Nuacht
Athcheapacháin don Bhord Taighde Sláinte – Samhain 2020
Foilsithe
An t-eolas is déanaí
Foilsithe
An t-eolas is déanaí
Tá an tAire Sláinte, Stephen Donnelly TD, tar éis an tOllamh Bernadette Hannigan agus an tOllamh Charles Normand a athcheapadh mar chomhaltaí den Bhord Taighde Sláinte. Tá na téarmaí ceapacháin ón 5ú Samhain 2020 go 4ú Samhain 2023
An tOllamh Bernadette Hannigan
Is Stiúrthóir Taighde, Aistriúcháin agus Nuálaíochta i Sláinte Phoiblí Shasana í Bernadette Hannigan. Roimhe seo (2008 – 2014) bhí Bernie ina Stiúrthóir Taighde agus Forbartha do Shláinte agus Cúram Sóisialta i dTuaisceart Éireann, agus ceannaireacht acadúil roimhe seo le hOllscoil Uladh agus comhaltais neamhfheidhmiúcháin Boird lena n-áirítear Invest NI agus Institiúid na Mara.
As Baile Átha Cliath ó dhúchas, bhain Bernie céim amach ó Choláiste na Tríonóide Baile Átha Cliath - BA(Modhnóireacht) Eolaíochtaí Nádúrtha - agus PhD (Imdhíoneolaíocht) ó Ollscoil Náisiúnta na hÉireann le haghaidh taighde ag an RCSI. Bhí sí i gceannas nó rannpháirteach i bhfoirne taighde a mheall maoiniú seachtrach suntasach, scríobh sí os cionn 100 páipéar agus 2 théacsleabhar agus rinne sí maoirseacht ar 20 mac léinn PhD rathúil.
Níl an tOllamh Bernadette Hannigan ag fónamh ar aon Bhord Stáit eile.
An tOllamh Charles Normand
Is eacnamaí agus Ollamh Emeritus é Charles Normand san Ionad um Beartas agus Bainistíocht Sláinte ag Coláiste na Tríonóide Baile Átha Cliath. Tá sé ina Ollamh páirtaimseartha freisin ar Eacnamaíocht an Chúraim Mhaolaithigh ag an Institiúid Cicely Saunders ag Coláiste an Rí Londain agus tá sé ina leaschathaoirleach ar an mBord ag Ospidéal Naomh Séamas.
Is iad príomhspéiseanna taighde agus beartais Charles ná cosc agus cóireáil ailse, éifeachtaí aosú an daonra ar chórais sláinte agus cúraim shóisialta, agus cúram maolaitheach agus deireadh saoil. Is comh-imscrúdaitheoir é ar Staidéar Fadaimseartha na hÉireann ar Aosú (TILDA).
Tá an tOllamh Charles Normand ag fónamh freisin ar Bhord Ospidéal Naomh Séamas.