Iníon Patricia Byron
D'oibrigh Patricia Byron mar fheidhmeannach sinsearach san earnáil Árachais agus seirbhísí airgeadais le blianta fada. Ba í an chéad POF (CEO) ar an mBord Measúnaithe Díobhálacha Pearsanta, comhlacht Stáit neamhspleách, a bunaíodh chun timpeallacht chostasach éileamh díobhála pearsanta a athchóiriú. Ceapadh Patricia mar Chathaoirleach ar Bhiúró Árachóirí Mótair na hÉireann, áit a raibh sí i gceannas ar chlár athchóirithe, ag díriú ar chlaochlú agus éifeachtacht ghnó. Nuair a ceapadh í mar Chathaoirleach ar Chumann Príomhfheidhmeannaigh Comhlachtaí Stáit, ghlac sí páirt ghníomhach i roinnt tionscnamh athchóirithe san earnáil phoiblí. Tá Patricia ar Bhord Choimisiún Bhanc Ceannais na hÉireann agus an Chiste Náisiúnta um Cheannach Cóireál faoi láthair agus ina cathaoirleach ar roinnt coistí Iniúchta san earnáil phoiblí, an Roinn Airgeadais san áireamh.
Is céimí de chuid COBÁC í Patricia, Árachóir Cairte agus Iar-Uachtarán ar an Institiúid Árachais.
An Dr. John Evans
Tá taithí ag an Dr. John Evans i réimse na hiomaíochta agus na rialála le 20 bliain anuas. Faoi láthair tá sé ina Stiúrthóir Straitéise agus Eacnamaíochta ag ComReg, rialtóir cumarsáide na hÉireann, ar tháinig sé leis i 2015.
I measc fhreagrachtaí John tá pleanáil straitéiseach, taighde & eacnamaíocht, agus gníomhaíochtaí idirnáisiúnta a bhaineann le Comhlacht na Rialtóirí Eorpacha um Chumarsáid Leictreonach, ar fhreastal sé mar chomhalta malartach den Bhord ó 2018.
Sula ndeachaigh sé le ComReg, d’oibrigh John i róil éagsúla ag Coimisiún Iomaíochta agus Cosanta Tomhaltóirí na hÉireann (agus Údarás Iomaíochta na hÉireann roimhe seo), mar Stiúrthóir Forfheidhmithe Dlí Iomaíochta Sibhialta.
Tá PhD san Eacnamaíocht ag John ó COBÁC, Éire.