Nuacht
Tá an tAire Sláinte, Simon Harris TD, tar éis an duine ag seo thíos a cheapadh mar bhall de chuid Bhord Clárúcháin na nOibrithe Sóisialacha
Foilsithe
An t-eolas is déanaí
Foilsithe
An t-eolas is déanaí
Tá an tAire Sláinte, Simon Harris TD, tar éis an duine ag seo thíos a cheapadh mar bhall de chuid Bhord Clárúcháin na nOibrithe Sóisialacha, tar éis do chláraithe na gairme sin í a thoghadh, le héifeacht ón 30 Lúnasa 2018 go dtí an 4 Lúnasa 2022:
Tá an Gabrielle Fitzpatrick ag cleachtadh mar oibrí sóisialta gairmiúil le breis agus 25 bliain sa mheabhairshláinte, san altramú/uchtáil, san obair shóisialta leighis, i réimse an andúil agus sna Seirbhísí Sláinte Meabhrach Leanaí agus Déagóirí (CAMHS). Tá baint aici freisin leis an abhcóideacht i réimsí chearta an duine, ceartas sóisialta, easpa dídine agus gach gné de riachtanais na gcliant / an teaghlaigh.
Bhain Gabrielle Fitzpatrick céim amach ó Choláiste na hOllscoile, Baile Átha Cliath nuair a fuair sí céim Bhaitsiléara Eolaíochta Sóisialta. Tá Máistreacht aici san Obair Shóisialta ó Ollscoil na Banríona, Béal Feirste, agus Dioplóma Iarchéime i Staidéar Andúile ó Choláiste na Tríonóide, Baile Átha Cliath. Mar chuid de na Cláir Chliniciúla Náisiúnta sa Mheabhairshláinte, thug sí faoi oiliúint sa teiripe teaghlaigh iompraíochta, ag speisialú sa tsíceóis luath-idirghabhála.
Tá sí Fitzpatrick ina comhalta de chuid Chumann Oibrithe Sóisialta na hÉireann (IASW) agus den ghrúpa sainspéise atá nasctha leis an IASW; Oibrithe Sóisialta agus Meabhairshláinte Daoine Lánfásta (SWAMH). Sa cháil seo, tá baint aici le heagrú imeachtaí um fhorbairt ghairmiúil leanúnach lena n-áirítear seimineár a tionóladh i mí Aibreáin i mbliana, dar teideal “Idirghabhálacha Síceasóisialta in Obair Shóisialta - Ár Scileanna Teiripeach a Chur Chun Cinn”. Tá sí ag obair faoi láthair ar sheimineár atá beartaithe le bheith curtha ar siúl i mí na Samhna 2018, “Machnamh criticiúil ar an Acht Meabhairshláinte -17 mbliana ina dhiaidh”, i gcomhar le Cumann Aturnaetha Sláinte Meabhrach na hÉireann.