Dúnfar Oifig an Phoist Shráid Bhagóid, 13 Sráid Bhagóid Uachtarach, Baile Átha Cliath 4, go buan le héifeacht ó am scoir gnó Dé Máirt, 24 Nollaig 2024.
Aistreofar íocaíochtaí custaiméara RCS chuig Oifig an Phoist Rae Mhuirfean, atá thart ar 800 méadar ó Oifig an Phoist Shráid Bhagóid Uachtarach.
Más mian leat Oifig Phoist eile a úsáid, is féidir leat é sin a dhéanamh trí iarratas a dhéanamh chuig oifig scéime na roinne ábhartha.
Dúnfar Oifig Phoist an Bhaile Nua, an Phailís Bheag, an tAonach, Co. Thiobraid Árann, E45 HD42, go buan le héifeacht ó am scoir gnó Dé Máirt, 24 Nollaig 2024.
Aistreofar íocaíochtaí custaiméara RCS chuig Oifig Bhrainse an Aonaigh, atá thart ar 6.5 km ó Oifig Phoist an Bhaile Nua.
Más mian leat Oifig Phoist eile a úsáid, is féidir leat é sin a dhéanamh trí iarratas a dhéanamh chuig oifig scéime na roinne ábhartha.
Inniu, d'fhógair an roinn go bhfuil maoiniú ar fáil do 8 dtogra náisiúnta agus áitiúil faoi thionscnamh chun tacú le deiseanna fostaíochta cúramóirí teaghlaigh agus iad a chur chun cinn.
Leagfaidh an tionscnamh, atá faoin Phlean Gníomhaíochta na gCuntas Díomhaoin 2024, béim faoi leith ar chúramóirí teaghlaigh a chumasú filleadh arís ar, nó fanacht i bhfostaíocht ar íocaíocht, in oideachas agus oiliúint ach réimse idirghabhála atá spriocdhírithe a chuir ar fáil. Anuas air sin, cuirfidh na tograí comhbhéim ar an gcaoi a théitear i ngleic le folláine mhothúchánach, fhisiciúil agus meabhairshláinte na gcúramóirí lena mbaineann.
Íocfar íocaíocht cnapshuime bhreise ar fiú €100 í an tseachtain seo ar mhaithe le gach leanbh, le teaghlaigh a bhfuil an Íocaíocht Tacaíochtaí Leanaí bhreise á fáil acu (Méadú i Leith Leanbh Cáilithe, mar a thugtaí air) atá mar chuid de Bhuiséad 2025.
Is íocaíocht a dhéantar le os cionn timpeall 340,000 leanbh iad na hÍocaíochtaí Tacaíochtaí Leanaí. Gheobhaidh teaghlaigh íocaíocht bónas aonuaire de €100 i leith gach duine de na leanaí seo.
Gheobhaidh daoine an íocaíocht cnapshuime sa bhreis ar a bpríomhíocaíocht agus ar an lá céanna is a fhaigheann siad í de ghnáth. Íoctar na híocaíochtaí cnapshuime go huathoibríoch, ní gá duit iarratas a dhéanamh.
Beidh an Scéim um Chúnamh Daonnúil ar fáil chun tacaíocht a thabhairt dóibh siúd a chónaíonn i réadmhaoin a raibh tionchar díreach ag Stoirm Bert orthu.
Leis an Scéim um Chúnamh Daonnúil cuirtear cosc ar chruatan trí thacaíocht airgeadais de réir tástála ioncaim a chur ar fáil do dhaoine a bhfuil damáiste déanta dá dtithe mar gheall ar dhrochaimsir agus nach bhfuil in ann freastal ar chostais riachtanacha, earraí tí agus deisiúcháin struchtúracha.
Íocfar íocaíocht cnapshuime bhreise ar fiú €100 í an tseachtain seo ar mhaithe le gach leanbh, le teaghlaigh a bhfuil an Íocaíocht Tacaíochtaí Leanaí bhreise á fáil acu (Méadú i Leith Leanbh Cáilithe, mar a thugtaí air) atá mar chuid de Bhuiséad 2025.
Is íocaíocht a dhéantar le os cionn timpeall 340,000 leanbh iad na hÍocaíochtaí Tacaíochtaí Leanaí. Gheobhaidh teaghlaigh íocaíocht bónas aonuaire de €100 i leith gach duine de na leanaí seo.
Gheobhaidh daoine an íocaíocht cnapshuime sa bhreis ar a bpríomhíocaíocht agus ar an lá céanna is a fhaigheann siad í de ghnáth. Íoctar na híocaíochtaí cnapshuime go huathoibríoch, ní gá duit iarratas a dhéanamh.
I gcás fíoréigeandáil (mar shampla, réadmhaoin a ndearnadh damáiste di ó adhaimsir nó ó thine tí) a tharlaíonn ar na laethanta a dhúnann ár n-Ionaid Intreo agus ár n-Oifigí Brainse, tá sonraí faoin gcaoi ar féidir teagmháil a dhéanamh leis na Seirbhísí Leasa Pobail (SLP) thíos:
Taobh amuigh de na huaireanta seo déan teagmháil le:
Beidh ár n-oifigí agus ár líne fóin SLP ainmnithe (0818 60 70 80) ar oscailt arís Dé Luain 25 Samhain ag 9.15am.
I rith Foláirimh Aimsire Stádais Dheirg, beidh gach oifig de chuid na Roinne Coimirce Sóisialta sa cheantar ábhartha dúnta don phobal. San áireamh anseo tá Ionaid Intreo, Oifigí Brainse Leasa Shóisialaigh agus Oifigí Rialaithe.
Beidh na hoifigí dúnta do thréimhse an fholáirimh agus i gcomhair 2 uair an chloig roimh agus i ndiaidh an fholáirimh.
Cuirfear gach coinne ar ceal.
Déanfaimid teagmháil leat chun do choinne athsceidealú. Más rud é go raibh sé beartaithe agat síniú isteach in oifig, cuirfimid in iúl duit más gá duit dul chomh fada leis an oifig lá éigin eile.
Ní chuirfear isteach ar d’íocaíocht mura n-éiríonn leat freastal ar choinne i rith Foláirimh Aimsire Stádais Dheirg.
Seiceáil le haghaidh na nuashonruithe is déanaí ar ár leathanach Fógraí do Chustaiméirí agus ar ár meáin shóisialta chun nuashonruithe a fháil.
Chun eolas maidir le huaireanta oscailte Oifigí Poist a fháil, tabhair cuairt ar anpost.com .
Molann Met Éireann agus an rialtas do gach duine sa cheantar atá clúdaithe i bhFoláireamh Aimsire Stádais Dheirg na treoracha a leanúint agus a bheith réidh do bhearta eisceachtúla.
Inniu d’fhógair an tAire Coimirce Sóisialaí, Heather Humphreys TD, agus an tAire Stáit, Joe O’Brien TD, deontais aonuaire luach €1,000 chun tacú le Scéimeanna Fostaíochta Pobail ar fud na tíre.
Cabhróidh an maoiniú le heagraíochtaí urraíochta Fostaíochta Pobail (FP) leis an gcostas a bhaineann le hábhair a cheannach.
Seo a leanas aidhm FP:
Inniu d’fhoilsigh an tAire Coimirce Sóisialaí, Heather Humphreys TD, agus an tAire Dlí agus Cirt, Helen McEntee TD, Tuarascáil Bhliantúil 2023 Abhaile – an tSeirbhís Náisiúnta Réitigh Riaráiste Morgáiste.
Tarraingítear aird sa tuarascáil seo ar an tslí ar thacaigh Abhaile le breis is 30,000 iasachtaí ó bunaíodh é in 2016, agus conas ar éirigh leis réiteach a aimsiú do bhreis is aon trian de na daoine sin, agus cabhrú le beagnach leath díobh chun teacht ar réiteach.
Soláthraíonn Abhaile comhairle airgeadais agus dlí saor in aisce d’iasachtaithe agus tacaíonn sé leo chun réitigh a aimsiú chun déileáil lena riaráiste morgáiste a chabhróidh leo fanacht ina dtithe.
Inniu d’fhoilsigh an tAire Coimirce Sóisialaí, Heather Humphreys, Bealaí chun Oibre 2021-2025 - An Tríú Tuarascáil Bhliantúil ar Dhul Chun Cinn, a d’ullmhaigh agus a ndearna Comhairle Chomhairleach an Mhargaidh Saothair maoirseacht uirthi.
Leagann an Tuarascáil seo béim ar an dul chun cinn suntasach atá déanta maidir leis na snáitheanna go léir sa straitéis Bealaí chun na hOibre le linn na tréimhse Iúil 2023 go Meitheamh 2024. Ag deireadh Ráithe 2, 2024, de na 65 gealltanas atá sa straitéis Bealaí chun na hOibre, baineadh amach 28 go hiomlán, nó baineadh amach iad le seachadadh leanúnach, agus bhí 37 ag dul ar aghaidh, nó idir lámha le seachadadh leanúnach.
D’fhógair an tAire Coimirce Sóisialaí, Heather Humphreys TD, na sonraí maidir le ceithre íocaíocht cnapshuime Costas Maireachtála atá á n-íoc an tseachtain seo a tugadh isteach mar chuid de Bhuiséad 2025.
Tabhair faoi deara go mbeidh Oifig an Phoist Chill Síoláin, Cill Síoláin, Cluain Meala, Co. Thiobraid Árann, dúnta go sealadach ar an Aoine an 8 Samhain 2024.
Aistreofar íocaíochtaí custaiméirí RCS chuig Oifig Bhrainse Chluain Meala le haghaidh seirbhíse.
Is féidir le custaiméirí RCS ar mian leo úsáid a bhaint as Oifig Phoist eile é sin a dhéanamh trí iarratas a dhéanamh chuig Oifig Scéime ábhartha RCS.
Íocfar bónas costais mhaireachtála mhí Dheireadh Fómhair i mbliana le níos mó ná 1.38 milliún duine ar íocaíochtaí príomhúla seachtainiúla, lena n-áirítear pinsinéirí, daoine faoi mhíchumas, cúramóirí agus tuismitheoirí aonair. Íocfar an bónas sa tseachtain dar tús an 28 Deireadh Fómhair 2024.
Gheobhaidh na daoine a fhaigheann Íocaíocht Sheachtainiúil do Thairbhí de Chosaint Shealadach an bónas an 14 Samhain 2024.
Íocfar bónas mhí Dheireadh Fómhair ar an mbonn céanna le bónas na Nollag i mí na Nollag. Má tá príomhíocaíocht sheachtainiúil á fáil agat, (is iad seo na príomhíocaíochtaí go léir ón Roinn Coimirce Sóisialaí), gheobhaidh tú méadú 100% ar do ráta seachtainiúil íocaíochta.
Ní príomhíocaíochtaí seachtainiúla iad an Méadú i leith Maireachtáil Aonair , an Méadú do Mhaireachtáil ar Oileán Sonraithe agus an Méadú do Dhaoine os cionn 80 bliain d’aois. Is méaduithe iad na híocaíochtaí seo ar íocaíochtaí seachtainiúla dóibh siúd atá incháilithe chun iad a fháil. Má fhaigheann tú na méaduithe seo, déanfar an méadú a dhúbailt in éineacht le do phríomhíocaíocht.
Tá sé deimhnithe ag an Aire Coimirce Sóisialaí, Heather Humphreys, TD, go bhfuil an Scéim um Chúnamh Daonnúil ar fáil chun tacaíocht a sholáthar dóibh siúd a bhfuil cónaí orthu i réadmhaoin atá buailte go díreach ag Stoirm Ashley tar éis drochaimsire.
Leis an Scéim um Chúnamh Daonnúil cuirtear cosc ar chruatan trí thacaíocht airgeadais de réir tástála ioncaim a chur ar fáil do dhaoine a bhfuil damáiste déanta dá dtithe mar gheall ar dhrochaimsir agus nach bhfuil in ann freastal ar chostais riachtanacha, earraí tí agus deisiúcháin struchtúracha.
Sheol an tAire Coimirce Sóisialaí, Heather Humphreys T.D. imeachtaí Oibre agus Scileanna Intreo inniu, atá ar siúl ón 16 go dtí an 30 Deireadh Fómhair i mbailte agus i gcathracha ar fud na hÉireann.
Tá os cionn 52 imeacht ar siúl, agus tá éagsúlacht ollmhór post ar fáil thar raon earnálacha lena n-áirítear tógáil, fáilteachas, cúram sláinte, lóistíocht, miondíol agus go leor eile.
Trí imeachtaí Oibre agus Scileanna, taispeánfaidh an Roinn na tacaíochtaí agus na seirbhísí Intreo atá ar fáil d’fhostóirí agus do chuardaitheoirí poist araon.
Íocfar bónas costais mhaireachtála mhí Dheireadh Fómhair i mbliana le breis agus 1.38 milliún duine ar íocaíochtaí príomhúla seachtainiúla, lena n-áirítear pinsinéirí, daoine atá faoi mhíchumas, cúramóirí agus tuismitheoirí aonair. Íocfar an bónas sa tseachtain dar tús 28 Deireadh Fómhair 2024.
Íocfar bónas mhí Dheireadh Fómhair ar an mbonn céanna le bónas na Nollag i mí na Nollag. Má tá príomhíocaíocht sheachtainiúil á fáil agat, (is iad seo na príomhíocaíochtaí go léir ón Roinn Coimirce Sóisialaí), gheobhaidh tú méadú 100% ar do ráta seachtainiúil íocaíochta.
Ní príomhíocaíochtaí seachtainiúla iad an Méadú i leith Maireachtáil Aonair, an Méadú um Chónaí ar Oileán Sonraithe agus an Méadú do Dhaoine os cionn 80 bliain d’aois. Is méaduithe iad na híocaíochtaí seo ar íocaíochtaí seachtainiúla dóibh siúd atá incháilithe chun iad a fháil. Má fhaigheann tú na méaduithe seo, déanfar an méadú a dhúbailt in éineacht le do phríomhíocaíocht.
Beidh rochtain níos fearr anois ag teaghlaigh a bhain marbh-bhreith dóibh ar Chlár na Marbh-bhreitheanna.
Den chéad uair riamh, ceadóidh an tsaoráid iontráil an linbh a chur ar fáil go poiblí i dTaifead nua Marbh-bhreitheanna.
Tagann tabhairt isteach Chlár na Marbh-bhreitheanna poiblí feachtas seanbhunaithe ag tuismitheoirí agus grúpaí abhcóideachta.
Beidh an Clár ‘glac leis’ chun príobháideacht iomlán a chinntiú do theaghlaigh agus dá ngaolta ar bhain an tráma uafásach seo dóibh.
Bhuail an tAire Humphreys le teaghlaigh ar bhain marbh-bhreith dóibh agus ar mian leo go n-aithneofaí clárú mharbh-bhreith a leanaí mar chuid de Chlár na Marbh-bhreitheanna.
Tá an t-athrú seo tagtha i bhfeidhm anois tar éis achtú an Bhille um Chlárú Sibhialta (Clárú Leictreonach) 2024 san Oireachtas.
Tá an clár beo an tseachtain seo.
Dúirt an tAire Humphreys inniu gur mian léi buíochas a ghabháil leis na teaghlaigh a bhí páirteach as a bheith ag obair léi agus lena Roinn chun na bearta seo a thabhairt isteach.
Tá an t-ordú tosaithe sínithe ag an Aire Coimirce Sóisialaí, Heather Humphreys TD, agus cuirfear tús leis na chéad rolluithe faoin gCóras Coigiltis Scoir um Chlárú Uathoibríoch an 30 Meán Fómhair 2025.
Fuair an tAire cead ón Rialtas freisin chun an tÚdarás Náisiúnta um Choigiltis Scoir um Chlárú Uathoibríoch (NAERSA) a bhunú ar an 31 Márta 2025.
“Mo Chiste don Todhchaí” a thabharfar ar an gcóras Clárúcháin Uathoibríoch
Le tacaíocht ó fhostóirí agus ón Stát, cuideoidh “Mo Chiste don Todhchaí” leis na céadta míle duine atá ag obair go dian chun airgead a shábháil ar mhaithe lena dtodhchaí
Cuirfear tús le soláthar bainisteoirí infheistíochta go luath
D'fhógair an tAire Coimirce Sóisialaí, Heather Humphreys TD, inniu na dátaí íocaíochta don €1.4 billiún de thacaí Costas Maireachtála Coimirce Sóisialaí a tugadh isteach mar chuid de Cháinaisnéis na seachtaine seo caite. Cabhróidh na tacaíochtaí seo le teaghlaigh, le pinsinéirí, le cúramóirí, agus le daoine atá faoi mhíchumas leis an gCostas Maireachtála trí mheascán d’íocaíochtaí cnapshuime, tacaíochtaí spriocdhírithe agus méaduithe ar íocaíochtaí seachtainiúla.
Chun tuilleadh eolais a fháil, léigh an preasráiteas iomlán anseo.
Tá sé deimhnithe ag an Aire Coimirce Sóisialaí, Heather Humphreys, TD, go bhfuil an Scéim Cúnaimh Dhaonnúil ar fáil chun tacaíocht a sholáthar dóibh siúd a bhfuil cónaí orthu i réadmhaoin a bhfuil tionchar go díreach orthu mar gheall ar thuilte i gContae Chorcaí de bharr drochaimsire.
Cuireann an Scéim Cúnaimh Dhaonnúil cosc ar chruatan trí thacaíocht airgeadais de réir tástála ioncaim a chur ar fáil do dhaoine a bhfuil damáiste déanta dá dtithe de bharr tuilte agus drochaimsire agus nach bhfuil in ann freastal ar chostais le haghaidh bunriachtanais, earraí tí agus deisiú struchtúrach.
Tar éis fhógairt Bhuiséad 2025 d’fhéadfadh go mbeadh méadú ar théacsanna calaoiseacha nó ar ghlaonna ag iarraidh ar dhaoine clárú le haghaidh cnapshuimeanna agus íocaíochtaí dúbailte. Má tá tú i dteideal cnapshuime nó íocaíocht dhúbailte, íocfar iad seo go huathoibríoch agus ní gá duit iarratas a dhéanamh orthu. Léigh níos mó faoinár bhfoláireamh maidir le glaonna gutháin caimiléireachta agus téacsteachtaireachtaí caimiléireachta
D’fhógair an tAire Coimirce Sóisialaí, Heather Humphreys TD, inniu go dtiocfaidh an Scéim nua Sochar Pá-Choibhneasa do Lucht Cuardaigh Fostaíochta i bhfeidhm ar an 31 Márta 2025.
Is ionann Sochar Pá-Choibhneasa do Lucht Cuardaigh Fostaíochta agus athchóiriú suntasach ar an gcóras cosanta sóisialta agus cinnteoidh sé go bhfaighidh daoine a bhfuil stair láidir oibre acu íocaíocht níos airde má chailleann siad a gcuid post.
faoin gcóras nua, beidh trí ráta íocaíochta
gheobhaidh daoine a bhfuil stair láidir oibre acu suas le €450 sa tseachtain má chailleann siad a gcuid post
An tAire Humphreys: “Cuireann Sochar Pá-Choibhneasa líontán sábhála níos láidre ar fáil do na daoine a éiríonn go luath ar maidin, a oibríonn go crua agus a chuireann leis an gcóras”
Buiséad 2025 Soláthraíonn Buiséad 2025 beagnach €2.6 billiún i bpacáiste beart a chabhróidh le daoine chun déileáil leis an gcostas maireachtála.
D’fhógair an tAire Coimirce Sóisialaí, Heather Humphreys TD, tús na scéime Liúntas Breosla don séasúr 2024/25.
Liúntas Breosla, ar íocaíocht a ndéantar measúnú acmhainne uirthi, a íocfar ar feadh 28 seachtaine le breis agus 400,000 teaghlach ar fud an Stáit.
Is é an ráta íocaíochta reatha ná €33 in aghaidh na seachtaine nó dhá íocaíocht de €462 an ceann.
D’fhógair an tAire Coimirce Sóisialaí, TD Heather Humphreys, inniu go ndéanfar athruithe ar an Scéim Fóirdheontais Pá ag teacht sna sála ar athbhreithniú cuimsitheach ar an scéim.
Tá sé mar aidhm ag an Scéim Fóirdheontais Pá fostóirí na hearnála príobháidí a spreagadh le fostaíocht shuntasach agus inmharthana a thairiscint do dhaoine faoi mhíchumas. Déantar é sin trí fhóirdheontas a thairiscint d’fhostóirí.
Tá moltaí an athbhreithnithe bunaithe ar aiseolas ó pháirtithe leasmhara mar chuid den phróiseas comhairliúcháin phoiblí. Úsáidtear taighde agus dea-chleachtas ó thíortha eile san athbhreithniú.
D’fhógair an tAire Coimirce Sóisialaí, Heather Humphreys TD, inniu leathnú an Liúntais Bhreosla chun rannpháirtithe na Scéime Tacaíochta Fostaíochta a chuimsiú.
Do shéasúr an Liúntais Bhreosla atá le teacht, cuirfear an tréimhse a chaitheann duine ar Scéim Tacaíochta Fostaíochta (Fostaíocht Pobail, Tús agus an Scéim Shóisialta na Tuaithe) san áireamh i dtreo na tréimhse cáiliúcháin chun críocha Liúntais Bhreosla.
Rachaidh an beart seo chun tairbhe dóibh siúd a fhágann íocaíocht cháilitheach leasa shóisialaigh chun tabhairt faoi Scéim Tacaíochta Fostaíochta.
Tá sé fógartha ag an Aire Coimirce Sóisialaí, Heather Humphreys TD, inniu go bhfuil breis agus 20 bliain de Ranníocaíochtaí do Chúramóirí Fadtéarmacha bronnta ar 1,145 cúramóir
Tá an tAire Coimirce Sóisialaí, Heather Humphreys TD, tar éis oibrithe a spreagadh chun leas a bhaint as scéim Sochar Cóireála na roinne, scéim a thacaíonn le hoibrithe rochtain a fháil ar chóireálacha fiaclóireachta, radharc na súl agus éisteachta.
Faoin Scéim Sochar Cóireála, is féidir le duine cáiliú le haghaidh:
D’fhógair an tAire Coimirce Sóisialaí, Heather Humphreys TD, inniu go bhfuil Sochar Linbh íoctha anois i leith beagnach 60,000 duine ocht mbliana déag d'aois den chéad uair riamh.
Fuair an tAire Humphreys faomhadh an Rialtais chun Sochar Linbh a shíneadh chuig daoine ocht mbliana déag d'aois ón 1 Bealtaine 2024.
Tá Sochar Linbh á íoc anois le haon duine atá 18 agus in oideachas lánaimseartha, nó atá faoi mhíchumas, suas go dtí a 19ú breithlá. Íoctar Sochar Linbh ag ráta €140 in aghaidh na míosa.
Go dtí seo, chuaigh an beart chun sochair do bhreis agus 58,000 duine óg atá in oideachas lánaimseartha nó atá faoi mhíchumas.
Beidh Fleadh Cheoil na hÉireann ar siúl i Loch Garman ón 4 go dtí an 11 Lúnasa, 2024
Fanfaidh Intreo Loch Garman ar oscailt don phobal le linn ár ngnáthuaireanta oscailte. Mar gheall ar shrianta tráchta áitiúla, d'fhéadfadh go mbeadh tionchar ar rochtain ar an oifig ón 6 go dtí an 10 Lúnasa.
Tá ár bhfoireann líne fóin ar fáil freisin chun tacú leat le haon cheisteanna faoi sheirbhísí Intreo ar 0818 405060 ó 9.15am go 5pm ó Luan go hAoine. Is é an líne teileafóin náisiúnta do Sheirbhísí Leasa Pobail ná 0818 60 70 80. Bain úsáid as ár seirbhísí ar líne ag mywelfare.ie nuair is féidir agus ná freastal ar an oifig ach amháin le haghaidh riachtanais phráinneacha.
Ní oibreoidh ár seirbhís Cárta Seirbhíse Poiblí (CSP) siúil isteach ón 6 go dtí an 9 Lúnasa. Cuirfear tús leis an tseirbhís seo arís Dé Luain an 12 Lúnasa. Tabhair faoi deara le do thoil go bhféadfadh go mbeadh amanna feithimh níos faide agat ar an dáta sin. Ní dhéantar aon difear do sheirbhísí na gCártaí Seirbhíse Poiblí (PSC) i nGuaire agus in Inis Córthaidh agus is féidir leat tuilleadh sonraí a fháil ag Ionaid na gCártaí Seirbhísí Poiblí (PSC).
Gabhaimid ár leithscéal as aon mhíchaoithiúlacht a d'fhéadfadh a bheith mar thoradh air seo.
D’fhógair an tAire Heather Humphreys agus Roderic O’Gorman inniu ón 1 Lúnasa go mbeidh tuismitheoirí in ann leas a bhaint as Saoire agus Sochar Tuismitheora íoctha 9 seachtaine.
Ciallaíonn an beart go méadaíonn an líon seachtainí gur féidir le tuismitheoirí am saor ón obair a thógáil, le tacaíocht airgeadais ón Stát, ó 7 seachtaine go 9 seachtaine faoi na scéimeanna Saoire agus Sochair do Thuismitheoirí.
Baineann an tacaíocht leis an mbeirt tuismitheoirí agus tá sí mar chuid d’uaillmhian an Rialtais a chinntiú gur féidir le tuismitheoirí am fiúntach cáilíochta a bheith acu lena leanaí nuabheirthe ar an eolas go dtabharfar tacaíocht airgeadais dóibh.
Táimid ar an eolas faoi ghlaonna teileafóin agus teachtaireachtaí téacs calaoiseacha, a mhaíonn gur ón roinn iad, ag rá leat go bhfuil tú incháilithe do bhille leictreachais lascainithe.
Má fhaigheann tú glao nó téacs den sórt sin, ná déan teagmháil leis an té atá ag glaoch agus ná roinn aon chuid de d'uimhir PSP, sonraí Cuntais Bhainc nó aon fhaisnéis phearsanta eile leo. Ná cliceáil ar aon nasc a sheolann siad chugat. Ní iarrann foireann an RCS sonraí den sórt sin ar an bhfón nó tríd théacs riamh.
Má tá aon sonraí cuntais bainc roinnte agat tar éis glao a fháil a bhfuil amhras ann gur scéiméireacht é, déan teagmháil le do bhanc láithreach le do thoil.
Má tá aon fhaisnéis dá leithéid curtha ar fáil agat do ghlaoiteoir a chreideann tú gur ghlao nó téacs sceamála é, déan teagmháil leis na Gardaí láithreach le do thoil. Féach comhairle ó na Gardaí.
D’fhógair an tAire Coimirce Sóisialaí, Heather Humphreys TD, inniu go bhfuil 168 bunscoil bhreise faofa don Chlár Béilí Scoile Te .
Sheol an tAire Coimirce Sóisialaí, Heather Humphreys TD Obair agus Rochtain inniu, Clár Fostaíochta nua spreagúil atá dírithe ar dheireadh a chur le bacainní a d’fhéadfadh a bheith ar dhaoine faoi mhíchumas san ionad oibre.
Áirítear le hObair agus Rochtain:
I mí na Bealtaine 2024 d’aontaigh an rialtas cóir chomhionann a chur ar fáil idir na BOTPanna a tháinig go hÉirinn roimh agus tar éis an 14 Márta agus a bhfuil cónaí orthu i gcóiríocht lánlóistín a sholáthraíonn an Stáit ina gcuirtear béilí agus fóntais ar fáil.
Tháinig an rialtas ar chomhaontú maidir le plean chun an cinneadh seo a chur chun feidhme. Ciallaíonn sé seo:
Tá tuilleadh eolais faoi na hathruithe seo ar fáil anseo.
Bhuail an tAire Coimirce Sóisialaí, Heather Humphreys TD, inniu leis na chéad daoine a bhain leas as an bPas Saorthaistil nua a bhfuil deimhniú leighis acu mar dhaoine nach bhfuil in ann tiomáint.
Ón tseachtain seo amach, tá an Scéim Saorthaistil á leathnú chuig daoine nach raibh in ann tiomáint riamh mar gheall ar mhíchumas, agus chuig tiománaithe a bhfuil ceadúnas acu agus a bhfuil deimhniú leighis acu a thugann le fios nach bhfuil siad in ann tiomáint ar feadh tréimhse dhá mhí dhéag nó níos faide.
Is é seo an chéad uair a bhí Pas Saorthaistil ar fáil do dhaoine nach bhfuil Pinsean nó Íocaíocht Leasa Shóisialaigh cháilithe á fáil acu.
Tugann an scéim deis do dhaoine incháilithe rochtain a fháil ar shaorthaisteal ar gach iompar poiblí a chuireann an Stát ar fáil. Áirítear leis seo bus, iarnród, Nasc Áitiúil agus an Luas, chomh maith le roinnt seirbhísí a chuireann oibreoirí iompair bus agus farantóireachta príobháideacha ar fáil.
D’fhógair an tAire Coimirce Sóisialaí, Heather Humphreys TD, agus an tAire Stáit, Joe O’Brien TD, inniu foilsiú na Tuarascála ar an Athbhreithniú ar an Scéim Shóisialta Tuaithe (SST).
Is scéim tacaíochta ioncaim í an Scéim Shóisialta Tuaithe (SST) a sholáthraíonn deiseanna fostaíochta páirtaimseartha d’fheirmeoirí a fhaigheann íocaíochtaí leasa shóisialaigh ar leith. Tá beagnach 3,000 duine rannpháirteach sa SST faoi láthair, le buiséad de €52 milliún do 2024.
Is Lá Saoire Bainc é Dé Luain an 5 Lúnasa agus mar gheall air seo, íocfar aon íocaíochtaí leasa shóisialaigh a bheidh le bheith i do chuntas Dé Luain an 5 Lúnasa ar iad Dé hAoine an 2 Lúnasa ina ionad sin. Íocfar íocaíochtaí mar is gnách Dé Máirt an 6 Lúnasa.
Beidh gach Oifig Brainse agus Ionad Intreo dúnta ar an Lá Saoire Bainc Dé Luain an 5 Lúnasa . Osclófar Ionaid Intreo agus Oifigí Brainse arís Dé Máirt an 6 Lúnasa.
D’fhógair an tAire Coimirce Sóisialaí, Heather Humphreys TD, agus an tAire Stáit, Joe O’Brien TD, inniu go bhfuil an Bille um Chlárú Sibhialta (Clárú Leictreonach) 2024 sínithe ina dhlí ag an Uachtarán.
Faoin mBille um Chlárú Sibhialta (Clárú Leictreonach) 2024, beidh teaghlaigh in ann breith nó bás duine mhuinteartha a chlárú ar líne den chéad uair.
D’fhoilsigh an tAire Stáit atá freagrach as Forbairt Pobail agus Cuimsiú Sóisialta, Joe O’Brien T.D., Plean Gníomhaíochta inniu a bhfuil sé mar aidhm aige aghaidh a thabhairt ar Bhochtaineacht Bia in Éirinn.
Bhunaigh an tAire Joe O’Brien an Grúpa Oibre um Bochtaineacht Bia in 2021 le hionadaithe ó réimse ranna rialtais agus ón earnáil phobail agus dheonach. Tá an tAire tar éis cathaoirleacht a dhéanamh ar shraith cruinnithe rialta agus tionscadal taighde ó cuireadh tús leis.
Chomh maith leis an bPlean Gníomhaíochta, tá tuarascáil foilsithe ag an Aire O’Brien ar chineál na Bochtaineachta Bia in Éirinn. Chuir an tuarascáil béim ar –
D’óstáil an tAire Coimirce Sóisialaí, Heather Humphreys T.D., Fóram Réamhbhuiséid bliantúil na Roinne i gCaisleán Bhaile Átha Cliath inniu.
Tugann an fóram seo deis uathúil d’eagraíochtaí neamhrialtasacha, d’ionadaithe ceardchumainn agus gnó saincheisteanna beartais a phlé agus a dtosaíochtaí don Bhuiséad atá le teacht a chur i láthair.
D’oscail an tAire Coimirce Sóisialaí, Heather Humphreys TD, agus an tAire Stáit, Joe O’Brien TD, an próiseas iarratais ar dheontas inniu do thionscnaimh chun feasacht ar Lá Idirnáisiúnta na Náisiún Aontaithe um Dhíothú na Bochtaineachta a chur chun cinn.
Is é an 17 Deireadh Fómhair Lá Idirnáisiúnta na Náisiún Aontaithe um Dhíothú na Bochtaineachta agus tá fócas idirnáisiúnta air ó ghlac na Náisiúin Aontaithe leis go foirmiúil in 1992. In Éirinn, is faoi Choiste an 17 Deireadh Fómhair agus Le Chéile Lán Dínite (ATD) Éireann atá sé an lá a chur chun cinn.
Tá maoiniú á chur ar fáil ag an Roinn Coimirce Sóisialaí chun tacú le grúpaí frithbhochtaineachta gníomhaíochtaí áitiúla, réigiúnacha nó náisiúnta a eagrú chun feasacht ar Lá Idirnáisiúnta na Náisiún Aontaithe um Dhíothú na Bochtaineachta a chur chun cinn.
D’fhógair an tAire Coimirce Sóisialaí, Heather Humphreys TD, inné go bhfuil an Bille Leasa Shóisialaigh (Forálacha Ilghnéitheacha) 2024 rite ag dhá Theach an Oireachtais agus go gcuirfear faoi bhráid an Uachtaráin anois é lena shíniú.
Leis an mBille, foráiltear do chóras nua Sochar Pá-Choibhneasa in Éirinn a chinnteoidh go bhfaighidh daoine a bhfuil stair láidir oibre acu sochair fheabhsaithe má chailleann siad a bhfostaíocht.
Beidh an Sochar Pá-Choibhneasa nua ar fáil do dhaoine ar dífhostaíodh iad le déanaí a bhfuil ceangal láidir acu le déanaí leis an margadh saothair, agus atá ar fáil le haghaidh fostaíochta agus atá ar lorg fostaíochta i ndáiríre.
D’fhógair an tAire Coimirce Sóisialaí, Heather Humphreys TD, inniu go bhfaighidh breis agus 126,000 teaghlach an Liúntas Éadaí agus Coisbhirt chun Filleadh ar Scoil ón lá inniu.
Tá an íocaíocht ón Roinn Coimirce Sóisialaí ceaptha chun tacú le teaghlaigh incháilithe íoc as na costais a bhaineann le héidí scoile agus coisbhirt a cheannach roimh an téarma scoile atá le teacht.
Ciallaíonn sé seo go n-íocfar €160 i leith leanaí idir 4-11 bliana d’aois.
Agus íocfar €285 i leith leanaí atá 12 bhliain d’aois agus níos sine in oideachas dara leibhéal.
Inniu, d’fhógair an tAire Coimirce Sóisialaí, Heather Humphreys T.D., maoiniú breise chun tacú le agus chun cur le deiseanna fostaíochta do dhaoine faoi mhíchumas.
Is clár nua é WorkAbility: Clár Bealaí Cuimsitheacha chun Oibre atá dírithe ar fhostaíocht agus is é aidhm an chláir ná tacaíocht a thabhairt do dhaoine faoi mhíchumas ionas gur féidir leo tús a chur le hoideachas agus fostaíocht.
Cuireadh tús leis an gclár i mí Eanáir 2024, le deontais ar fáil suas le €200,000 in aghaidh na bliana.
Roimhe seo, faomhadh 51 eagraíocht le haghaidh maoinithe ó Eanáir 2024. Tá maoiniú ceadaithe anois ag an Aire do 5 eagraíocht eile ó mhí Iúil 2024, rud a thugann líon iomlán na dtionscadal go 56.
Rinne Heather Humphreys TD, an tAire Coimirce Sóisialaí, Ionad Intreo nua de chuid na Ranna i gCarraig Mhachaire Rois, Co. Mhuineacháin, a oscailt go hoifigiúil inniu.
Feidhmeoidh an tsaoráid Intreo mar 'ionad ilfhreastail' – ag tógáil ar na seirbhísí a chuir an Oifig Bhrainse Leasa Shóisialaigh ar fáil roimhe seo i gCarraig Mhachaire Rois. Tá an tIonad Intreo nua lonnaithe ar Bhóthar Bhaile Átha Fhirdhia, Machaire Rabhartaigh, Carraig Mhachaire Rois.
I measc na seirbhísí a bheidh ar fáil ón oifig nua beidh:
Tá sé fógartha ag an Aire Coimirce Sóisialaí, Heather Humphreys TD, inniu (Déardaoin) go bhfuil tionscnamh, chun tacú le daoine aonair agus teaghlaigh ar ioncam íseal, agus rochtain á thabhairt dóibh ar iasachtaí ón gComhar Creidmheasa, le déanamh buan.
Is scéim iasachta de chuid na gComhar Creidmheasa í Tá Ciall Leis a thairgeann iasachtaí beaga ag ráta úis íseal do dhaoine a fhaigheann íocaíocht leasa shóisialaigh.
Soláthraíonn an Scéim creidmheas inacmhainne do dhaoine ar ioncam íseal agus tá sé mar aidhm aici spleáchas ar sholáthraithe creidmheasa ardchostais a laghdú.
Déantar formhór na n-aisíocaíochtaí iasachtaí faoin scéim trí shaoráid Bhuiséadaithe Teaghlaigh An Post.
Bunaithe ar rath an chláir phíolótach seo, tá bunú buan na híocaíochta seo i Reacht san Acht Leasa Shóisialaigh (Comhdhlúthú) 2005 (arna leasú) á fhógairt ag an Aire inniu.
Dúnfaidh an Ghníomhaireacht Poist ag Lismacaffrey, An Muileann gCearr, Contae na hIarmhí, N91Y194, go buan le héifeacht ó am scoir gnó Dé hAoine, 28 Meitheamh 2024.
Aistreofar íocaíochtaí custaiméara RCS chuig Oifig an Phoist Ghránaird.
Más mian leat Oifig Phoist eile a úsáid, is féidir leat é sin a dhéanamh trí iarratas a dhéanamh chuig d'oifig scéime roinne ábhartha.
NÍ BHEIDH AON seirbhís gan réamhchoinne ar fáil sna Seomraí Taighde ón 25 Meitheamh 2024, mar gheall ar na hoibreacha cothabhála ar bhonn práinne a bheidh ar siúl ar an bhfoirgneamh. Osclóimid ár seirbhís gan réamhchoinne arís Dé Máirt an 13 Lúnasa.
Leanfaidh na Seomraí Taighde do sheirbhís iomlán ríomhphoist a chur ar fáil, Luan go hAoine, áit ar féidir leat cuardaigh nó fótachóipeanna a iarraidh.
Seol d'iarratas chuig GROResearchRoom@welfare.ie agus tabharfaidh ball foirne freagra ort, chomh luath agus is féidir.
D’oscail an tAire Coimirce Sóisialaí, Heather Humphreys TD, iarratais inniu don Liúntas Éadaí agus Coisbhirt don Scoilbhliain Nua 2024.
Íocaíocht aonuaire is ea an Liúntas Éadaí agus Coisbhirt don Scoilbhliain Nua a dhéantar le teaghlaigh incháilithe chun cabhrú leo leis an gcostas a bhaineann lena leanaí a chur ar ais ar scoil.
Is é an ráta íocaíochta le haghaidh 2024 ná €160 do leanaí idir 4 agus 11 bhliain d’aois agus €285 do leanaí atá 12 bhliain d’aois agus níos sine san oideachas dara leibhéal.
Fuarthas thart ar €65.2 milliún don scéim i mbliana – agus tá sé beartaithe go bhfaighidh níos mó ná 118,000 teaghlach an liúntas go huathoibríoch an tseachtain dar tús an 8 Iúil.
Tá sraith feabhsuithe fógartha ag an Aire Coimirce Sóisialaí, Heather Humphreys TD, ar thacaíochtaí an Rialtais do chúramóirí.
Tá athruithe á dtabhairt isteach ag an Aire Humphreys ar an tástáil acmhainne a bhaineann le cúramóirí ionas gur féidir le níos mó cúramóirí leas a bhaint as an Liúntas Cúramóra nó go bhféadfaidís ráta níos airde íocaíochta a fháil.
Tá an neamhaird ioncaim sheachtainiúil don Liúntas Cúramóra méadaithe go €450 sa tseachtain do chúramóirí singile, agus go €900 sa tseachtain do lánúin. Cuireadh an t-athrú seo i bhfeidhm ón Déardaoin seo caite.
Is ionann sin agus méaduithe carnacha ar na neamhairdeanna €117.50 do chúramóir aonair agus €235 do chúramóir atá mar chuid de lánúin ó Mheitheamh 2022.
Tá sé fógartha ag an Aire Coimirce Sóisialaí, Heather Humphreys TD, go n-íocfar an Deontas Tacaíochta Cúramóra le 132,000 cúramóir ar fud na tíre amárach (Déardaoin, an 6 Meitheamh).
Tá an deontas €1,850 ar fáil do gach cúramóir a sholáthraíonn cúram lánaimseartha do dhuine scothaosta nó do dhuine faoi mhíchumas, beag beann ar a n-acmhainn nó ar a ranníocaíochtaí árachais shóisialaigh.
Tá sé fógartha ag an Aire Coimirce Sóisialaí, Heather Humphreys TD, inniu go dtiocfaidh athruithe ar an tástáil acmhainne leasa shóisialaigh, a fhágfaidh go ndéanfar neamhaird ar íocaíochtaí cothabhála leanaí, i bhfeidhm ón 4 Meitheamh.
Ciallaíonn an t-athrú ar an tástáil acmhainne go dtiocfaidh méadú ar a n-íocaíocht do go leor tuismitheoirí aonair a bhfuil rátaí laghdaithe íocaíochta acu agus d’fhéadfadh sé go mbeidís siúd nach bhfuil cáilithe ar chor ar bith go dtí an pointe seo in ann rochtain a fháil ar an íocaíocht seo anois.
Meastar go rachaidh an beart seo chun tairbhe do bhreis is 16,000 tuismitheoir aonair agus go gcosnóidh sé thart ar €10 milliún in aghaidh na bliana.
Ní gá do dhaoine aon ghníomh a dhéanamh chun leas a bhaint as an mbeart seo a d’fhéadfadh a n-íocaíocht a mhéadú.
D’óstáil an tAire Joe O’Brien an Fóram um Chuimsiú Sóisialta i bPáirc an Chrócaigh, Baile Átha Cliath inniu. Ag an imeacht seo, tugtar le chéile lucht déanta beartas, soláthraithe seirbhíse agus úsáideoirí seirbhíse ó ranna rialtais éagsúla, daoine a bhfuil taithí dhíreach acu ar bhochtaineacht agus/nó ar eisiamh sóisialta agus na grúpaí pobail agus deonacha atá ag obair chun aghaidh a thabhairt ar shaincheisteanna cuimsithe sóisialta agus atá ag obair chun tacú leo siúd lena mbaineann. Díríonn an Fóram ar sheachadadh Threochlár an Rialtais um Chuimsiú Sóisialta 2020-2025.
Sheol an tAire Coimirce Sóisialaí, Heather Humphreys TD, agus an tAire Fiontar, Trádála agus Fostaíochta, Peter Burke TD, an Chairt Fostaíochta agus Rannpháirtíochta Óige inniu
Is príomhbheart é an chairt faoi chuspóirí Bealaí chun Oibre an Rialtais chun go ndéanfadh cuideachtaí gníomhaíochtaí a sheachadadh chun tacú le daoine atá ag iarraidh dul isteach san ionad oibre nó filleadh ar an ionad oibre.
Tugtar cuireadh d'fhostóirí dul i ngleic leis an gCairt agus clárú le cuid de na sé ghealltanas liostaithe nó iad go léir.
Glactar leis nach bhfuil bacainní ar earcaíocht teoranta do dhaoine óga, freastalóidh an Chairt freisin ar ghrúpaí cuardaitheoirí poist a bhféadfadh sé a bheith deacair dóibh agallamh a fháil, taithí oibre a fháil nó bogadh isteach san obair. Tá siad faoi lé na dtionchar dhiúltacha chéanna ón dífhostaíocht. Áirítear ar na grúpaí tosaíochta seo:
Is Lá Saoire Bainc é Dé Luain an 3 Meitheamh agus mar gheall air seo, íocfar aon íocaíochtaí leasa shóisialaigh a bheidh le bheith i do chuntas Dé Luain an 3 Meitheamh, íocfar iad Dé hAoine an 31 Bealtaine ina ionad sin. Íocfar íocaíochtaí mar is gnách Dé Máirt an 4 Meitheamh.
Beidh gach Oifig Brainse agus Ionad Intreo dúnta ar an Lá Saoire Bainc Dé Luain an 3 Meitheamh. Osclófar Ionaid Intreo agus Oifigí Brainse arís Dé Máirt an 4 Meitheamh.
Labhair an tAire Coimirce Sóisialaí, Heather Humphreys TD, inniu leis an bhFóram Bliantúil Cúramóirí a tionóladh i dTeach na gCuntasóirí Cairte, Sráid an Phiarsaigh, Baile Átha Cliath.
Tugann an Fóram guth do chúramóirí teaghlaigh ag leibhéal polasaí agus tá sé ar cheann de ghealltanais na Roinne Coimirce Sóisialaí faoin Straitéis Náisiúnta Cúramóirí. Is straitéis thras-rannach í seo, faoi stiúir na Roinne Sláinte, a leagann amach an treo do bheartais, do sheirbhísí agus do thacaíochtaí amach anseo a chuireann ranna agus gníomhaireachtaí rialtais ar fáil do chúramóirí.
D’oscail an tAire Coimirce Sóisialaí, Heather Humphreys TD, an próiseas iarratais inniu, don Scéim nua Leathnaithe Saorthaistil.
Ó dheireadh mhí Iúil, beidh an Scéim Saorthaistil á leathnú chuig daoine nach raibh in ann tiomáint riamh mar gheall ar mhíchumas, agus chuig tiománaithe a bhfuil ceadúnas acu agus a bhfuil deimhniú leighis acu a thugann le fios nach bhfuil siad in ann tiomáint ar feadh tréimhse 12 mhí nó níos faide.
Tabharfaidh an scéim deis do dhaoine incháilithe rochtain a fháil ar shaorthaisteal ar gach iompar poiblí a chuireann an Stát ar fáil, chomh maith le roinnt seirbhísí atá á gcur ar fáil ag oibritheoirí iompair príobháideacha bus agus bád farantóireachta.
Íocfar na chéad íocaíochtaí Sochair Linbh do dhaoine 18 mbliana d’aois atá in oideachas lánaimseartha inniu tar éis athruithe a rinne an tAire Coimirce Sóisialaí, Heather Humphreys TD.
Íoctar Sochar Linbh ar an gcéad Mháirt de gach mí ag ráta €140 do gach leanbh. Ón lá inniu, bainfidh 60,000 duine 18 mbliana d’aois atá in oideachas lánaimseartha nó atá faoi mhíchumas tairbhe as an athrú.
Rinne an tAire Coimirce Sóisialaí, Heather Humphreys TD, an Sochar Linbh (1 Bealtaine) a leathnú chuig daoine atá ocht mbliana déag d’aois inniu.
Déanfar na chéad íocaíochtaí an tseachtain seo chugainn agus rachaidh siad chun tairbhe do thart ar 60,000 leanbh atá in oideachas lánaimseartha nó atá faoi mhíchumas.
Fuair an tAire Humphreys comhaontú chun Sochar Linbh a leathnú chuig daoine atá ocht mbliana déag d’aois mar chuid de Bhuiséad 2024 agus tá an beart le cur i bhfeidhm ar dtús ó mhí Mheán Fómhair.
I mí Feabhra, áfach, d’fhógair an tAire go raibh a Roinn in ann na hathruithe a thabhairt isteach i mí na Bealtaine – ceithre mhí níos luaithe ná mar a bhí beartaithe ar dtús.
Thug Heather Humphreys TD, an tAire Coimirce Sóisialaí, cuairt ar scoil Naomh Comgall i Muineachán inniu. Faomhadh an scoil le haghaidh an Chláir maidir le Béilí Te Scoile le gairid mar chuid den leathadh a rinneadh ar an gclár le deireanas.
Ón 8 Aibreán, tá 150,000 páiste sa bhreis ag baint tairbhe as Béilí Te cothaitheacha ar fud na hÉireann. Áirítear leis sin os cionn 5,000 dalta i 36 scoil i gCo. Mhuineacháin.
Chomh maith leis sin, d’fhógair an tAire Humphreys gur féidir le aon cheann de na Bunscoileanna atá fágtha, iad siúd nár chláraigh sa scéim, spéis a léiriú chun Béilí Te Scoile a fháil. Gheobhaidh gach scoil atá fágtha foirm ‘Léiriú Spéise’ go gairid.
Beidh Oifig Phoist an tSeangharraí, Co Chorcaigh, dúnta Dé Luain & Dé Máirt, 29 agus 30 Aibreán 2024 ar mhaithe le hathchóiriú na n-áitreabh a éascú. Déanfar d’íocaíocht leasa shóisialaigh a aistriú go hOifig Phoist Dhroichead na Scuab le linn an dúnta shealadaigh.
Is Lá Saoire Bainc é Dé Luain an 6 Bealtaine agus mar gheall air seo, maidir le haon íocaíochtaí leasa shóisialaigh a bhí le bheith i do chuntas Dé Luain an 6 Bealtaine, íocfar iad seo anois, Dé hAoine an 3 Bealtaine ina ionad sin. Íocfar íocaíochtaí mar is gnách Dé Máirt an 7 Bealtaine.
Beidh gach Ionad Intreo agus Oifig Brainse dúnta ar an Lá Saoire Bainc an Luain, 6 Bealtaine. Osclófar Ionaid Intreo agus Oifigí Brainse arís Dé Máirt, 7 Bealtaine.
Tá tuairiscí faighte againn ó chustaiméirí a ndearnadh teagmháil leo ar an nguthán ó dhaoine aonair a mhaíonn go calaoiseach gur ón Roinn iad.
Tá custaiméirí ag tabhairt le fios go mbíonn glaonna caillte acu, agus nuair a chuireann siad glaoch ar ais, cuirtear teachtaireacht réamhthaifeadta nó uathoibrithe ar siúl, chun cur orthu rogha a dhéanamh.
Má ardaíonn custaiméir an tsaincheist seo leat, cuir i gcuimhne dóibh a bheith fíor-aireach má fhaigheann siad glao den sórt sin agus chun a bharántúlacht a dhearbhú, ní mór dóibh úsáid a bhaint as sonraí oifigiúla teagmhála agus láithreáin ghréasáin na Roinne amháin.
Tá tuilleadh eolais ar fáil i réimse teangacha ar Foláirimh maidir le scéiméireacht teileafóin agus téacsteachtaireachtaí
Má dhéanann duine ar bith teagmháil leat, agus é/í ag tabhairt le fios gur ón Roinn iad, ná tabhair freagra air/uirthi agus ná roinn aon chuid de d’uimhir PSP, sonraí cuntais bainc nó aon fhaisnéis phearsanta eile leo.
Má tá aon sonraí cuntais bainc roinnte agat tar éis glao a fháil a bhfuil amhras ann gur scéiméireacht é, déan teagmháil le do bhanc láithreach le do thoil.
Má tá aon eolas pearsanta roinnte agat tar éis glao a fháil a bhfuil amhras ann gur scéiméireacht é, déan teagmháil leis na Gardaí láithreach le do thoil. Is féidir leat comhairle an Gharda a léamh anseo.
Dúnfar Oifig Poist na Rinne, Dún Garbháin, Contae Phort Láirge, X35A472, go buan le héifeacht ó am scoir gnó Dé Máirt, an 30 Aibreán 2024.
Aistreofar íocaíochtaí custaiméara RCS chuig Oifig Poist Dhún Garbhán.
Más mian leat Oifig Poist eile a úsáid, is féidir leat é sin a dhéanamh trí iarratas a dhéanamh chuig oifig scéime na Roinne ábhartha.
Chuir an tAire Coimirce Sóisialaí, Heather Humphreys T.D., fáilte roimh an bhfógra gur bhronn an Comhlachas Slándála Sóisialta Idirnáisiúnta (CSSI) teastas fiúntais ar an deontas athsholáthair gruaige, a sholáthraíonn a Roinn, ag Gradaim Dhea-Chleachtais an Fhóraim Shlándála Réigiúnaigh.
Íocann an deontas suas le €500 i dtreo bréagfhoilt, peiriúice nó gruaig ionaid do dhaoine a bhíonn ag fulaingt le cailleadh gruaige de dheasca tinnis agus seoladh é i mBealtaine 2022.
Ar dtús bhíothas ag súil go mbainfidh 2,000 bean nó fear tairbhe as an scéim le linn na chéad bhliana, ach bhí sé ní b'fhearr ná mar a síleadh. Bronnadh 2,700 deontas sa chéad 12 mhí. Anois, beagnach dhá bhliain óna seoladh, tá 6,000 deontas bronnta, agus is é luach na n-íocaíochtaí go léir ná €3 milliún.
Soláthraíonn an deontas faoi Scéim Sochair Cóireála na Roinne Coimirce Sóisialaí agus clúdaíonn sé cailleadh gruaige de dheasca ailse nó cineálacha alóipéice.
Tá faomhadh an Rialtais faighte ag an Aire Coimirce Sóisialaí, Heather Humphreys T.D., do shraith leasuithe suntasacha ar an gcóras ina gcláraítear básanna agus breitheanna. Faoin mBille um Chlárú Sibhialta (Clárú Leictreonach) 2024, éascófar do theaghlaigh breith nó bás duine mhuinteartha a chlárú ar líne den chéad uair
Tá na hathruithe seo deartha chun rochtain ar Chlár na Marbh-Bhreitheanna a mhéadú agus ag an am céanna meas a léiriú ar phríobháideachas a dteaghlach agus a ndaoine muinteartha.
Tá an tAire Coimirce Sóisialaí, Heather Humphreys TD, tar éis imeachtaí Oibre agus Scileanna Intreo, a bheidh ar siúl ón 15 go dtí an 26 Aibreán ar fud na tíre, a sheoladh inniu.
Beidh breis is 26 imeacht ar siúl, le raon ollmhór deiseanna thar raon earnálacha lena n-áirítear tógáil, fáilteachas, cúram sláinte, lóistíochta, miondíola agus go leor eile.
Tá na himeachtaí ar bun le deis a thabhairt do chuardaitheoirí poist dul i dteagmháil le fostóirí atá ag earcú go gníomhach agus foghlaim faoi na roghanna oiliúna atá ar fáil chun cabhrú leo an chéad chéim eile a ghlacadh ina ngairm.
Tá eolas ar an raon iomlán imeachtaí agus conas clárú le freastal orthu ar fáil ag Item was unpublished or removed
D’fhógair an Taoiseach Simon Harris agus an tAire Coimirce Sóisialaí, Heather Humphreys, TD, inniu go bhfuil 900 Bunscoil bhreise faofa do Chlár na mBéilí Scoile Teo.
Ciallaíonn fógra an lae inniu go mbainfidh 150,000 páiste breise leas as Béilí Teo cothaitheacha.
Ina theannta sin, tá sé fógartha ag an Taoiseach agus ag an Aire Humphreys gur féidir le haon Bhunscoileanna eile nach bhfuil páirteach sa scéim fós spéis a léiriú anois i mBéilí Scoile Teo a fháil.
D’fhógair an tAire Coimirce Sóisialaí an 12 Aibreán 2024 nach rachadh tograí an Pháipéir Uaine ar aghaidh. Mar sin féin, tuigimid go bhfuil roinnt aighneachtaí beagnach críochnaithe. Glacfar le haighneachtaí go dtí an 30 Aibreán 2024 agus áireofar iad in anailís agus in ullmhú na dtograí a bheidh ann amach anseo.
Tabhair faoi deara le do thoil go bhfuil deacrachtaí teicniúla againn lenár seirbhís teileafóin faoi láthair. Mar thoradh air sin, tá laghdú suntasach tagtha ar ár gcumas glaonna a fhreagairt. Táimid ag obair chun an fhadhb a réiteach chomh tapa agus is féidir agus gabhaimid ár leithscéal as aon mhíchaoithiúlacht.
Tá na deacrachtaí teicniúla lenár seirbhís teileafóin réitithe anois. Ba mhaith linn ár leithscéal a ghabháil as aon mhíchaoithiúlacht.
Tabhair faoi deara le do thoil go bhfuil deacrachtaí teicniúla againn lenár seirbhís teileafóin faoi láthair. Mar thoradh air sin, tá laghdú suntasach tagtha ar ár gcumas glaonna a fhreagairt. Táimid ag obair chun an fhadhb a réiteach chomh tapa agus is féidir agus gabhaimid ár leithscéal as aon mhíchaoithiúlacht.
D’fhógair an tAire Coimirce Sóisialaí, Heather Humphreys TD, inniu foilsiú an Bhille um Chóras Uathrollaithe Coigiltis Scoir 2024.
Réiteoidh an bille, a thabharfar faoi bhráid an Oireachtais go luath, an bealach do thart ar 800,000 oibrí a thabhairt isteach i scéim choigiltis scoir den chéad uair.
Tá laghdú fógartha ag an Aire Coimirce Sóisialaí, Heather Humphreys TD, ar an tairseach uaireanta don Scéim Fóirdheontas Pá d’fhostaithe faoi mhíchumas.
Tá laghdú ar an tairseach sheachtainiúil d’fhostóirí chun leas a bhaint as an Scéim Fóirdheontas Pá ó 21 go 15 uair ón 1 Aibreán.
Is tacaíocht fostaíochta í an Scéim Fóirdheontas Pá a bhfuil sé mar aidhm aici fostú daoine faoi mhíchumas sa mhargadh saothair oscailte a spreagadh.
Tá Intreo ag óstáil sraith aontaí earcaíochta Oibre agus Scileanna i mbailte agus i gcathracha ar fud na hÉireann ón 18-26 Aibreán 2024.
Tabharfaidh na haontaí earcaíochta seo deis duit tuilleadh eolais a fháil faoin raon deiseanna fostaíochta agus oiliúna i do cheantar áitiúil. Tabharfaidh na haontaí earcaíochta deis duit freisin bualadh le fostóirí agus cur isteach ar fholúntais. Tá poist ar fáil i ngach earnáil tionscail faoi láthair.
Chuir an tAire Coimirce Sóisialaí, Heather Humphreys TD, agus an tAire Stáit le freagracht speisialta as Forbairt Pobail, Joe O’Brien, fáilte inniu roimh fhoilsiú ‘Connecting People with Jobs: Impact evaluation of Ireland’s Active Labour Market Policies’, meastóireacht tionchair ar chláir na hÉireann do dhaoine atá dífhostaithe go fadtéarmach.
Leagtar amach sa chomhthuarascáil idir an ECFE, Airmheán Comhpháirteach Taighde an Choimisiúin Eorpaigh agus an Roinn Coimirce Sóisialaí an tionchar dearfach atá ag Fostaíocht Chomhphobail (CE) agus Tús ar ionchais fostaíochta daoine atá dífhostaithe go fadtéarmach.
Tá síneadh ama á chur leis an spriocdháta don chomhairliúchán poiblí ar an bPáipéar Uaine ar Athchóiriú Míchumais go dtí an 31 Iúil 2024 mar fhreagra ar iarratais ó dhaoine aonair, ó Eagraíochtaí do Dhaoine faoi Mhíchumas agus ó ghrúpaí míchumais chun tuilleadh ama a bheith acu lena n-aighneachtaí a dhéanamh.
Is doiciméad plé/comhairliúcháin é an Páipéar Uaine, a foilsíodh i Meán Fómhair 2023, maidir leis an mbealach is fearr chun tacú le daoine faoi mhíchumas sa todhchaí.
Is é an cuspóir atá leis ná comhrá struchtúrtha a thosú ar thodhchaí íocaíochtaí fadtéarmacha míchumais.
D’fhógair an tAire Coimirce Sóisialaí, Heather Humphreys TD, inniu go bhfuil reachtaíocht achtaithe chun neamhaird a dhéanamh d’íocaíochtaí cothabhála leanaí ón tástáil acmhainne le haghaidh íocaíochtaí leasa shóisialaigh agus chun soláthar a dhéanamh do shíneadh an tSochair Linbh chuig daoine 18 mbliana d’aois ón 1 Bealtaine.
Tugann an tAcht um Leas Sóisialach agus um an Dlí Sibhialta (Forálacha Ilghnéitheacha) 2023 a achtaíodh an tseachtain seo éifeacht d’athchóirithe suntasacha do thuismitheoirí aonair, lena n-áirítear íocaíochtaí cothabhála a fhágáil as tástálacha acmhainne leasa shóisialaigh den chéad uair riamh.
Ciallaíonn sé seo go dtiocfaidh méadú ar a n-íocaíocht do go leor tuismitheoirí aonair atá ar rátaí laghdaithe íocaíochta agus go gcáileoidh daoine eile le haghaidh íocaíochta.
Meastar go rachaidh an beart seo chun tairbhe do bhreis is 16,000 tuismitheoir aonair agus go gcosnóidh sé thart ar €10 milliún in aghaidh na bliana.
Tá na deacrachtaí teicniúla lenár seirbhís teileafóin réitithe anois. Ba mhaith linn ár leithscéal a ghabháil as aon mhíchaoithiúlacht.
Tabhair faoi deara le do thoil go bhfuil deacrachtaí teicniúla againn lenár seirbhís teileafóin faoi láthair. Mar thoradh air sin, tá laghdú suntasach tagtha ar ár gcumas glaonna a fhreagairt. Táimid ag obair chun an fhadhb a réiteach chomh tapa agus is féidir agus gabhaimid ár leithscéal as aon mhíchaoithiúlacht.
Beidh obair an Ghrúpa Oibre Idir-rannaigh treoraithe ag athbhreithniú níos leithne ar thástáil acmhainne atá ar siúl faoi láthair sa Roinn Coimirce Sóisialaí. Déanfar obair na Grúpaí Idir-Rannaigh a mheas freisin i gcomhthéacs an athbhreithnithe ar an Straitéis Náisiúnta do Chúramóirí , stiúrtha ag an Roinn Sláinte
Déanfaidh an grúpa scrúdú ar thograí maidir le tacaíochtaí airgeadais do chúramóirí atá curtha chun cinn ag na heagraíochtaí seo a leanas, i measc eagraíochtaí eile:
Déanfar cothabháil riachtanach ar MyGovID.ie agus ar MyWelfare.ie thar dheireadh seachtaine saoire bainc Naomh Pádraig.
Ní bheidh na suíomhanna gréasáin MyGovID.ie agus MyWelfare.ie ar fáil ó 8am Dé Sathairn, an 16 Márta, go dtí 8am Dé Máirt, an 19 Márta. Má chríochnaítear an chothabháil roimh an sceideal, d’fhéadfadh go mbeadh na córais seo ar fáil roimh 8am Dé Máirt, an 19 Márta 2024.
Ba mhaith linn ár leithscéal a ghabháil as aon mhíchaoithiúlacht.
D’fhógair an tAire Coimirce Sóisialaí, Heather Humphreys TD, inniu go bhfuil an reachtaíocht rite sa Dáil chun éifeacht a thabhairt do shíneadh an tSochair Linbh go dtí 18 mbliana d’aois ón 1 Bealtaine. D’éirigh leis an tAire Humphreys comhaontú a fháil chun Sochar Linbh a shíneadh go daoine 18 mbliana d’aois mar chuid de Bhuiséad 2024 agus tá an beart le cur i bhfeidhm ó Mheán Fómhair, ach fuair an tAire faomhadh na Comh-Aireachta le déanaí chun na hathruithe a thabhairt isteach ceithre mhí roimhe sin ón 1 Bealtaine.
Tá an Roinn Coimirce Sóisialaí, an Bord um Fhaisnéis do Shaoránaigh (BFS), agus Seirbhís Ateangaireachta na Teanga Comharthaíochta (SATC), tar éis a dtiomantas comhroinnte do sheachadadh Scéim Dearbhán Theanga Chomharthaíochta na hÉireann (TCÉ) a sholáthar, agus tá conair ar aghaidh comhaontaithe ag gach páirtí chun leanúint ar aghaidh le seachadadh na Scéime.
Tar éis cruinnithe a bhí faoi chathaoirleacht na Roinne ar 13 Feabhra, d’athdhearbhaigh an Roinn, BFS agus SATC a dtiomantais faoi seach do Scéim Dearbhán TCÉ agus d’aithin a ról ríthábhachtach chun tacú le baill de phobal na mBodhar páirt iomlán a ghlacadh sa tsochaí.
D’fhógair an tAire Coimirce Sóisialaí, Heather Humphreys TD, inniu go gcuirfear síneadh leis Sochar Linbh do dhaoine 18 mbliana d’aois ón 1 Bealtaine. Rachaidh an beart chun tairbhe do thart ar 60,000 leanbh atá in oideachas lánaimseartha nó atá faoi mhíchumas. D’éirigh leis an Aire Humphreys comhaontú a fháil chun Sochar Linbh a shíneadh mar chuid de Bhuiséad 2024 chuig daoine atá 18 mbliana d’aois agus tá an beart le cur i bhfeidhm i mí Mheán Fómhair. Fuair an tAire cead ón gComh-aireacht inniu, áfach, na hathruithe a thabhairt isteach ceithre mhí roimhe sin ar 1 Bealtaine. Ciallaíonn sé seo go n-íocfar Sochar Linbh le haon duine atá 18 mbliana d’aois agus atá in oideachas lánaimseartha, nó atá faoi mhíchumas, suas go dtí a 19ú breithlá.
Chun Lá Idirnáisiúnta na Titimis a chomóradh, bhuail an tAire Coimirce Sóisialaí, Heather Humphreys TD, le Titimeas Éireann chun sonraí faoi shíneadh nua na Scéime Saorthaistil a fhógairt.
Ó mhí Iúil, tá an Scéim Saorthaistil á leathnú chuig daoine nach raibh in ann tiomáint riamh mar gheall ar mhíchumas, agus chuig tiománaithe a bhfuil ceadúnas acu agus a bhfuil deimhniú leighis acu nach bhfuil in ann tiomáint ar feadh tréimhse 12 mhí nó níos faide.
Dhaingnigh an tAire Humphreys an beart seo mar chuid de Bhuiséad 2024 agus táthar ag súil go rachaidh sé chun tairbhe 32,000 duine i mbliana ar chostas €8.5 milliún.
D'fhógair an tAire Coimirce Sóisialaí, Heather Humphreys TD inniu, sonraí an bhónais Eanáir, a thabharfaidh tacaíocht do 1.3 milliún duine leis an gcostas maireachtála.
I rith na seachtaine seo, eiseofar íocaíocht cnapshuime dhúbailte dár bpinsinéirí, gcúramóirí, daoine faoi mhíchumas, tuismitheoirí aonair agus teaghlaigh ar ioncam íseal.
Is Lá Saoire Bainc é Dé Luain an 5 Feabhra agus mar gheall air seo, íocfar aon íocaíochtaí leasa shóisialaigh a bheidh le bheith i do chuntas Dé Luain an 5 Feabhra, íocfar iad Dé hAoine an 2 Feabhra ina ionad sin. Íocfar íocaíochtaí mar is gnách Dé Máirt an 6 Feabhra.
Beidh gach Oifig Brainse agus Ionad Intreo dúnta ar an Lá Saoire Bainc Dé Luain an 5 Feabhra. Osclófar Ionaid Intreo agus Oifigí Brainse arís Dé Máirt an 6 Feabhra.
Tá breis agus 16,000 tuismitheoir aonair le leas a bhaint as athchóirithe suntasacha ar an gcóras cothabhála leanaí atá á thabhairt os comhair na Dála inniu ag an Aire Coimirce Sóisialaí Heather Humphreys.
Ciallaíonn sé sin go dtiocfaidh méadú ar íocaíocht go leor tuismitheoirí aonair a fhaigheann rátaí laghdaithe íocaíochta faoi láthair agus go gcáileoidh daoine eile le haghaidh íocaíochta.
Tá Faomhadh Comh-Aireachta faighte ag an Aire Coimirce Sóisialaí, Heather Humphreys TD, chun dlí a dhréachtú a thabharfaidh isteach Sochar Cuardaitheora Poist Pá-Choibhneasa nua.
Tabharfaidh tabhairt isteach an tSochair Pá-Choibhneasa Éire ar aon dul le tíortha eile an AE agus cinnteoidh sé go bhfaighidh daoine a bhfuil stair láidir oibre acu sochair fheabhsaithe má chailleann siad a bhfostaíocht.
Faoin gcóras nua, beidh trí ráta íocaíochta mar seo a leanas:
Dúnadh Oifig Poist an Gheata Mhóir, Co. Mhaigh Eo go buan Dé hAoine an 29 Nollaig 2023. Aistreofar d’íocaíocht leasa shóisialaigh chuig Oifig Poist Bhéal an Mhuirthead.
Más mian leat Oifig Phoist eile a úsáid, is féidir leat é sin a dhéanamh trí iarratas a dhéanamh chuig oifig scéime na Roinne ábhartha.
D’fhógair an tAire Coimirce Sóisialaí, Heather Humphreys TD, athchóiriú suntasach ar an bPinsean Stáit (Ranníocach) a rachaidh chun tairbhe na mílte cúramóir sna blianta atá amach romhainn.
Ón tseachtain seo, is féidir cúramóirí rud atá comhionann le ranníocaíochtaí íoctha (Ranníocaíochtaí na gCúramóirí Fadtéarmacha) a fháil le haghaidh tréimhsí níos mó ná 20 bliain inar tugadh aire do chleithiúnaí éagumasaithe.
D’fhógair an tAire Coimirce Sóisialaí, Heather Humphreys inniu, go bhfuil €980 milliún i méaduithe Coimirce Sóisialaí le teacht i bhfeidhm inniu.
Déanann na feabhsuithe, atá mar chuid de Bhuiséad 2024, foráil maidir le méaduithe ar íocaíochtaí do phinsinéirí, cúramóirí, daoine faoi mhíchumas agus teaghlaigh ar ioncam íseal.
Fograíonn #### an tAire Humphreys Athchóiriú Pinsin suntasach atá le teacht i bhfeidhm ón 1 Eanáir
Tá sé fógartha ag an Aire Coimirce Sóisialaí, Heather Humphreys TD, go bhfuil socruithe nua pinsin atá solúbtha á dtabhairt isteach do dhaoine atá ag slánú 66 bliana d’aois agus iarratas á dhéanamh acu le haghaidh an Phinsean Stáit (Ranníocach) ón 1 Eanáir 2024.
Leis an tsolúbthacht nua seo, is féidir le daoine éileamh an Phinsin Stáit (Ranníocach) a chur siar ag 66 bliana d’aois chun ráta íocaíochta méadaithe atá coigeartaithe go hachtúireach a fháil go dtí go bhfuil 70 bliain d’aois bainte amach acu.
Ligtear leis an athrú seo freisin do dhaoine a dtaifead árachais shóisialaigh a fheabhsú agus cuirtear ar a gcumas iad a ráta íocaíochta Pinsin Stáit a mhéadú nuair a éiríonn siad as nó tabharfaidh sé deis do dhaoine a thosaigh ag obair níos déanaí sa saol rannaíochtaí breise a dhéanamh chun cáiliú don Phinsean Stáit (Ranníocach).
Dúnfar Oifig Poist Bhun an Tábhairne, Co. Chorcaí, Dé hAoine 29 Nollaig 2023. Aistreofar d’íocaíocht leasa shóisialaigh chuig Oifig Poist Charraig Uí Leighin.
Más mian leat Oifig Phoist eile a úsáid, is féidir leat é sin a dhéanamh trí iarratas a dhéanamh chuig oifig scéime na Roinne ábhartha
Tá sé deimhnithe ag an Aire Coimirce Sóisialaí, Heather Humphreys T.D., go bhfuil an Scéim um Chúnamh Daonnúil ar fáil chun cabhrú leo siúd atá ina gcónaí i réadmhaoin atá buailte go díreach ag Stoirm Fergus agus ag an tornádó i Liatroim.
Inniu, d’fhógair an tAire Coimirce Sóisialaí, Heather Humphreys T.D., maoiniú chun tacú le agus chun cur le deiseanna fostaíochta do dhaoine faoi mhíchumas.
Tá sé mar aidhm ag WorkAbility: Is clár nua é Clár Bealaí Cuimsitheacha chun Oibre atá dírithe ar fhostaíocht agus is é aidhm an chláir ná tacaíocht a thabhairt do dhaoine faoi mhíchumas ionas gur féidir leo tús a chur le hoideachas agus fostaíocht.
Tosóidh an clár seo in Eanáir 2024, le deontais ar fáil suas go dtí €200,000 in aghaidh na bliana.
D'fhógair an tAire Coimirce Sóisialaí, Heather Humphreys TD, inniu go bhfuil 900 bunscoil faofa don Chlár Béilí Scoile Te.
Ciallaíonn fógra an lae inniu go mbainfidh 150,000 leanbh breise leas as béilí te cothaitheacha an bhliain seo chugainn.
Dúnfar Oifig Poist Bhun an Tábhairne, Co. Chorcaí, Dé hAoine 29 Nollaig 2023. Aistreofar d’íocaíocht leasa shóisialaigh chuig Oifig Poist Charraig Uí Leighin.
Más mian leat Oifig Phoist eile a úsáid, is féidir leat é sin a dhéanamh trí iarratas a dhéanamh chuig oifig scéime na Roinne ábhartha.
D’fhógair an tAire Coimirce Sóisialaí, Heather Humphreys TD, scéim nua inniu chun rochtain ar an bPinsean Stáit (Ranníocach) a fheabhsú do chúramóirí fadtéarmacha (iad siúd atá ag tabhairt aire do chleithiúnaithe éagumasaithe le breis agus 20 bliain).
D’fhógair an tAire freisin sonraí na dtrí íocaíocht chnapshuime costais mhaireachtála atá le híoc an tseachtain seo.
Tá sé tugtha le fios ag An Post go raibh moill le próiseáil íocaíochtaí isteach RAA do dhaoine ar maidin inniu. Tá tús curtha leis an bpróiseáil anois agus mar sin ba chóir go mbeadh gach íocaíocht i gcuntais daoine thar na chéad chúpla uair an chloig eile.
D’fhógair an tAire Coimirce Sóisialaí, Heather Humphreys TD, sraith leasuithe móra leasa shóisialaigh inniu, chomh maith le bearta a thacóidh le pinsinéirí, cúramóirí, daoine faoi mhíchumas agus teaghlaigh ar ioncam íseal.
Tá comhairliúchán poiblí seolta ag an Aire Coimirce Sóisialaí, Heather Humphreys TD, maidir le sprioc náisiúnta nua bochtaineacht leanaí a leagan síos. Is é an dáta deiridh le haghaidh aighneachtaí ná Dé hAoine 19 Eanáir 2024 ag 5pm.
D’fhógair an tAire Coimirce Sóisialaí, Heather Humphreys, sonraí inniu maidir le trí íocaíocht chnapshuime Costais Maireachtála atá le híoc an tseachtain seo.
Íocfar Íocaíocht chnapshuime Liúntais Breosla €300 le breis agus 409,000 teaghlach i rith na seachtaine
D’fhógair an tAire Coimirce Sóisialaí, Heather Humphreys, inniu go mbeidh Scoláireacht Cothrom na Féinne UCD faoi réir neamhairde de €7,000 i leith tástálacha maoine do liúntais leasa shóisialaigh áirithe.
Tá an tionscnamh deartha chun tacú le mic léinn ar ioncam íseal rochtain a fháil ar oideachas tríú leibhéal agus chun na bacainní airgeadais atá roimh theaghlaigh atá ag fáil leasa shóisialaigh a mhaolú.
Tar éis fhógairt Bhuiséad 2024 d’fhéadfadh go mbeadh méadú ar théacsanna calaoiseacha nó ar ghlaonna ag iarraidh ar dhaoine clárú le haghaidh cnapshuimeanna agus íocaíochtaí dúbailte. Má tá tú i dteideal cnapshuime nó íocaíocht dhúbailte, íocfar iad seo go huathoibríoch agus ní gá duit iarratas a dhéanamh orthu. Léigh níos mó faoinár bhfoláireamh maidir le glaonna gutháin caimiléireachta agus téacsteachtaireachtaí caimiléireachta
Tá sé deimhnithe ag an Aire Coimirce Sóisialaí, Heather Humphreys, TD, go bhfuil an Scéim um Chúnamh Daonnúil ar fáil chun tacaíocht a sholáthar dóibh siúd a bhfuil cónaí orthu i réadmhaoin a bhí buailte díreach ag tuilte i gContae na Gaillimhe de bharr drochaimsire. Leathnófar an scéim freisin chuig ceantair eile a bhí buailte leis de réir mar is gá.
I gcontaetha ina bhfuil rabhadh aimsire dearg ar siúl iontu , beidh oifigí Intreo agus brainse dúnta go dtí 11am Dé Luain an 13 Samhain. Má tá coinne agat ar maidin, beimid i dteagmháil le hathsceidealú a dhéanamh.
Nuair a chuirtear deireadh le rabhadh aimsire dearg, nó mura bhfuil rabhadh dearg ar siúl faoi láthair, fanfaidh oifigí roinne ar oscailt nuair is féidir agus cuirfidh siad seirbhís ríthábhachtach ar fáil duit.
Déanfar dlúthfhaireachán ar an gcás agus foilseofar an t-eolas is déanaí anseo.
Tá sé deimhnithe ag an Aire Coimirce Sóisialaí, Heather Humphreys TD, go bhfuil an Scéim um Chúnamh Daonnúil ar fáil chun cabhrú leo siúd atá ina gcónaí i réadmhaoin ar fhear na tuilte go díreach uirthi i gContae Lú agus Loch Garman.
Dúnadh Oifig an Phoist Bonniconlon, Co. Mhaigh Eo, Dé hAoine an 27 Deireadh Fómhair 2023. Aistríodh d'íocaíocht leasa shóisialaigh chuig Oifig an Phoist Ardnaree.
Is féidir le custaiméirí ar mian leo Oifig Phoist eile a úsáid é sin a dhéanamh ach iarratas a dhéanamh chuig oifig scéime na Roinne ábhartha.
I gcás fíoréigeandála (maoin damáiste de bharr adhaimsire / tine tí) ar na laethanta a bhíonn ár nOifigí Intreo/Brainse dúnta thar dheireadh seachtaine saoire bainc, tá sonraí thíos maidir le conas is féidir teagmháil a dhéanamh leis na Seirbhísí Leasa Pobail.
Tá an líne theileafóin seo le haghaidh cásanna éigeandála amháin agus ní dhéileálfar le fiosrúcháin ghinearálta
Fón 087 9063339 ó 10am go 4.30pm Dé Sathairn, Dé Domhnaigh & Dé Luan.
Taobh amuigh de na huaireanta seo seol ríomhphost le do thoil chuig DNCWS@welfare.ie
Beidh ár n-oifigí agus ár líne theileafóin ainmnithe SLP (0818 60 70 80) ar oscailt arís Dé Máirt 31 Deireadh Fómhair ag 9.15am.
Beidh an tSeirbhís Leasa Pobail in Oifig Leasa Shóisialaigh Mainistir na Corann ar oscailt Dé Sathairn 28 Deireadh Fómhair 9.30 go 12pm chun cabhrú le custaiméirí a bhfuil tionchar ag na tuilte le déanaí ar a dtithe in Oirthear Chorcaí agus in Iarthar Phort Láirge.
Tá maoiniú breise faighte ag an Aire Humphreys don Scéim um Chúnamh Daonnúil agus méaduithe ar na teorainneacha ioncaim.
Is Lá Saoire Bainc é Dé Luain an 30 Deireadh Fómhair agus, dá bhrí sin, íocfar mórchuid na n-íocaíochtaí leasa shóisialaigh a bhí le híoc Dé Luain an 30 Deireadh Fómhair ar an Aoine an 27 Deireadh Fómhair ina ionad sin.
Beidh gach Ionad Intreo agus Oifig Brainse dúnta Dé Luain an 30 Deireadh Fómhair toisc gur Lá Saoire Bainc a bheidh ann. Athosclóidh Ionaid Intreo agus Oifigí Brainse Dé Máirt an 31 Deireadh Fómhair
Tá sé deimhnithe ag an Aire Coimirce Sóisialaí, Heather Humphreys TD, go bhfuil an Scéim um Chúnamh Daonnúil ar fáil chun cabhrú leo siúd atá ina gcónaí i réadmhaoin ar fhear na tuilte go díreach uirthi i gContaegContae Corcaigh agus Port Láirge le déanaín tar éis stoirme Babet
D'fhógair an tAire Coimirce Sóisialaí, Heather Humphreys TD, inniu na dátaí íocaíochta do na tacaíochtaí Costas Maireachtála €1.2 billiún a tugadh isteach mar chuid de Bhuiséad 2024.
Is é an pacáiste Coimirce Sóisialaí i mBuiséad 2024, an ceann is mó i stair an Stáit, agus cuideoidh sé le pinsinéirí, cúramóirí, daoine faoi mhíchumas agus teaghlaigh aghaidh a thabhairt ar an gCostas Maireachtála trí mheascán de thacaíochtaí cnapshuime agus méaduithe ar íocaíochtaí seachtainiúla.
Íocfar naoi n-íocaíocht chnapshuime san iomlán idir Samhain 2023 agus Eanáir 2024.
Is féidir leis an roinn a dheimhniú go bhfuil an tsaincheist thíos réitithe agus go bhfuil gach íocaíocht déanta.
Chuir An Post in iúl dúinn ar maidin go raibh fadhb ann maidir lena bpróiseáil íocaíochta do chuntais choigiltis do chustaiméirí. Mar thoradh air sin bhí moill ar roinnt íocaíochtaí leasa shóisialaigh inniu. Níl sé seo ag cur isteach ach ar chustaiméirí a bhfuil cuntais choigiltis An Post acu.
Tá sé ráite ag An Post go bhfuil siad i mbun an cheist seo a réiteach agus go bhfuil siad ag súil go ndéanfar na híocaíochtaí seo a phróiseáil níos déanaí inniu.
Buiséad 2024 Soláthraíonn Buiséad 2024 beagnach €2.3 billiún i bpacáiste beart a chabhróidh le daoine chun déileáil leis an gcostas maireachtála.
Mar thoradh ar oibreacha riachtanacha cothabhála, dúnfar Oifig Poist Steach Maoilín Dé Céadaoin, an 4 Deireadh Fómhair ag 3pm. Beidh Oifig an Phoist seo dúnta Déardaoin an 5 Deireadh Fómhair, agus osclófar arís é Dé hAoine an 6 Deireadh Fómhair ag 11am.
Féadfar aon íocaíochtaí atá le bailiú Déardaoin an 5 Deireadh Fómhair ag Oifig Poist Steach Maoilín a bhailiú ag Oifig Poist Bhaile Brigín.
Tá Intreo ag óstáil sraith aonach earcaíochta Oibre agus Scileanna i mbailte agus i gcathracha ar fud na hÉireann ón 6-19 Deireadh Fómhair 2023. Tá gach imeacht saor in aisce agus ar fáil do gach cuardaitheoir poist.
Inniu, d'fhógair an tAire Coimirce Sóisialaí, Heather Humphreys TD, tús leis an Scéim Náisiúnta Liúntais Breosla do Shéasúr 2023/24.
Tá an comhairliúchán poiblí chun íocaíochtaí míchumais a leasú in Éirinn oscailte anois. Is é Dé hAoine 15 Nollaig 2023 an dáta deiridh chun aighneachtaí a chur isteach.
Táimid ar an eolas faoi théacsanna calaoiseacha a mhaíonn gur ón Roinn iad. Lorgóidh na téacsanna seo faisnéis phearsanta uaireanta nó iarrfaidh siad ort sonraí a fhíorú, mar shampla, le haghaidh Íocaíochtaí Costas Maireachtála.
Ní iarrann foireann an RCS sonraí dá leithéid i dtéacs riamh.
Má fhaigheann tú téacs ag éileamh gur ón Roinn é, ná tabhair freagra air agus ná roinn aon chuid de d’uimhir PSP, sonraí cuntais bainc nó aon fhaisnéis phearsanta eile.
Má tá aon sonraí bainc curtha ar fáil agat déan teagmháil le do bhanc láithreach le do thoil.
Má tá aon chuid de d’fhaisnéis phearsanta curtha ar fáil agat, déan teagmháil leis na Gardaí láithreach le do thoil. féach comhairle ó ghardaí:
Tá athbhreithniú á dhéanamh againn faoi láthair ar an Scéim Shóisialta Tuaithe (SST). Tá tuairimí príomhpháirtithe leasmhara agus páirtithe leasmhara á lorg ag an Roinn lena n-áirítear na heagraíochtaí Pobail agus Deonacha, trí roinnt próisis chomhairliúcháin. Ina measc seo tá suirbhé SST agus aighneachtaí scríofa ó pháirtithe leasmhara.
Táimid ag earcú Oifigigh Bhreithiúnachta faoi láthair. Tá iarratais ar oscailt ó Déardaoin 31 Lúnasa 2023 agus is é De hAoine an 29 Meán Fómhair 2023 an dáta deiridh le haghaidh iarratais. Is féidir teacht ar thuilleadh eolas ar ár leathanach gairmeacha anseo.
D’fhógair an tAire Coimirce Sóisialaí, Heather Humphreys TD, inniu go ndéanfar athruithe móra ar an gCiste um Fhreastal Réasúnta agus ar an Scéim Tacaíochta um Fheasacht ar Mhíchumas ina dhiaidh athbhreithniú cuimsitheach a dhéanamh ar an dá scéim.
‘Is féidir dul i dteagmháil le hÍocaíocht do Theaghlaigh i bhFostaíocht ar 0818 300600 agus roghnaigh rogha 3 ón roghchlár atá ar fáil. Is féidir dul i dteagmháil le hÍocaíocht do Theaghlaigh i bhFostaíocht ar 074 9164575 freisin.
D'fhógair an tAire Coimirce Sóisialaí, Heather Humphreys TD, gairm ar iarratais do chlár nua dírithe ar fhostaíocht do dhaoine atá faoi mhíchumas inniu.
Beidh an clár, dá ngairtear “WorkAbility: Inclusive Pathways to Employment Programme”, i bhfeidhm ó 2024 go 2028 agus beidh buiséad iomlán suas go €36.29milliún aige.
Tá sé deimhnithe ag an Aire Coimirce Sóisialaí, Heather Humphreys TD, go bhfuil an Scéim um Chúnamh Daonnúil ar fáil chun cabhrú leo siúd atá ina gcónaí i réadmhaoin ar fhear na tuilte go díreach uirthi i gContae na Mí le déanaí.
Chuir an tAire Coimirce Sóisialaí, Heather Humphreys TD, rialacháin i bhfeidhm a chiallaíonn nach gá do thuismitheoirí aonair a chruthú a thuilleadh go ndearna siad iarracht cothabháil leanaí a fháil ó thuismitheoir eile an linbh, nuair a chuireann siad iarratas isteach ar íocaíocht Teaghlaigh Aontuismitheora nó Íocaíocht Idirthréimhseach Cuardaitheora Poist.
Tá maoiniú á chur ar fáil ag an Roinn chun tacú le grúpaí frithbhochtaineachta gníomhaíochtaí áitiúla, réigiúnacha nó náisiúnta a eagrú chun aird an phobail a tharraingt ar Lá Idirnáisiúnta um Dhíothú na Bochtaineachta de chuid NA agus an lá seo a cheiliúradh in 2023.
Is é an t-uasmhéid de mhaoiniú a d’fhéadfaí a bhronnadh ar aon tionscadal amháin ná suas le €3,000.00, agus coinníoll ag baint leis nach féidir ach aon togra amháin a chur isteach in aghaidh na heagraíochta faoin tionscnamh seo.
Tá spriocdháta docht i gceist agus is é an dáta deiridh ar a nglacfar le hiarratais ná 12:00 meán lae, an 18 Lúnasa 2023
Ní ghlacfar le hiarratais atá déanach.
Is Lá Saoire Bainc é Dé Luain an 7 Lúnasa agus, dá bhrí sin, íocfar mórchuid na n-íocaíochtaí leasa shóisialaigh a bhí le híoc Dé Luain an 7 Lúnasa ar an Aoine an 4 Lúnasa ina ionad sin.
Beidh gach Ionad Intreo agus Oifig Brainse dúnta Dé Luain an 7 Lúnasa toisc gur Lá Saoire Bainc a bheidh ann. Athosclóidh Ionaid Intreo agus Oifigí Brainse Dé Máirt an 8 Lúnasa.
D'fhógair an tAire Coimirce Sóisialaí, Heather Humphreys TD, agus an tAire Dlí agus Cirt, Helen McEntee TD, inniu go bhfuil síneadh ceithre bliana eile le cur leis an Scéim Abhaile.
Tá sé cruthaithe go bhfuil an scéim ríthábhachtach maidir le tacaíocht a thabhairt do theaghlaigh a bhfuil riaráistí morgáiste tromchúiseacha nó fadtéarmacha acu agus atá i mbaol a dtithe a chailleadh.
Táimid i mbun earcaíochta i láthair na huaire do Phríomhoifigeach san Innealtóireacht Bogearraí. Tá iarratais ar oscailt ón Déardaoin an 20 Iúil 2023 agus is é an dáta deiridh Dé hAoine an 11 Lúnasa 2023. Breis eolais le fáil ar leathanach na nGairmeacha Beatha anseo.
D'óstáil an tAire Coimirce Sóisialaí, Heather Humphreys, Fóram Réamhbhuiséid bliantúil na Roinne inniu a thug deis thábhachtach do ghrúpaí pobail agus deonacha, d’ionadaithe ceardchumainn agus fostóirí ceisteanna beartais a phlé agus a gcuid tuairimí a chur i láthair ar an mBuiséad atá le teacht.
Dúnadh Oifig an Phoist Chill Díoma, Co. Luimnigh Dé Céadaoin an 12 Iúil 2023. Aistríodh d'íocaíocht leasa shóisialaigh chuig Oifig an Phoist Phailís Chaonraí .
Is féidir le custaiméirí ar mian leo Oifig Phoist eile a úsáid é sin a dhéanamh ach iarratas a dhéanamh chuig oifig scéime na Roinne ábhartha.
Cuireadh ar an eolas sinn faoi chustaiméirí a fuair teachtaireachtaí téacs le déanaí inar maíodh iontu go calaoiseach gur ón roinn a tháinig siad.
Is minic a iarrtar ar chustaiméirí sna teachtaireachtaí seo, nasc a oscailt chun faisnéis phearsanta a chur ar fáil nó chun sonraí a dheimhniú.
Ba mhaith linn a mheabhrú don phobal nach n-iarraimid an cineál sin sonraí ar chustaiméirí trí theachtaireachtaí téacs.
D'oscail an tAire Coimirce Sóisialaí, an TD Heather Humphreys, ár nIonad Intreo nua in Inis Córthaidh, Co. Loch Garman go hoifigiúil inniu.
Feidhmeoidh an tsaoráid Intreo mar ‘ionad ilfhreastail’ ina dtabharfar le chéile seirbhísí fostaíochta agus tacaíochta a bhí á gcur ar fáil i dtrí ionad éagsúla go dtí seo.
I measc na seirbhísí a bheidh ar fáil ón oifig nua beidh:
Tá Comhairliúchán Poiblí ar Athbhreithniú na Scéime Fóirdheontais Pá ar oscailt anois. Is é Dé hAoine an 21 Iúil 2023 ag 5pm an spriocdháta don aighneacht. Is féidir leat tuilleadh eolais a léamh anseo.
Tá Comhairliúchán Poiblí ar Athbhreithniú na Scéime Sóisialta Tuaithe oscailte anois. Is é an dáta deiridh le haghaidh aighneachtaí ná Dé hAoine 30 Meitheamh 2023 ag 5pm. Is féidir leat tuilleadh eolais a léamh anseo.
Tá sé deimhnithe ag an Aire Coimirce Sóisialaí, Heather Humphreys, go bhfuil foireann thiomanta ón Roinn Coimirce Sóisialaí á cur i bhfeidhm chun tacaíochtaí a chur ar fáil d’oibrithe Mianaigh na Teamhrach agus a dteaghlaigh.
Tá Comhairliúchán Poiblí ar Athbhreithniú na Scéime Sóisialta Tuaithe oscailte anois. Is é an dáta deiridh le haghaidh aighneachtaí ná Dé hAoine 16 Meitheamh 2023 ag 5pm. Is féidir leat tuilleadh eolais a léamh anseo.
D’oscail an tAire Coimirce Sóisialaí, Heather Humphreys, iarratais inniu don Liúntas Éadaí agus Coisbhirt chun Filleadh ar an Scoil 2023, a ardaíodh i mbliana mar léiriú ar na dúshláin leanúnacha Costais Maireachtála.
Tá sé fógartha ag an Aire Coimirce Sóisialaí, Heather Humphreys, go n-íocfar €100 breise in aghaidh an linbh in íocaíochtaí Sochar Linbh inniu chun tacú le 650,000 teaghlach le Costas Maireachtála.
Foilsíodh na haighneachtaí a chuir daoine aonair, eagraíochtaí agus ranna isteach don chomhairliúchán poiblí ar an Treochlár um Chuimsiú Sóisialta: Léirmheas Meántéarma agus is féidir iad a fháil anseo.
Tá sé fógartha ag an Aire Coimirce Sóisialaí, Heather Humphreys, go n-íocfar Deontas Tacaíochta Cúramóra de €1,850 le 125,000 cúramóir ar fud na tíre.
D’fhógair an tAire Coimirce Sóisialaí, Heather Humphreys, agus an tAire Stáit, Joe O’Brien, ardú pá 5% do mhaoirseoirí agus ceannairí foirne Scéimeanna Tacaíochta Fostaíochta lena n-áirítear:
Is Lá Saoire Bainc é Dé Luain an 5 Meitheamh agus, dá bhrí sin, íocfar mórchuid na n-íocaíochtaí leasa shóisialaigh a bhí le híoc Dé Luain an 5 Meitheamh ar an Aoine an 2 Meitheamh ina ionad sin.
Beidh gach Ionad Intreo agus Oifig Brainse dúnta Dé Luain an 5 Meitheamh toisc gur Lá Saoire Bainc a bheidh ann. Athosclóidh Ionaid Intreo agus Oifigí Brainse Dé Máirt an 6 Meitheamh.
Thug an tAire Coimirce Sóisialaí Heather Humphreys aitheasc d’Fhóram Bliantúil na gCúramóirí a bhí ar siúl Dé Céadaoin 17 Bealtaine 2023 i dTeach an Chuntasóra Cairte, Sráid an Phiarsaigh.
Is é cuspóir an Fhóraim ná guth a thabhairt do chúramóirí ag leibhéal beartais. Tugann sé deis freisin le haghaidh rannpháirtíochta idir oifigigh agus daoine a bhfuil fadhbanna cúraim phearsanta acu.
Tá sé fógartha ag an Aire Coimirce Sóisialaí Heather Humphreys go bhfuil sí ag lorg léirithe spéise ó gach Bunscoil ar fud na hÉireann a bhfuil suim acu páirt a ghlacadh i gClár na mBéilí Scoile Te.
Cabhróidh na freagraí a gheofar le heolas a chur ar fáil do bheartas chun an clár a leathnú amach anseo.
Inniu d’eisigh an An Phríomh-Oifig Staidrimh na sonraí míosúla dífhostaíochta d’Aibreán, atá ag an leibhéal is ísle a chonacthas le 22 bliain ó Aibreán 2001 i leith ag 3.9%. Cuireann sé seo leis an Suirbhé ar an Lucht Saothair is déanaí (R4, 2022) a thuairiscigh go bhfuil níos mó ná 2.57 milliún duine fostaithe sa Stát anois, an líon is airde a taifeadadh ó thosaigh an tsraith i 1998.
D'fhógair an tAire Coimirce Sóisialaí, Heather Humphreys TD, sraith d'athchóirithe suntasacha ar an gcóras ina ndéantar breitheanna agus básanna a chlárú.
Leis an mBille nua:
Íocadh íocaíocht bónais costais maireachtála an Earraigh le daoine incháilithe an tseachtain seo.
Íocaíocht bónais bhreise de €200 a bhí ann a íocadh le thart ar 1.25 milliún custaiméir incháilithe, mar aon lena ngnáthíocaíocht sheachtainiúil leasa shóisialaigh.
Íocadh an íocaíocht costais maireachtála iomlán de €200, ach tá an Roinn ar an eolas gur tharla sé i líon beag cásanna (timpeall 1% d'íocaithe) gur cuireadh dochar díreach a comhaontaíodh tríd an gcóras um Bhuiséad Teaghlaigh de chuid An Post san áireamh san íocaíocht bónais agus gur cuireadh iad san áireamh i ngnáthíocaíocht sheachtainiúil duine chomh maith.
Tá an Roinn ag obair le An Post, na húdaráis áitiúla agus na cumainn tithíochta chun na daoine lena mbaineann a shainaithint. I gcásanna inar asbhaineadh cíos, táimid ag obair chun an méid a asbhaineadh a fháil ar ais agus chun aisíoc a shocrú do na custaiméirí lena mbaineann.
Maidir le hasbhaintí eile de chuid An Post, gheobhaidh custaiméirí sochar ar luach iomlán na híocaíochta trí mhéadú a fháil ar iarmhéid a gcuntas comhar creidmheasa nó trí laghdú a fháil ar fhuílligh ar bhillí teaghlaigh atá le híoc.
Tá sé i gceist ag an Roinn go dtabharfar aisíoc i leith cíosa do chustaiméirí tráth nach déanaí ná deireadh mhí na Bealtaine.
D'aithin an tAire Coimirce Sóisialaí, Heather Humphreys TD, na spriocanna tábhachtacha a baineadh amach ar sheirbhísí ar líne na Roinne inniu. Rinneadh níos mó ná 10 milliún idirbheart ar MyWelfare, chomh maith le 20 milliún idirbheart ar thairseach na gComhpháirtithe Leasa ag comhpháirtithe gnó.
I bhformhór na gcásanna, tá an beidh íocaíocht bhónais chostais mhaireachtála san áireamh sna gnáthíocaíochtaí seachtainiúla leasa shóisialaigh an tseachtain seo.
I gcásanna áirithe, déanfar dhá íocaíocht:
Sna cásanna seo, áireofar sa ghnáthíocaíocht sheachtainiúil agus san íocaíocht bhónais chostais mhaireachtála aon asbhaint a d’aontaigh tú léi roimhe seo, mar:
Is Lá Saoire Bainc é Dé Luain 1 Bealtaine agus mar thoradh air sin íocfar an chuid is mó d’íocaíochtaí leasa shóisialaigh atá le híoc ar an Luan 1 Bealtaine anois Dé hAoine 28 Aibreán ina ionad sin.
Beidh gach Ionad Intreo agus Oifigí Craoibhe dúnta Dé Luain 1 Bealtaine mar gheall ar an Saoire Bainc. Athosclóidh Ionaid Intreo agus Oifigí Brainse Dé Máirt 2 Bealtaine.
Beidh Seachtain na hOibre Tógála agus Scileanna 2023 ar siúl ón 5 -12 Bealtaine 2023. Reáchtálfaidh an Roinn Coimirce Sóisialaí sraith imeachtaí ag ionaid éagsúla ar fud na tíre. Cuirfidh na himeachtaí seo deiseanna ar fáil chun tuilleadh eolais a fháil agus iarratas a dhéanamh ar fholúntais atá ar fáil sna hearnálacha tógála agus gaolmhara.
Tá an cheist réitithe ag MyGovID anois. Gabhaimid leithscéal as aon mhíchaoithiúlacht dá bharr.
Tá fadhb theicniúil ag MyGovID faoi láthair a chiallaíonn go mb’fhéidir nach bhfaighidh tú cód chuig d’fhón póca agus tú ag fíorú cuntais nó ag baint úsáid as cuntas fíoraithe.
Táimid ar an eolas faoin bhfadhb seo agus táimid á fiosrú. Postálfaimid an t-eolas is déanaí nuair a bheidh an fhadhb réitithe.
Ba mhaith linn ár leithscéal a ghabháil as aon mhíchaoithiúlacht.
Táimid ar an eolas faoi théacsanna calaoiseacha a mhaíonn gur ón Roinn iad. Lorgóidh na téacsanna seo faisnéis phearsanta uaireanta nó iarrfaidh siad ort sonraí a fhíorú, mar shampla, le haghaidh Íocaíochtaí Costas Maireachtála.
Ní iarrann foireann an RCS sonraí dá leithéid i dtéacs riamh.
Má fhaigheann tú téacs ag éileamh gur ón Roinn é, ná tabhair freagra air agus ná roinn aon chuid de d’uimhir PSP, sonraí cuntais bainc nó aon fhaisnéis phearsanta eile.
Má tá aon sonraí bainc curtha ar fáil agat déan teagmháil le do bhanc láithreach le do thoil.
Má tá aon chuid de d’fhaisnéis phearsanta curtha ar fáil agat, déan teagmháil leis na Gardaí láithreach le do thoil.
Tá sé fógartha ag an Aire Coimirce Sóisialaí, Heather Humphreys TD, go n-íocfar cnapshuim de €200 mar thacaíocht leis an gcostas maireachtála le breis agus 1.3 milliún duine sa tseachtain dar tús Dé Luain 24 Aibreán.
Gheobhaidh daoine a n-íocaíocht chnapshuime €200 ar an lá céanna a fhaigheann siad a bpríomhíocaíocht de ghnáth. Is féidir an preasráiteas iomlán a léamh anseo.
Tá an Comhairliúchán Poiblí ar Athruithe Tábhachtacha ar na Rialacháin um Achomhairc Leasa Shóisialaigh oscailte anois. Is é an dáta deiridh le haghaidh aighneachtaí ná Dé hAoine 19 Bealtaine 2023 ag 5pm. Is féidir leat tuilleadh eolais a léamh anseo.
Tá rialacháin nua sínithe ag an Aire Coimirce Sóisialaí, Heather Humphreys TD, a chinnteoidh go n-íocfar Liúntas Cúraim Baile i leith leanaí a fhanann san ospidéal tar éis a mbreithe.
Is féidir leat iarratas a dhéanamh anois ar Íocaíocht ar Riachtanais Bhreise ar líne ag MyWelfare.ie
Inniu, d'fhógair an tAire Coimirce Sóisialaí, Heather Humphreys TD, pleananna móra maidir le Clár na mBéilí Teo a chur i bhfeidhm i ngach Bunscoil in Éirinn.
Seans go dtiocfaidh athrú ar dháta d'íocaíocht leasa shóisialaigh le linn shaoire na Cásca.
Beidh gach Ionad Intreo agus Oifig Brainse dúnta Aoine an Chéasta, 7 Aibreán agus Luan Cásca, 10 Aibreán 2023. Osclóidh na hoifigí go léir arís mar is gnách Dé Máirt an 11 Aibreán 2023. Cliceáil anseo, le do thoil, le haghaidh na sonraí ar fad maidir le huaireanta oscailte
Táimid ag iarraidh Measúnóir Leighis a earcú anois. Is féidir iarratas a chur isteach ó Dé Luain an 27 Márta 2023 ar aghaidh (agus is é an dáta deiridh Dé hAoine an 14 Aibreán 2023) ar phost mar Mheasúnóir Leighis sa Roinn Coimirce Sóisialaí. Breis eolais le fáil ar Leathanach na nGairmeacha Beatha anseo.
Inniu, d'fhógair an tAire Coimirce Sóisialaí, Heather Humphreys TD, agus an tAire Stáit, Joe O’Brien TD, sraith feabhsuithe ar Scéimeanna Fostaíochta Pobail (FP).
Tá ról lárnach ag Scéimeanna FP i bpobail tuaithe agus uirbeacha araon maidir le tacaíocht a thabhairt do dhaoine atá ag lorg fostaíochta.
Tá 835 Scéim FP timpeall na tíre a chuireann réimse leathan seirbhísí pobail ar fáil, ach go háirithe i gceantair atá faoi mhíbhuntáiste.
Tá Poist Oifigeach Cléireachais Sealadacha i nDún na nGall á n-earcú againn faoi láthair. Osclófar iarratais Dé Luain an 20 Márta 2023 agus is é an dáta deiridh ná Dé hAoine an 7 Aibreán 2023.
Tá na deacrachtaí teicniúla lenár seirbhís teileafóin réitithe anois. Mar sin féin, tá líon glaonna
an-ard ag ár nIonaid Teagmhála go léir, le hamanna feithimh i bhfad níos faide ná mar is gnách. Ba mhaith linn ár leithscéal a ghabháil as aon mhíchaoithiúlacht.
Tá deacrachtaí teicniúla suntasacha againn lenár seirbhís teileafóin faoi láthair. Mar thoradh air sin, tá laghdú suntasach tagtha ar ár gcumas glaonna a fhreagairt. Táimid ag obair chun an fhadhb a réiteach chomh tapa agus is féidir agus gabhaimid ár leithscéal as aon mhíchaoithiúlacht.
Is Lá Saoire Poiblí é Aoine an 17 Márta agus dá bharr sin íocfar an chuid is mó íocaíochtaí leasa shóisialaigh a bhí le híoc ar an Aoine an 17 Márta ar an Déardaoin an 16 Márta ina ionad sin.
Dúnfar na hIonaid Intreo agus na hOifigí Brainse go léir ar an Aoine an 17 Márta mar gheall ar an Lá Saoire Poiblí. Osclóidh na hIonaid Intreo agus na hOifigí Brainse arís ar an Luan an 20 Márta.
Tá Cuardaitheoirí Poist Ócáideacha á gcur ar an eolas faoin athrú sna socruithe. Beidh tuilleadh eolais le fáil faoi na socruithe ar Leathanach Baile MyWelfare (mywelfare.ie).
I gcás fíoréigeandáil (mar shampla, réadmhaoin a ndearnadh damáiste di ó adhaimsir nó ó thine tí) a tharlaíonn ar na laethanta a dhúnann ár n-Ionaid Intreo agus ár n-Oifigí Brainse thar dheireadh seachtaine na Féile Pádraig, tá sonraí faoin gcaoi ar féidir teagmháil a dhéanamh leis na Seirbhísí Leasa Pobail (SLP) thíos:
Taobh amuigh de na huaireanta seo déan teagmháil le:
Beidh ár n-oifigí agus ár líne fóin SLP ainmnithe (0818 60 70 80) ar oscailt arís ar an Luan an 20 Márta ag 9.15am.
Is é an dáta deiridh le haghaidh aighneachtaí don Chomhairliúchán Poiblí ar Shochar Pá-Choibhneasa do Chuardaitheoirí Poist ná amárach, Dé Máirt 28 Feabhra 2023 ag 5pm. Is féidir leat tuilleadh eolais a léamh anseo.
Tá an Comhairliúchán Poiblí ar Straitéis Bealaí chun Oibre 2021 – 2025 oscailte anois. Is é an dáta deiridh le haghaidh aighneachtaí ná Dé hAoine an 31 Márta 2023 ag 5pm. Is féidir leat tuilleadh eolais a léamh anseo.
Is Lá Saoire Bainc é Dé Luain, 6 Feabhra agus mar thoradh air sin, is ar an a íocfar aon íocaíochtaí Leasa Shóisialaigh atá le bheith i do chuntas ar an 6 Feabhra Dé hAoine 3 Feabhra . Íocfar íocaíochtaí mar is gnách ar an 7 Feabhra
Dúnfar gach Ionaid Intreo agus Oifigí Brainse ar Lá Saoire Bainc Dé Luain an 6 Feabhra. Osclófar Ionaid Intreo agus Oifigí Brainse arís ar an Dé Máirt 7 Feabhra.
Leathnaíodh na tréimhsí éaga ina raibh daoine in ann a gcuid íocaíochtaí leasa shóisialaigh a bhailiú in oifigí poist mar bheart eisceachtúil i gcomhthéacs na srianta a bhain le COVID-19. Agus na srianta sin laghdaithe anois, tá gnáthsheirbhísí ag tosú arís.
Ón 1 Feabhra 2023 ar aghaidh, ní mór duit d'íocaíocht leasa shóisialaigh a bhailiú ó oifig an phoist ar lá na híocaíochta lena chinntiú go bhfaighidh tú an íocaíocht in am. Leagtar amach na scéimeanna iomchuí agus na dátaí íocaíochta a ghabhann leo sa chlár seo thíos:
| Íocaíocht leasa shóisialaigh | Lá na híocaíochta (mura luaitear a mhalairt) |
| Cúnamh Feirme | Gach Máirt |
| Liúntas Cuardaitheora Poist | Gach Máirt |
| Sochar Cuardaitheora Poist | Gach Céadaoin |
| Sochar Cuardaitheora Poist do Dhaoine Féinfhostaithe | Gach Céadaoin |
| Íocaíocht Idirthréimhseach do Chuardaitheoirí Poist | Gach Déardaoin |
| Scéim Dreasachta Poist Pháirtaimseartha | Gach Aoine |
| Íocaíocht Teaghlaigh Aontuismitheora | Gach Déardaoin |
Mura bhfuil tú in ann d'íocaíocht a bhailiú ó oifig an phoist, déan teagmháil le d' Ionad Intreo nó leis an Oifig Brainse le do thoil.
Tá teacht ar fhoirm ar líne anois ar féidir í a chomhlánú má tá amhras ann go bhfuil calaois leasa shóisialaigh ar siúl.
Glactar le tuairiscí gan ainm ach an nasc seo a leanúint.
Tá an chothabháil riachtanach a rinneadh ar MyGovID críochnaithe anois.
Is féidir le custaiméirí cuntas bunúsach MyGovID a chruthú ar líne arís.
Tá cothabháil riachtanach á déanamh faoi láthair ar MyGovID go dtí an 3 Eanáir 2023, rud a chiallaíonn nach mbeifear in ann bunchuntais nua MyGovID a chruthú le linn na tréimhse sin. Mura bhfuil cuntas fíoraithe MyGovID agat, beidh tionchar aige seo ar an gcaoi ar féidir leat iarratas a dhéanamh ar thacaíochtaí leasa shóisialaigh ar líne. Ba mhaith linn ár leithscéal a ghabháil as aon mhíchaoithiúlacht.
D'fhógair an tAire Coimirce Sóisialta, Heather Humphreys TD, inniu gur shínigh Uachtarán na hÉireann Micheál D. Ó hUigínn an Bille Leasa Shóisialaigh 2022.
Tugann an bille níos mó ná €1 billiún isteach i bhfeabhsúcháin Leasa Shóisialaigh i 2023.
Is é an pacáiste Buiséid Leasa Shóisialaigh an ceann is mó i stair an Stáit agus soláthraíonn sé do raon tacaíochtaí do phinsinéirí, do chúramóirí, do dhaoine faoi mhíchumas agus do theaghlaigh ar ioncam íseal.
Díolúintí méadaithe tuillimh á bhfógairt ag an Aire Humphreys do Liúntas Míchumais agus do Phinsean na nDall.
Inniu, d'fhoilsigh an tAire Coimirce Sóisialaí, Heather Humphreys TD, an chéad Tuarascáil Bhliantúil ar Dhul Chun Cinn maidir le Bealaí chun Oibre 2021-2025.
Is í seo an chéad tuarascáil bhliantúil ar dhul chun cinn atá curtha ar fáil ag an gComhairle Chomhairleach don Mhargadh Saothair - grúpa de cheannairí tionscail, saineolaithe ceardchumainn agus saineolaithe mhargadh an tsaothair atá freagrach as maoirseacht sheachtrach a dhéanamh ar an straitéis.
Tá maoiniú de bheagnach €700,000 fógartha inniu ag an Aire Coimirce Sóisialaí, Heather Humphreys TD, chun tacú le Cúramóirí Teaghlaigh ar fud na tíre.
Tá an Comhairliúchán Poiblí ar Shochar Pá-Choibhneasa do Chuardaitheoirí Poist oscailte anois. Is é an dáta deiridh le haghaidh aighneachtaí ná Dé Máirt 28 Feabhra 2023 ag 5pm. Is féidir leat tuilleadh eolais a léamh anseo.
D’fhógair an tAire Coimirce Sóisialaí, Heather Humphreys TD, inniu go n-osclófar iarratas nua ar líne don scéim Liúntas Breosla.
Tacóidh an córas nua leis an leathnú is mó a rinneadh riamh ar an Scéim Liúntais Bhreosla, scéim a bhfuiltear ag súil uaithi go mbeidh os cionn 80,000 teaghlach breise incháilithe den chéad uair d'íocaíocht.
Tá Bónas Nollag na bliana seo leathnaithe dóibh siúd atá ag fáil Sochar Breoiteachta ar feadh 12 mhí nó níos faide.
Más faighteoir Sochar Breoiteachta fadtéarmach tú, gheobhaidh tú do Bhónas Nollag idir Dé Máirt 6 Nollaig 2022 agus Dé hAoine 23 Nollaig 2022.
Tá faomhadh Rialtais faighte ag an Aire Coimirce Sóisialaí agus ag an Aire Dlí agus Cirt, Heather Humphreys TD, le síneadh a chur leis an Scéim Abhaile go dtí deireadh 2023.
Tá eolas ar shocruithe íocaíochta leasa shóisialaigh na Nollag agus na hAthbhliana agus maidir le Bónas na Nollag ar fáil anois. Item was unpublished or removed
Tá íocaíocht cnapshuime de €500 fógartha ag an Aire Coimirce Sóisialaí, Heather Humphreys TD, a íocfar an tseachtain seo chun tacú le breis agus 114,500 Cúramóir le Costas Maireachtála.
D’fhoilsigh an tAire Coimirce Sóisialaí, Heather Humphreys TD, agus an tAire Dlí agus Cirt, Helen McEntee TD, Tuarascáil an Ghrúpa Athbhreithnithe Cothabhála Leanaí inniu.
Inniu, d’fhógair an tAire Coimirce Sóisialaí, Heather Humphreys TD, agus an tAire Caiteachais Phoiblí agus Athchóirithe, Michael McGrath TD, sonraí maidir le 4 íocaíocht chnapshuime ar leith a íocfar an tseachtain seo. Bainfidh daoine aosta, teaghlaigh i bhfostaíocht agus daoine faoi mhíchumas leas as na híocaíochtaí. Ar an iomlán bainfidh breis is 865,000 duine leas as íocaíochtaí Costas Maireachtála na seachtaine seo.
Tá sé deimhnithe ag Banc Uladh go bhfuil siad ag tosú ar roinnt cuntas reatha agus taisce a reo ó Dé hAoine 11 Samhain 2022.
Má tá tú fós ag fáil íocaíocht leasa shóisialaigh isteach i gcuntas Bainc Uladh déan teagmháil linn le do thoil, le do chuid sonraí íocaíochta a athrú chomh luath agus is féidir. Is é an bealach is tapúla agus is éasca chun do shonraí a athrú ná ag MyWelfare.ie. Má théann na dúnta seo i bhfeidhm ort is féidir leat teagmháil a dhéanamh le raon na scéime chun d’íocaíocht a fháil.
Má tá ceisteanna agat maidir le do chuntas le Banc Uladh, féadfaidh tú teagmháil a dhéanamh le Banc Uladh ar 0818 210 260 nó 00353 1804 7475 má tá tú ag glaoch ó thar lear.
Chun ábhar a chuardach ar sheanláithreán gréasáin na Roinne, cliceáil anseo le do thoil.
Tá a Ráiteas Príobháideachta nuashonraithe ag an Roinn anseo chun faisnéis a chur i láthair i sraith leathnaithe ceannteideal agus chun faisnéis bhreise a sholáthar chun aghaidh a thabhairt ar na heasnaimh sa Ráiteas Príobháideachta roimhe seo mar a shainaithin an Coimisinéir Cosanta Sonraí (CCS) maidir le próiseáil sonraí pearsanta lena n-áirítear maidir le fíordheimhniú céannachta (clárú SAFE 2) agus an Cárta Seirbhísí Poiblí (CSP).