Nuacht
Cathaoirleach agus Comhaltaí a cheapadh ar Bhord Sláinte Leanaí Éireann
Foilsithe
An t-eolas is déanaí
Foilsithe
An t-eolas is déanaí
De réir fhorálacha an Achta Sláinte Leanaí 2018, tá an tAire Sláinte, Simon Harris T.D. tar éis an Dr James J Browne a cheapadh mar an cathaoirleach ar Bhord Sláinte Leanaí Éireann. Is don tréimhse idir an 4 Nollaig 2018 agus an 3 Nollaig 2023 atá an ceapachán seo.
Is iar-Uachtarán ar OÉ Gaillimh é an Dr Browne. I measc na róil ceannaireachta a bhí ag an Dr Browne go dtí seo, bhí sé ina chomhalta de chuid Bhord Cáilíochta Ollscoileanna na hÉireann suas go dtí 2012; ina Uachtarán ar Innealtóirí Éireann 2008/2009; ina bhall de chuid Sheanad Ollscoil Náisiúnta na hÉireann; ina bhall de chuid bhord na Lár-Oifige Iontrála; ina bhall de chuid an Bhoird Náisiúnta um Thacaíocht don Taighde; ina bhall de chuid Chomhairle Eolaíochta, Teicneolaíochta agus Nuálaíochta na hÉireann; ball de chuid EPSRC Review Group on Engineering Research Centres san RA; ball de chuid bhord Fhondúireacht Ollscoile na Gaillimhe agus ball de chuid bhord Music for Galway.
Tá an-chuid taithí aige ar a bheith ina cheannaire tionscadail agus ina chomhpháirtí i dtionscadail taighde agus forbartha atá maoinithe ag an Aontas Eorpach, lena n-áirítear comhthionscadail tionscail/ollscoile idir comhpháirtithe Eorpacha agus comhpháirtithe sa tSín, sna Stáit Aontaithe agus sa tSeapáin. D’fhóin sé mar bhall Eorpach ar bhord IMS (Córais Déantúsaíochta Comhtháite). Tá taithí shuntasach sa tionscal ag an Dr Browne, tar éis dó roinnt blianta a chaitheamh ag obair le Nortel Networks (Northern Telecom ag an am) i gCeanada agus in Éirinn araon. Tá obair chomhairliúcháin déanta ag an Dr Browne freisin le raon leathan corparáidí Éireannacha agus idirnáisiúnta.
De réir fhorálacha an Achta Sláinte Leanaí 2018, tá an tAire Sláinte, Simon Harris T.D. tar éis 11 Ghnáthchomhalta ar Bhord Sláinte Leanaí Éireann. Mairfidh an ceapachán seo ar feadh tréimhse suas le cúig bliana ag tosú an 4 Nollaig 2018.
Tá an tUasal Sheehan ina Chathaoirleach ar Bhord Ospidéal Ollscoile na Leanaí, Sráid an Teampaill. Is Comhalta é de chuid Institiúid Cairte na gCuntasóirí Deimhnithe. Chuaigh an tUasal Sheehan isteach in Brother Ireland in 1987 ag obair mar Rialaitheoir Airgeadais, tar éis dó a bheith ag obair ag leibhéal na bainistíochta sinsearaí sna hearnálacha óstáin/lónadóireachta agus san earnáil talmhaíochta freisin.
Sula ndeachaigh sé isteach in Brother, bhí sé ina Stiúrthóir Cuntais agus Airgeadais locum in Ospidéal Ollscoile na Leanaí, Sráid an Teampaill, agus tá scileanna fada fairsing aige sa phleanáil airgeadais, sa phleanáil straitéiseach agus sa bhainistíocht athraithe. Tá raon leathan scileanna gnó ag an Uasal Sheehan agus bhí sé ina Stiúrthóir Bainistíochta ar fhochuideachta Éireannach Brother International ó 1994 go dtí an am a ndeachaigh sé ar scor i mí an Mhárta 2013.
Is é Liam Dowdall Cathaoirleach Bhord Ospidéal Thamhlachta. Bhí sé ina Stiúrthóir Neamhfheidhmiúcháin ar Bhord an Ospidéil ó 2011 i leith agus bhí sé ina Leas-Chathaoirleach ar an mBord go dtí le déanaí.
Tá Liam ina Stiúrthóir i Roinn Athstruchtúraithe & Téarnaimh Smith & Williamson. Le cáilíochtaí i Staidéar Gnó agus Máistir Ealaíon, chaith a chúlra i ngnó le breis agus 30 bliain ag obair sa réimse Aisghabhála Corparáideach agus 27 bliain ag obair le BDO lena n-áirítear cúig bliana mar Chomhpháirtí Bainistíochta. Idir 1997 agus 2009, bhí Liam ina Chomhpháirtí i gceannas ar Aonad Aisghabhála Corparáideach BDO. Tá taithí earnála ag Liam freisin i gcúram sláinte, tógáil agus fáilteachas agus tá sé ina Chomhalta d’Institiúid na gCuntasóirí Cairte chomh maith le bheith ina Chleachtóir Dócmhainneachta ceadúnaithe sa RA agus i dTuaisceart Éireann.
Is Comhairleoir sa Míochaine Sláinte Poiblí an Dr Kilgallen. Sular thosaigh sí ina post mar Phríomhfheidhmeannach ar Iontaobhas an Iarthair, d’oibrigh sí mar Leas-Phríomhoifigeach Leighis le freagracht as beartas sláinte an phobail sa Department of Health, Béal Feirste.
In 2013/14, mhaoinigh Anne an Foras Sláinte agus thacaigh Iontaobhas an Iarthair léi chun Comhaltacht Feabhsúcháin Cáilíochta a dhéanamh ar feadh bliana bunaithe san Institiúid um Fheabhsú Cúram Sláinte i mBostún, SAM. Bhí an deis aici staidéar a dhéanamh ar chórais chúram sláinte idirnáisiúnta a thug ceannaireacht chliniciúil, eolaíocht feabhsúcháin agus smaointeoireacht chórais le chéile chun cúram a athrú. Tá spéis ar leith aici in úsáid chreat Aidhm Trípháirteach IHI mar bhealach chun torthaí ar leibhéal an daonra a fheabhsú. Roimh a comhaltacht, bhí Anne ar feadh 6 bliana mar Stiúrthóir Leighis in Iontaobhas Sláinte agus Cúraim Shóisialaigh an Iarthair.
Tá Máistreacht sa tSláinte Poiblí ag Anne ó Ollscoil Harvard (2016) agus ó Choláiste na hOllscoile, Baile Átha Cliath (1995). Is ball í den Dámh Sláinte Poiblí (RA) agus de Dhámh an Leighis Sláinte Poiblí in Éirinn, áit ar fhóin sí ar an gclár.
D’fhóin Brigid McManus mar Ard-Rúnaí na Roinne Oideachais agus Scileanna ó 2005 go 2012. Le linn a gairme sa státseirbhís sna Ranna Airgeadais, sna hEalaíona, sa Chultúr agus sa Ghaeltacht agus san Oideachas agus Scileanna, d’oibrigh Bríd réimse éagsúil saincheisteanna beartais phoiblí agus bainistíochta. Mar Ard-Rúnaí na Roinne Oideachais agus Scileanna rinne sí maoirseacht ar chreat beartais agus ar oideachas bunscoile, dara leibhéal, breisoideachas agus ardoideachas agus maoiniú agus rialachas. Le linn na tréimhse sin bhí sí ina ball den Choiste um Cheapacháin Ardleibhéil le haghaidh ceapachán sinsearach sa státseirbhís.
Sular ceapadh í mar Ard-Rúnaí, d’oibrigh sí mar Rúnaí Cúnta - Ginearálta i gceannas ar an réimse beartais cánach sa Roinn Airgeadais agus bhí sí freagrach as comhairle a thabhairt ar na gnéithe beartais cánach i mBuiséid bhliantúla agus i mBillí Airgeadais chomh maith le cúrsaí cánachais an AE.
Faoi láthair tá Brigid ina chathaoirleach ar an gComhairle Náisiúnta Curaclaim agus Measúnaithe, Coiste Iniúchóireachta na Roinne Cumarsáide, Gníomhaíochta Aeráide agus Comhshaoil agus déanann sé obair earcaíochta agus rialachais san earnáil phoiblí. Tá sí ina ball de chuid Bhord Gobharnóirí Choláiste Náisiúnta na hÉireann.
Is comhpháirtí í Catherine Guy in ByrneWallace. Bhí sí ina Comhpháirtí Bainistíochta ar an ngnólacht ó Mheitheamh 2012 - Meitheamh 2018. Mar Chomhpháirtí Bainistíochta, bhí freagracht fhoriomlán ar Catherine as bainistíocht agus treo straitéis, airgeadas, rialachas corparáideach, pleanáil agus forbairt ghnó agus maoirseacht fhoriomlán ar fheidhmeanna oibríochta ghnó agus bhainistíocht an ghnólachta agus freagracht as.
Is comhpháirtí í le ByrneWallace ó 1998, roimhe seo bhí Catherine i gceannas ar an Rannán Maoine agus Tógála agus speisialaithe i dtionscadail forbartha réadmhaoine tráchtála ar mhórscála. Tá sí rangaithe mar “Chleachtóir Sármhaith” ag Chambers Europe agus tá dioplóma aici i dTreorú Cuideachta ón Institiúid Stiúrthóirí.
Is iar-Chomhalta Fostóra den Chúirt Oibreachais í Mary Cryan, post a bhí aici ar feadh sé bliana suas go Deireadh Fómhair 2016.
Fuair sí céim Eolaíochta Sóisialta i gColáiste na hOllscoile, Baile Átha Cliath, agus chuir sí tús lena gairm mar Fheidhmeannach Caidrimh Thionscail le Ibec, áit a ndearna sí ionadaíocht ar fhostóirí in idirbheartaíochtaí díreacha le ceardchumainn agus ag fóraim tríú páirtí.
Ar feadh an chuid is mó dá gairme, d’oibrigh sí le Grúpa Brown Thomas, mar Stiúrthóir Acmhainní Daonna sa deireadh, le freagracht as gach gné de na feidhmeanna Acmhainní Daonna agus Caidrimh Thionscail.
Le linn a gairme, d’fhóin Mary Cryan ar roinnt bord, lena n-áirítear an Ghníomhaireacht Comhionannais Fostaíochta, Institiúid Teicneolaíochta Bhaile Átha Cliath agus an Ghníomhaireacht Náisiúnta um Chearta Fostaíochta.
Tá céim onórach den chéad ghrád san Eolaíocht ag an Ollamh Niamh Brennnan ó Choláiste na hOllscoile, Baile Átha Cliath, cháiligh sí mar chuntasóir cairte in KPMG, tá PhD aici ó Ollscoil Warwick agus is Stiúrthóir Cairte í le hInstitiúid na Stiúrthóirí (Londain).
Is í an tOllamh Brennan Ollamh Bainistíochta Michael MacCormac i gColáiste na hOllscoile, Baile Átha Cliath agus Stiúrthóir Acadúil Ionad Rialachais Chorparáidigh UCD chomh maith. Tá roinnt stiúrthóireachtaí neamhfheidhmiúcháin suntasacha agus poist rialachais aici in eagraíochtaí stáit agus san earnáil phríobháideach chomh maith.
Bhí sí ina ball de chuid bhord Fheidhmeannacht na Seirbhíse Sláinte ó 2003-2011 agus bhí sí ina cathaoirleach ar an gCoimisiún um Bainistíocht Airgeadais agus Córais Rialaithe sna Seirbhísí Sláinte.
Tá an-chuid ábhar foilsithe aici ar an Thuairisciú Airgeadais, an Rialachas Corparáideach, an Chuntasaíocht Fhóiréinseach agus an Rialachas Cliniciúil.
Ceapacháin reatha
Taithí ar an Leibhéal Boird agus Bainisteoireachta
Chabhraigh sé le go leor foirne a chur i mbun, go háirithe an fhoireann trasphlandaithe thoracaigh (bhí sé i gceannas ar an bhfoireann sin ó 2000 go dtí 2010) agus an ECMO ag GOSH, agus eiseann a bhunaig an tSeirbhís Thraicéach ag GOSH (bhí sí á stiúir aige ó 2000 go 2015). Is í seo an tseirbhís a thiontaíodh í le bheith the English National Service for Severe Tracheal Disease in Children i 2006. Shuigh sé ar choistí speisialtóra NHS ábhartha.
Bhí sé ina Stiúrthóir Rannáin ar sheirbhísí cardashoithíoch agus dianchúraim ag GOSH ó 2000 go 2010.
Bhí sé ina chomh-Stiúrthóir Leighis ar GOSH ó 2010-2015, agus ina Lán-Chomhalta Boird ann. Ghlac sé páirt in iarratas ar the Foundation Trust, iarratas ar éirigh leis.. Ceapadh é ina Stiúrthóir neamhfheidhmiúcháin ar The Royal Marsden Hospital NHS Foundation Trust in 2017, agus measadh go raibh an tIontaobhas iontach as cuimse san athbhreithniú CQC a rinneadh le déanaí, agus iontach as cuimse sa chatagóir ‘dea-threoraithe’.
Go hidirnáisiúnta, bhí sé ina bhall Boird d’Fhondúireacht Máinlianna Croí ó bhroinn na hEorpa, agus den Chumann Dianchúraim Péidiatraice (idirnáisiúnta). Bhunaigh sé an Bunachar Sonraí Eorpach um Lochtanna Croí ó Bhroinn (bunachar sonraí EACTS sa lá atá inniu ann). Chuir sé comhairle ar fáil maidir le heagrú Seirbhísí Trasphlandaithe san Astráil.
Faoi láthair, tá Turlough O’Sullivan ina Leas-Chathaoirleach ar Bhord Stiúrthóirí Ospidéal Mhuire na Leanaí, Cromghlinn.
D’fhóin Turlough mar Ard-Stiúrthóir IBEC idir 2000-2009.
Bhí sé ina bhall de chuid Bhord Feidhmiúcháin Business Europe, Chomhairle Eagraíocht Idirnáisiúnta na bhFostóirí sa Ghinéiv, an Chomhlachta Feidhmithe Náisiúnta, den Chomhairle Náisiúnta Eacnamaíoch agus Shóisialta agus bhord an Choimisiúin um Chaidreamh Oibreachais.
Tá sé ina Stiúrthóir Bainistíochta ar Resolve Ireland, cuideachta a sholáthraíonn seirbhísí imscrúdaithe neamhspleácha, seirbhísí réitigh díospóide agus sceithireachta sna hearnálacha príobháideacha agus poiblí.
Is stiúrthóir agus cathaoirleach cuideachta é Turlough freisin agus soláthraíonn sé seirbhísí comhairliúcháin sa straitéis agus san eagrúchán gnó.
Cuireadh oideachas air i gColáiste na hOllscoile, Baile Átha Cliath agus i Scoil Eacnamaíochta Londain.
Tá Con Cronin ina Chathaoirleach ar GVA Donal O Buachalla agus tá sé ar cheann de na Suirbhéirí Cairte is mó taithí sa tír a bhfuil eolas cuimsitheach aige ar gach gné den mhargadh maoine sa tír seo.
Tá sé ag cleachtadh le 39 mbliana anuas agus tá comhairle curtha ag Con ar go leor cliant, lena n-áirítear cliaint leath-stáit agus corparáideacha, ar ábhair éagsúla a bhaineann le maoin a bhfuil cuntas teiste cruthaithe acu maidir le torthaí a fháil. Is iar-Chathaoirleach é Con ar choiste cleachtais ghinearálta Chumann na Suirbhéirí Cairte agus is iarchathaoirleach é ar GVA Europe agus faoi láthair tá sé ina Chomhalta Boird de GVA ar fud an domhain.
Bhain an Dr Lavery céim MB, BCh, BAO (onóracha) amach ó Ollscoil na Banríona, Béal Feirste (QUB) i 1979. Oileadh é ina ainéistéisí, ag speisialú sa Leigheas Dianchúraim agus Cúraim Tráma. Chríochnaigh sé a Chomhaltacht (FFARCSI) i 1983 agus a MD (le Tráchtas) i 1986. I 1986, rinneadh Comhalta Sinsearach / Príomh-Chónaitheoir leis an gCúram Criticiúil de in Ollscoil Ontario Iartharaigh. I 1987, ceapadh é chuig Ospidéal Ríoga Victoria, Béal Feirste mar an chéad Chomhairleoir a ndearnadh oiliúint shonrach air sa Leigheas Dian-Chúraim. Sa bhliain 2000 rinne sé seirbhís aistrithe cúraim chriticiúil a dhear agus a chur ar fáil don réigiún (NICCaTS). Bhí sé i gceannas ar an tseirbhís seo ar feadh 12 bliana ag tá níos mó ná 6000 othar aistrithe leis an tseirbhís sin go dtí seo.
Bhí sé ina Uachtarán ar Chumann Dianchúraim na hÉireann agus bhí sé ar chomhairle Chumann Dianchúraim na RA. In 2011 rinneadh Stiúrthóir Cliniciúil de, Fóram Sábháilteachta HSC, an ceannaire réigiúnach maidir le sábháilteacht othar agus feabhsú cáilíochta.
Suíonn Gavin ar an gCoiste um Shábháilteacht Othar, Coláiste Ríoga na Lianna, Londain agus tá sé ina bhall de Choláiste na Measúnóirí ag an bhFondúireacht Sláinte. Ó 2014-2016 bhí sé ar an gCoiste Comhairleach um Chaighdeáin Cháilíochta san Institiúid Náisiúnta um Fheabhas Sláinte & Cúraim (NICE). D’fhorbair sé próifíl shuntasach san oideachas lena n-áirítear Comhairleoir Réigiúnach um Leigheas Dianchúraim, scrúdaitheoir do thrí choláiste agus i dtaighde tá níos mó ná 60 páipéar athbhreithnithe piaraí aige, 12 chaibidil agus 3 thráchtas faoi mhaoirseacht. Bhog sé chuig obair chliniciúil pháirtaimseartha in 2017 chun am a cheadú dá leasanna eile, lena n-áirítear feabhsúchán agus r-Shláinte na gcóras sláinte.