Foilsiú
Seirbhís Abhcóideachta Sábháilteachta Othar
Foilsithe
An t-eolas is déanaí
Foilsithe
An t-eolas is déanaí
Bhronn an tAire Sláinte an conradh don tSeirbhís Abhcóideachta Othar neamhspleách nua i mí na Nollag 2018. Tacóidh an tseirbhís seo leo siúd ar mian leo gearán a dhéanamh faoina dtaithí ar an tseirbhís sláinte poiblí; agus tacaíocht a sholáthar d’othair a bhféadfadh eachtra sábháilteachta othar difear a dhéanamh dóibh.
Tar éis próiseas tairisceana iomaíoch, bronnadh an conradh chun an tseirbhís nua a oibriú ar an tSeirbhís Abhcóideachta Náisiúnta do Dhaoine faoi Mhíchumas. Meastar go dtiocfaidh an tseirbhís i bhfeidhm sa dara leath de 2019.
Dúirt an tAire:
"Tá Sábháilteacht Othar ag croílár ár seirbhíse sláinte. Tá sé ríthábhachtach, áfach, go gcinnteoimid cur chuige duine-lárnach d’othair agus d’úsáideoirí seirbhíse nuair a théann rud éigin mícheart ina gcúram nó ina gcóireáil. Cuirfidh an tSeirbhís Abhcóideachta Othar Neamhspleách nua seirbhís rúnda, neamhspleách agus saor in aisce ar fáil chun cabhrú leo siúd ar mian leo gearán a dhéanamh faoin tseirbhís sláinte. " Is céim shuntasach é bronnadh an chonartha seo i dtreo aghaidh a thabhairt ar na hábhair imní thábhachtacha a ardaíodh chun a chinntiú go bhfuil cur chuige sofhreagrach, atruach agus tacúil againn chun cabhrú le daoine nuair atá siad míshásta lena gcúram."
Ag trácht di ar an tSeirbhís Abhcóideachta Náisiúnta, dúirt Louise Loughlin, Bainisteoir Náisiúnta go raibh ríméad orthu a bheith in ann seirbhís abhcóideachta nua, saor in aisce agus neamhspleách a fhorbairt d’othair.
Cuirfear tús anois le clár chun bunú na seirbhíse a chumasú, agus chun abhcóidí a earcú agus a oiliúint. Tar éis an phróisis sin, táthar ag súil go dtiocfaidh an tseirbhís i bhfeidhm sa dara leath de 2019.
Cloífidh na habhcóidí a fhostaíonn an tseirbhís leis an Creat Inniúlachta do Sheirbhísí Abhcóideachta Sábháilteachta Othar agus Gearán agus ceanglófar air an clár oiliúna a reáchtáil an Coláiste Oiliúna Oscailte in 2019 thar ceann na Roinne Sláinte a chlárú agus a chríochnú.
Preas Ráiteas - [nasc seachtrach https://www.gov.ie/en/press-release/b7b02a-minister-announces-the-award-of-the-contract-for-the-independent-pat/ | Fógraíonn an tAire go mbronntar an conradh don tSeirbhís Abhcóideachta Neamhspleách ar Shábháilteacht Othar ]