Foilsiú
Píolótach Náisiúnta Altranais do Leanaí a bhfuil Riachtanais Cúraim Sláinte Choimpléascacha acu
Foilsithe
An t-eolas is déanaí
Is é cuspóir an phíolóta tacaíochtaí altranais a chur i bhfeidhm chun ligean do leanaí a bhfuil riachtanais chasta cúram sláinte acu freastal ar scoil.
Tugann Cúram Príomhúil FSS maoiniú faoi láthair do Phacáistí Cúram Baile Péidiatraiceach (PHCPanna), trína soláthraíonn soláthraithe cúraim sláinte príobháideacha cúram altranais sa timpeallacht tí do leanaí a bhfuil riachtanais chasta chúram sláinte acu. Faoi scéim phíolótach nua de chuid an Rialtais chun tacú le leanaí a bhfuil riachtanais chúram sláinte chasta acu freastal ar scoil, tá sé beartaithe na huaireanta cúraim a chuireann PHCPanna ar fáil a shíneadh isteach i suíomh na scoile, do na leanaí sin atá ag fáil 20 uair an chloig cheana féin nó níos mó.
Tá altraí ar an láthair á maoiniú ag go leor scoileanna, go háirithe scoileanna speisialta, faoi láthair trí shocruithe éagsúla. Ní chuirfidh an tseirbhís phíolótach seirbhísí ná tacaíochtaí altranais atá ann cheana féin in áit i scoileanna.
Is í an Chomhairle Náisiúnta um Oideachas Speisialta (CNOS) a bheidh i gceannas ar an gclár píolótach. Déanfar meastóireacht ar an scéim phíolótach agus beidh an toradh mar bhonn eolais do sholáthar tacaíochta altranais do mhic léinn a bhfuil riachtanais chasta chúram sláinte acu amach anseo.
Tá tuilleadh treorach do scoileanna agus do thuismitheoirí ar an gclár píolótach le fáil ar shuíomh gréasáin na Roinne Oideachais agus an CNOS.
