024 (Eanáir - Iúil), cuireadh tús le 35,358 teach, gar do mhéadú faoi dhó (méadú 91%) ar an 18,546 sna míonna céanna in 2023. Is ionann sin agus timpeall ar 240 teach ar an meán ar cuireadh tús leo gach lá oibre go dtí deireadh mhí Iúil.
Íomha: comms_ytd_col_graph July
Le 12 mhí anuas, (Lúnasa 2023 go dtí Iúil 2024) tá tús curtha le 49,613 aonad, méadú 72% ó 28,916 sna 12 mí roimhe sin (Lúnasa 2022 go dtí Iúil 2023).
Íomha: comms_rolling_augjul_col
As na háiteanna cónaithe ar cuireadh tús leo sa chéad seacht mí de 2024 (Eanáir - Iúil), bhí 35% díobh sna ceithre údarás áitiúla i mBaile Átha Cliath. De réir údarás áitiúil, ba i gCathair Bhaile Átha Cliath a cuireadh tús leis an líon ba mhó aonad go dtí seo i mbliana (5,197) agus Cathair Chorcaí (3,447) agus Fine Gall (3,341) ina dhiaidh sin.An líon ba lú aonad ar cuireadh tús leo ná i Liatroim (50), sa Longfort (75) agus i Ros Comáin (104).
Is féidir sonraí iomlána ar líon na n-aonaid ar cuireadh tús leo, ar fhógraí agus ar áiteanna cónaithe aonuaire ar bhonn náisiúnta agus de réir údarás áitiúil ó 2014 go dtí Iúil 2024 a íoslódáil thíos.
