Athcheapadh an Dochtúir Paula Kilbane go HIQA.
Foilsithe
An t-eolas is déanaí
Foilsithe
An t-eolas is déanaí
Tá an tAire Sláinte, an tUasal Stephen Donnelly TD, tar éis an Dr Paula Kilbane a athcheapadh mar bhall den Údarás um Fhaisnéis agus Cáilíocht Sláinte. Déantar an t-athcheapachán seo don tréimhse dar críoch 29 Meán Fómhair 2025.
Fuair an Dr Paula Kilbane CBE oiliúint i Londain i míochaine sláinte poiblí agus ina dhiaidh sin bhí dhá phost comhairleora aici ansin. Nuair a d’fhill sí ar Thuaisceart Éireann i 1986, rinneadh stiúrthóir sláinte poiblí di. D’fhóin Paula mar POF ar Bhord Sláinte an Deiscirt agus an Oirthir agus ar an mBord Seirbhísí Sóisialta i mBéal Feirste ó 1993 go dtí gur scoir sí in 2009.
Tar éis di athlonnú go Baile Átha Cliath, bhí Paula ina cathaoirleach ar Choiste Riosca Corparáideach Fheidhmeannacht na Seirbhíse Sláinte (FSS) ó 2011-2013. Faoi láthair tá sí ina ball de Bhoird CES (Lárionad do Sheirbhísí Éifeachtacha) agus CMRF (An Fhondúireacht do Thaighde Leighis Leanaí). Tá Paula ina Stiúrthóir ar Grafton Recruitment in Éirinn agus san Eoraip freisin.
I measc a cuid spéiseanna gairmiúla tá cáilíocht agus sábháilteacht othar, córais faisnéise sláinte agus measúnú teicneolaíochta sláinte, VEID agus SEIF. I dteannta a cuid taithí fhairsing sa RA i gcúram sláinte agus sóisialta, d’fhóin Paula ar roinnt comhlachtaí uile-oileáin agus in earnálacha eile lasmuigh de chúram sláinte, lena n-áirítear comhlachtaí maoinithe Eorpacha agus Comhairle Ardoideachais Thuaisceart Éireann. Is céimí de chuid Ollscoil na Banríona i mBéal Feirste í, tá sí ina Comhalta den Choláiste Ríoga Lianna (RA) agus ina Comhalta de Dhámh na Sláinte Poiblí (an Ríocht Aontaithe agus Éire).