Foilsiú
Earnáil na gColáistí Gaeilge
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Cé gur ar lucht stiúrtha na gcoláistí Gaeilge féin atá an phríomhfhreagracht maidir lena gcoláistí féin faoi seach, tá ról lárnach agus tacúil ag an Roinn Turasóireachta, Cultúir, Ealaíon, Gaeltachta, Spóirt agus Meán agus ag an Roinn Oideachais araon chun tacú leis an earnáil trí chéile.
Is é an cuspóir foriomlán atá ag an dá Roinn sa chúram seo ná géilliúlacht maidir leis na dualgais ábhartha reachtúla a thiteann ar lucht stiúrtha na gcoláistí Gaeilge a chothú, chomh maith le dea-chleachtas i ngach réimse ábhartha eile a chur chun cinn oiread is féidir san earnáil – lena n-áirítear gnóthaí teagaisc agus foghlama na gcoláistí. Cuimsíonn na dualgais reachtúla:
Is faoi réir na rialacháin agus na coinníollacha a leagtar amach sa cháipéis dar teideal: Rialacháin faoina dtugtar aitheantas do chúrsaí Gaeilge faoi Scéim na bhFoghlaimeoirí Gaeilge 2019 (leasaithe) , a fheidhmíonn an dá Roinn mar a bhaineann sé leis an gcóras.
Sa chomhthéacs sin cuireann an Roinn Oideachais comhairle ar fáil, chomh maith le faireachán agus tuairisciú a dhéanamh ar ábhair a bhaineann le múineadh agus foghlaim, le cáilíochtaí múinteoirí agus le caighdeán ginearálta na gcúrsaí.
Ar mhaithe le deiseanna sealbhaithe agus saibhrithe teanga lasmuigh den chóras oideachais iarbhunscoile a chothú sa Ghaeltacht d’aos óg na tíre, cuireann an Roinn fóirdheontas ar fáil faoi Scéim na bhFoghlaimeoirí Gaeilge (SFG) atá iníoctha le teaghlaigh cháilithe Ghaeltachta a chuireann lóistín ar fáil dóibh siúd a ndéanann freastal ar chúrsa Gaeilge in aon cheann den c. 40 coláiste Gaeilge atá ag feidhmiú faoin scéim.
Is fiú €13 in aghaidh an oíche (ionann le €273 in aghaidh an scoláire i leith cúrsa trí seachtaine (21 oíche)) an fóirdheontas seo, a mbaineann breis agus 26,000 scoláire leas as in aghaidh na bliana fad is atá siad ag fanacht le teaghlaigh fud fad na Gaeltachta atá aitheanta faoin SFG. Is ionann seo agus infheistíocht stáit ar fiú breis agus €5m é san earnáil go bliantúil.
Don teaghlach sin ar mian leo iarratas a dhéanamh ar aitheantas faoi SFG, ní mór dóibh na céimeanna seo a leanas a ghlacadh agus na cáipéisí ábhartha a sheoladh ar r-phost amháin ag
1. Iarratas ar aitheantas a dhéanamh leis an Roinn Turasóireachta, Cultúir, Ealaíon, Gaeltachta, Spóirt agus Meán. Is gá an foirm a líonadh chuige seo agus a sheoladh ar ais go dtí an Roinn. Ní leor ríomhphost a chur ag lorg eolais.
i. SFG 2 Foirm Iarratas ar aitheantas faoi SFG
ii. SFG 3 Sainordú EFT – Sonraí Bainc
iii. SFG 3 (A) - Cruthúnas Cánach
2. Iarratas ar Ghrinnfhiosrúchán na nGardaí a dhéanamh le CONCOS. Ní féidir dul chun cinn a dhéanamh sa phróiseas aitheantais go dtí go bhfuil an Grinnfhiosrúchán bailí dearbhaithe.
3. Ní mór don teaghlach atá ag déanamh iarratas ar aitheantas cuairt chláraithe a shocrú leis an Roinn. Seolfar litir chuig an teaghlach go gairid i ndiaidh na cuairte seo ag cur in iúl dóibh ar éirigh nó nár éirigh leis an iarratas ar aitheantas.
4. An teach lóistín a chur in oiriúint do scoláirí a bheadh ar iostas faoi SFG, mar aon le teastas innealtóra don teach a sheoladh chuig an Roinn. Níor chóir an chéim seo a ghlacadh go dtí go bhfuil deimhniú faighte i scríbhinn ón Roinn gur éirigh leis an teaghlach ina n-iarratas ar aitheantas faoi SFG.
In éindí leis an gcúnamh praiticiúil seo, déanann an Roinn trí chiste faoi leith eile a riar faoi scáth na scéime, ar leas na Gaeilge agus na Gaeltachta, eadhon:
• DEIS Gaeltachta - Faoin tionscnamh seo ar cuireadh tús leis in 2019 cuirtear os cionn 800 scoláireacht ar fáil go bliantúil ar fiú c. €950 an ceann (ar chúrsa trí seachtaine) ar mhaithe le deiseanna faoi leith a chur ar fáil do lucht freastail iar-bhunscoileanna DEIS na tíre chun freastal a dhéanamh ar choláiste Gaeilge sa Ghaeltacht. Tá an tionscnamh seo á riar ag Bord Oideachais agus Oiliúna na Gaillimhe agus Ros Comáin (GRETB) agus is féidir tuilleadh eolas a fháil conas iarratas a dhéanamh ar scoláireacht trí r-phost a sheoaldh chuig scolaireachtaideis@gretb.ie
• ERASMUS Gaeltachta – Faoin tionscnamh seo ar cuireadh tús leis in 2019 tá ciste bliantúil ar fiú €250,000 cruthaithe chun an deis a thabhairt do suas le 175 mac léinn tríú leibhéal cur fúthu ar feadh seimeastar ollscoile le teaghlaigh Ghaeltachta fad is atá siad ag freastal ar chúrsa cáilithe tríú leibhéal.
• ÁRAINN Gaeltachta - Faoin tionscnamh seo cuirtear ciste ar fáil ar fiú suas le €195,000 in aghaidh na bliana chun gur féidir le c.30 scoláire iar-bhunscoile in aghaidh na bliana, scoilbhliain iomlán a chaitheamh ag freastal in aon cheann den trí iar-bhunscoil ar na hoileáin Árann.
Ina theannta sin cuirtear maoiniú ar fáil don scátheagraíocht Comhchoiste na gColáistí Samhraidh (CONCOS) ar mhaithe le cabhrú tuilleadh le hearnáil na gcoláistí samhraidh.
Is mar chuid den Clár Tacaíochtaí Pobail agus Teanga a ndéantar an scéim a riar, ar leas an phróisis pleanála teanga agus chur i bhfeidhm foriomlán na Straitéise 20 Bliain don Ghaeilge 2010-2030. Leagtar amach faoi Réimse Gnímh 2 den Plean Gníomhaíochta 2018-2022 - a d’fhoilsigh an Roinn i mí Meithimh 2018, cad atá ar bun agus beartaithe ag an Roinn i gcomhar le páirtithe leasmhara eile mar a bhaineann sé leis an earnáil.
Is féidir tuilleadh eolas a fháil ó Rannóg na gColáistí Gaeilge ach r-phost a sheoladh chuig:-
colaistigaeilge@tcagsm.gov.ie - ar fhiosrúcháin a baineann le coláistí, Scéim ÁRAINN Gaeltachta agus íocaíochtaí teaghlaigh
teaghlaighsfg@tcagsm.gov.ie - ar fhiosrúcháin a bhaineann le aitheantas teaghlaigh nó clárú faoi SFG agus Deontas Tosaithe Aonuaire
Pacáiste Eolais agus Clárú Teaghlaigh
SFG 5 - Sábhailteacht Dóiteain i dTithe Gaeltachta (1)
Íosluchtaigh nasc le haghaidh
Íoslódáil
féachaint ar an gcomhad
Amharc
Deontas Tosaithe Aon Uaire
SFG Leathán Eolais Deontas Tosaithe aonuaire
Íosluchtaigh nasc le haghaidh
Íoslódáil
féachaint ar an gcomhad
Amharc
Rialacháin agus Foirmeacha iarratais ar aitheantas chúrsaí Gaeilge
Ní mór do choláistí Gaeilge aitheantas a lorg ar chúrsaí Gaeilge ar a laghad mí roimh thús na gcúrsaí. Gheobhaidh coláistí Gaeilge atá ag lorg aitheantais do chúrsaí Gaeilge na cáipéisí go léir a bhaineann le cúrsaí agus Aicmí anseo. Ní mór na foirmeacha ábhartha a bheith comhlánaithe go hiomlán roimh sheoladh ar ais chuig an Roinn trí ríomhphost amháin colaistigaeilge@tcagsm.gov.ie
Rialacháin faoina dtugtar aitheantas do chúrsaí Gaeilge 2019 (leasaithe)
Íosluchtaigh nasc le haghaidh
Íoslódáil
féachaint ar an gcomhad
Amharc
Aicme B, C, D - Foirm Iarratas ar Aitheantas do Chúrsaí Gaeilge
Íosluchtaigh nasc le haghaidh
Íoslódáil
ERASMUS Gaeltachta - Foirm Iarratas ar Aitheantas do Chúrsaí Gaeilge
Íosluchtaigh nasc le haghaidh
Íoslódáil
Foirmeacha Éilimh Íocaíochta
Chun go féidir leis an Roinn (Rannóg na gColáistí Gaeilge) éileamh íocaíochtaí teaghlaigh/brúanna a phróiseáil, ní mór do gach coláiste na cáipéisí ábhartha a chomhlíonadh ina iomláine agus a sheoladh ar ais chuig an Roinn ar r-phost amháin ag colaistigaeilge@tcagsm.gov.ie
Foirm Éileamh Íocaíochtaí Teaghlaigh – Scéim ÁRAINN Gaeltachta
Íosluchtaigh nasc le haghaidh
Íoslódáil
