Foilsiú
Féach ar an beart i gCéim 3 atá i bhfeidhm anois láithreach
Ó Roinn an Taoisigh; An Roinn Sláinte
Foilsithe
An t-eolas is déanaí
Tá na bearta seo i bhfeidhm faoi láthair.
Tá na bearta seo mar chuid den tríú céim den mhaolú ar shrianta sláinte poiblí a cuireadh ar bun chun sinn ar fad a chosaint ar COVID-19. Tháinig siad i bhfeidhm de bhreis ar na bearta a fógraíodh mar chuid de chéim 2.
Is féidir leat taisteal áit ar bith in Éirinn anois.
Moltar clúdaigh aghaidhe a úsáid don iompar poiblí, ionaid miondíola, agus áiteanna eile a bhfuil sé deacair scaradh sóisialta a choimeád.
Is féidir leis na háiteanna seo a leanas athoscailt:
- na háiseanna aosoideachais go léir
- naíolanna, áiseanna feighlíochta leanaí agus réamhscoileanna
- campaí samhraidh
- clubanna óige
- áiseanna go léir istigh agus allamuigh do leanaí
Ba chóir do dhuine ar bith atá ábalta obair ón mbaile leanúint ag obair ón mbaile oiread agus is féidir.
Is féidir leis na gnólachtaí seo a leanas athoscailt:
- seirbhísí folláine – mar shampla: círichleachtadh, teiripe shuathaireachta, snáthaidpholladh, reifléacseolaíocht agus hoiméapaite
- gruagairí, bearbóirí, salóin ingne agus malaí, salóin áilleachta, spánna, seirbhísí smididh, seirbhísí griandathúcháin, tatuála agus pollta
- scoileanna tiomána
- gach miondíol (e.g. geallghlacadóirí), seirbhís agus gníomhaíocht tráchtála eile
Is féidir le scrúduithe tiomána atosú, chomh maith le seirbhísí tiomána deonacha agus seirbhísí eile tiomána.
Déanfaidh gníomhaireachtaí Stáit monatóireacht ar chomhlíonadh na bprótacal oibre agus na treorach sláinte.
Ceadaítear tionóil faoi dhíon le suas le 50 duine má reáchtáiltear iad i gcomhréir leis an gcomhairle sláinte poiblí.
Ceadaítear tionóil allamuigh le suas le 200 duine má reáchtáiltear iad i gcomhréir leis an gcomhairle sláinte poiblí.
Is féidir leis na háiteanna seo a leanas athoscailt:
- caiféanna agus bialanna a sholáthraíonn bia agus deochanna ar an áitreabh
- tithe tábhairne agus beáir óstáin atá ag feidhmiú mar bhialanna
- óstáin, brúnna, páirceanna carbhán agus páirceanna saoire
Tá moltaí ar leith ann i staca le hamhránaíocht, cóir agus uirlisí ceoil a sheinm i ngrúpaí.
Nóta: Tá na nithe ar fad thuas faoi réir na srianta i gCéimeanna 3 agus 4 i dtaca le huimhreacha do thionóil phoiblí agus comhairle thábhachtach eile i dtaca le sláinte phoiblí.
Is féidir leis na háiteanna seo a leanas athoscailt:
- músaeim, gailearaithe, amharclanna, ceolárais agus ionaid chultúrtha eile
- pictiúrlanna, ionaid ceoil (seachas clubanna oíche agus dioscónna), áiseanna fóillíochta, hallaí biongó, stuaraí siamsaíochta, rinceanna scátála, páirceanna siamsaíochta
- Foirgnimh Reiligiúnda agus ionaid adhartha
Nóta: Tá na nithe ar fad thuas faoi réir na srianta i gCéimeanna 3 agus 4 i dtaca le huimhreacha do thionóil phoiblí agus comhairle thábhachtach eile i dtaca le sláinte phoiblí.
Is féidir le gníomhaíochtaí spóirt atosú, lena n-áirítear:
- sraitheanna foirne do dhaoine fásta agus do leanaí
- spóirt le gartheagmháil
- imeachtaí agus ócáidí spóirt eagraithe le lucht féachana
Is féidir leis na háiteanna seo a leanas athoscailt:
- giomnáisiamaí agus áiseanna aclaíochta faoi dhíon
- stiúideonna ióga, Pilates agus damhsa
- clubanna spóirt agus linnte snámha poiblí
Nóta: Tá na nithe ar fad thuas faoi réir na srianta i gCéimeanna 3 agus 4 i dtaca le huimhreacha do thionóil phoiblí agus comhairle thábhachtach eile i dtaca le sláinte phoiblí.
Siúil nó rothaigh más féidir.
- mar thoradh ar scaradh sóisialta, tá srian ar líon na n-áiteanna ar an iomlán fós
- ná bain úsáid as iompar poiblí ach do thurais riachtanacha
- ba chóir clúdaigh aghaidhe a chaitheamh
- seachain an taisteal sa bhuaicam
- ba chóir gach taisteal thar lear nach bhfuil riachtanach a sheachaint
- táthar ag súil leis go ndéanfaidh paisinéirí atá ag teacht ón iasacht iad féin a fhéin-aonrú ar feadh 14 lá
- beidh ar phaisinéirí freisin foirm a líonadh isteach a léiríonn cén áit a ndéanfaidh siad féin-aonrú
Is féidir taisteal turasóireachta a atosú chuig oileáin amach ón gcósta.
Is féidir le húsáid busanna atosú do thurais, imeachtaí agus úsáid phríobháideach, agus cíos feithiclí.
Mar chuid den mhaolú ar shrianta, tá nuashonrú déanta ar gcomhairle ó HPSC i dtaca le sláinte phoiblí dóibh siúd atá os cionn 70 agus daoine atá iontach leochaileach ó thaobh na sláinte de. Tá sé seo ar fáil ar líne chun tacú leatsa, le do theaghlach agus/nó cúramóirí. Tá an chomhairle i dtaca le clutharú ceaptha le cuidiú leat riosca ionfhabhtaithe COVID-19 a laghdú. Ó tharla nach féidir an riosca a scrios go hiomlán, beidh ort féin a chinneadh cad atá ceart duit féin agus dod’ shláinte.
Má tá tú os cionn 70 nó leochaileach ó thaobh na sláinte de, bain úsáid as do chiall féin le cinneadh a dhéanamh conas is fearr an treoir seo a leanas i dtaca le sláinte phoiblí a chur i bhfeidhm:
- fan sa bhaile oiread agus is féidir leat
- coinnigh ort leis an scaradh sóisialta ó chuairteoirí/daoine a dtugann tú cuairt orthu, agus bain úsáid as clúdaigh aghaidhe
- bain úsáid as na hamanna atá curtha ar fáil go speisialta don tsiopadóireacht
- bain úsáid as clúdaigh aghaidhe agus tú i siopaí nó áiteanna poiblí gnóthacha
Economic Considerations for Reinstating Economic Activity: Update for Phase 3
Íosluchtaigh nasc le haghaidh
Íoslódáil
féachaint ar an gcomhad
Amharc