Foilsiú
TUSA AGUS D’FHEIRM
Ó An Roinn Cosanta; Office of Emergency Planning ga
Foilsithe
An t-eolas is déanaí
Ó An Roinn Cosanta; Office of Emergency Planning ga
Foilsithe
An t-eolas is déanaí
Is gairm chontúirteach í an fheirmeoireacht, gairm atá níos contúirtí fiú i rith coinníollacha adhaimsire. Ba cheart d’fheirmeoirí PLEANANNA a dhéanamh chun éifeachtaí adhaimsir the ar a bhfeirmeacha agus ar a dteaghlaigh a íoslaghdú.
• Inis do dhuine éigin i gcónaí nuair atá tú ag dul amach ar an bhfeirm agus cá bhfuil do thriall, agus cé chomh fada is a bheidh tú imithe.
• Caith éadaí oiriúnacha agus trealamh cosanta pearsanta (fiú amháin má tá tú míchompordach in aimsir the).
• Laghdaigh an baol go bhfaighidh tú ailse chraicinn trí do chraiceann a chosaint ó ghathanna UV, go háirithe idir Aibreán agus Meán Fómhair.
• Tabhair teileafón póca luchtaithe leat agus uisce le hól.
• Ba cheart súil a choinneáil ar leanaí ar fheirmeacha i gcónaí.
• Tá seans ann nach mbeidh taithí ag cuairteoirí (daoine muinteartha san áireamh) ar thimpeallacht feirme agus ba cheart go mbeadh duine éigin in éineacht leo nuair a bhíonn siad amuigh ar an bhfeirm.
• Cinntigh go bhfuil dóthain uisce agus fodair ag na hainmhithe i gcónaí.
• Cinntigh go bhfuil dóthain foscaidh/scátha ag na hainmhithe.
• Tabhair aird ar na coinníollacha aimsire nuair a bhíonn ainmhithe á n-iompar.
• Bíodh plean agat má tharlaíonn gearradh cumhachta.
Tá tuilleadh eolais le fáil anseo:
• https://www.agriculture.gov.ie/animalhealthwelfare/
Tá líne chabhrach agus seoladh ríomhphoist speisialta bunaithe ag an Roinn Talmhaíochta chun cásanna de chriuáil le hainmhithe a thuairisciú:
• Líne Chabhrach na Cruála le hAinmhithe 01 607 2379 nó 0761 064 408.
• Ríomhphost - animalwelfare@agriculture.gov.ie
Faigh cóip den leabhrán “Farm Well....Farm Safely” ó shuíomh Ghréasáin BSL www.esb.ie. Tá eolas le fáil ann faoi threalamh leictreach a úsáid ar d’fheirm:
• Baineann rialacháin speisialta le nascadh agus le húsáid gineadóirí.
• Ní mór go mbeadh an nasc á shuiteáil ag leictreoir cáilithe.
• Ní mór BSL a chur ar an eolas má tá sé beartaithe úsáid a bhaint as gineadóir.
• D’fhéadfadh go mbeadh nasc mícheart mar bhonn le ‘aisfhotha’ rud a chruthóidh riosca duitse, do thomhaltóirí eile agus don fhoireann chothabhála.
• Ná lig do dhuine ar bith atá gan taithí innealra a úsáid.
• Cinntigh go bhfuil seirbhís cheart déanta ar threalamh/innealra agus go bhfuil sé ag obair i gceart.
• Bí cúramach nuair a bhíonn trealamh in úsáid agat nach bhfuil úsáidte agat le tamall maith roimhe seo.
• “Ná Téigh sa Seans” - mura bhfuil a fhios agat conas an trealamh a úsáid aimsigh duine éigin a chuirfidh comhairle ort nó aimsigh conas an trealamh a úsáid go sábháilte.
• Ní mór a bheith fíorchúramach nuair a bhíonn sábha slabhracha in úsáid - féach ar an leabhrán dar teideal “Safe Working with Timber and Chainsaws” ar shuíomh gréasáin HSA www.hsa.ie