Foláireamh maidir le glaonna teileafóin agus téacsanna caimiléireachta

1. Gaeilge
2. Béarla
3. Fraincis
4. Gearmáinis
5. Hiondúis
6. Iodáilis

7. Laitvis
8. Liotuáinis
9. Polainnis
10. Portaingéilis
11. Rómáinis
12. Spáinnis

Táimid ar an eolas faoi théacsanna calaoiseacha a mhaíonn gur ón Roinn iad. Lorgóidh na téacsanna seo faisnéis phearsanta uaireanta nó iarrfaidh siad ort sonraí a fhíorú, mar shampla, le haghaidh Íocaíochtaí Costais Maireachtála.

Tar éis fhógra Bhuiséad 2025 d’fhéadfadh go mbeadh méadú ar théacsanna nó ar ghlaonna calaoiseacha ag iarraidh ar dhaoine clárú le haghaidh na gcnapshuimeanna agus na n-íocaíochtaí dúbailte. Má tá tú i dteideal cnapshuime nó íocaíocht dhúbailte, íocfar iad seo go huathoibríoch agus ní gá duit iarratas a dhéanamh orthu.

Táimid ar an eolas go bhfuil glaonna teileafóin agus teachtaireachtaí téacs calaoiseacha a mhaíonn gur ón Roinn iad ag lorg sonraí cuntas bainc nó faisnéis phearsanta.

Ní iarrfaidh ár bhfoireann riamh do chuid sonraí bainc ort más rud é go mbeadh cúis acu glaoch ort ar an bhfón agus ní iarrfaimid faisnéis phearsanta uait go deo trí theachtaireacht téacs.

Má fhaigheann tú glao nó téacs den sórt sin, ná déan comhrá leis an té atá ag glaoch agus ná roinn aon chuid de d’Uimhir PSP, sonraí cuntais bhainc nó aon fhaisnéis phearsanta eile leo.

Má chuir tú aon eolas den sórt sin ar fáil do ghlaoiteoir a chreideann tú gur camghlao nó camthéacs é, déan teagmháil leis an nGarda Síochána láithreach. Féach comhairle ón nGarda Síochána anseo.

Alert on Scam Phone Calls (Spanish)

Íoslódáil

Amharc