Conas cinneadh faoi d’éileamh leasa shóisialaigh a achomharc

Conas achomharc a dhéanamh in aghaidh chinnidh faoi d’éileamh leasa shóisialaigh

Oifig de chuid na Roinne Coimirce Sóisialaí is ea Oifig na nAchomharc Leasa Shóisialaigh atá freagrach as achomhairc a dhéantar i gcoinne cinntí maidir le teidlíochtaí leasa shóisialaigh. Tá sé mar aidhm aige seirbhís achomharc neamhspleách, inrochtana agus cothrom a sholáthar maidir le teidlíocht ar íocaíochtaí leasa shóisialaigh agus an tseirbhís sin a sheachadadh ar bhealach pras agus cúirtéiseach.

Tá na hOifigigh Achomhairc neamhspleách maidir lena bhfeidhmeanna cinnteoireachta.

Má chuir tú iarratas isteach ar aon cheann de na scéimeanna ar an liosta seo, agus má fuair tú cinneadh ón Roinn Coimirce Sóisialaí a cheapann tú a bheith mícheart, is féidir leat achomharc a dhéanamh chuig an Oifig Achomhairc Leasa Shóisialaigh.

Is ar líne an bealach is éasca agus is tapúla chun d’achomharc a dhéanamh ar Déan Achomharc ar MoLeas nuair atá cuntas MyGovID fíoraithe agat.

Má tá litir chinnidh faighte agat ón roinn a thugann ceart achomhairc duit, ach nach rogha atá ar fáil duit ar MyWelfare, íoslódáil foirm achomhairc (thíos) ar a dtugtar foirm SWAO1 le do thoil.

Cliceáil “form print to postáil” agus postáil chuig::

An Oifig Achomhairc Leasa Shóisialaigh, Teach D’Olier, Sráid D’Olier, Baile Átha Cliath , D02 XY31.

Déan teagmháil linn má theastaíonn leagan eile den fhoirm seo uait.

Uimhir Ghutháin: 0818 747434 / 01 6732800

Ní féidir leat achomharc a dhéanamh ar na scéimeanna ar an liosta seo.

Ba chóir duit d’ainm, do sheoladh agus d’uimhir Phearsanta Seirbhíse Poiblí (PSP) a lua agus an méid seo a leanas a chur faoi iamh:

• cóip den chinneadh a bhfuair tú ón réimse scéime a bhfuil achomharc á dhéanamh agat ina leith
• na cúiseanna a cheapann tú go bhfuil cinneadh na Roinne mícheart
• aon fhianaise ábhartha a cheapann tú a thacaíonn le d’achomharc

Tábhachtach: Más mian leat aon eolais nó cóipeanna de dhoiciméid a bhí in úsáid ag an Roinn chun teacht ar an gcinneadh, déan teagmháil leis an réimse scéime ] ábhartha [external-link https://www.gov.ie/ga/bailiuchan/03be9-sceimeanna-agus-seirbhisi/? |den Roinn Coimirce Sóisialaí.

Ní mór achomhairc a chur isteach laistigh de 21 lá ó dháta na litreach ina dtugtar an cinneadh ar mian leat achomharc a dhéanamh ina leith. Féadfar glacadh le hachomharc a dhéanfar tar éis na tréimhse sin le ceadú ó Phríomh-Oifigeach na nAchomharc.

Tabharfaidh Príomh-Oifigeach na nAchomharc aird ar na cúiseanna agus na fáthanna atá leis an moill, chomh maith leis an bhfad ama atá imithe ó cuireadh cinneadh an Oifigigh Bhreithiúnachta/an Duine Ainmnithe in iúl agus an fógra achomhairc.

Tabhair faoi deara, má tá athbhreithniú ar leithligh á iarraidh agat ar an gcinneadh leis an réimse scéime go díreach , ní chaithfidh tú fanacht ar thoradh an athbhreithnithe chun achomharc a dhéanamh toisc gur iarrataí éagsúla iad.

Tuilleadh eolais faoin bpróiseas achomhairc anseo.

Má chuir tú iarratas isteach ar aon cheann de na scéimeanna ar an liosta thíos, is féidir leat achomharc a dhéanamh chuig an Oifig Achomhairc Leasa Shóisialaigh.

Pinsin

• Sochar Báis
• Pinsean Stáit (Ranníocach)
• Pinsean Stáit (Neamh-ranníocach)
• Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
• Pinsean Baintrí, Baintrí Fir nó Páirtnéara Shibhialta Mharthanaigh (Neamh-ranníocach)

Tacaí Ioncaim & Fostaíochta Do Dhaoine In Aois Oibre

• Sochar Uchtaíoch
• Íocaíocht Sochair do Dhaoine atá 65 Bliana d’Aois
• Liúntas Banchéile Thréigthe
• Sochar Banchéile Thréigthe
• Cúnamh Feirme
• Cúramaithe Baile
• Sochar Cuardaitheora Poist do Dhaoine Féinfhostaithe
• Íocaíocht Idirthréimhseach do Chuardaitheoirí Poist
• Liúntas Cuardaitheora Poist
• Sochar Cuardaitheora Poist
• Sochar Máithreachais
• Íocaíocht Teaghlaigh Aontuismitheora
• Íocaíocht Dífhostaíochta Paindéime (le haghaidh cinntí ón 05/08/20 ar aghaidh)
• Sochar do Thuismitheoirí
• Sochar Cumais Pháirtigh
• Sochar Atharthachta
• Liúntais Leasa Fhorlíontaigh (Forlíonadh Cíosa san áireamh)
• Sochair Cóireála

Breoiteacht, Míchumas agus Cúramóirí

• Pinsean na nDall
• Deontas Tacaíochta Cúramóra
• Liúntas Cúramóra
• Sochar Cúramóra
• Liúntas Míchumais
• Sochar Míthreorach
• Liúntas Cúraim Baile
• Sochar Breoiteachta
• Sochar Breoiteachta Feabhsaithe le haghaidh COVID 19
• Forlíonadh Éagumais
• Sochar Díobhála
• Pinsean Easláine
• Cúram Leighis

Leanaí

• An Díbhinn Teaghlaigh um Fhilleadh ar an Obair
• Sochar Linbh
• Íocaíocht Caomhnóra (Ranníocach)
• Íocaíocht Caomhnóra (Neamh-ranníocach)
• Deontas do Thuismitheoir ar Baintreach (Fir) é/í
• Íocaíocht Teaghlaigh i bhFostaíocht

Eile

• An Aicme Árachais Sóisialach Pá-Choibhneasa atá Iníoctha
• Teidlíocht chun bheith i do Ranníocóir Deonach
• Inárachas Fostaíochta (Féinfhostaíocht san áireamh)
• Gaolta faoi Dhliteanas
• Sochair & Cúnamh In-aisghabhála

• Liúntas Éadaí agus Coisbhirt don Scoilbhliain Nua
• Scéimeanna um Fhilleadh ar an Obair
• Creidmheasanna (Dámhachtain)
• Scéim Saorthaistil
• Sochair Teaghlaigh
• Liúntas Breosla
• Buiséadú Teaghlaigh
• Ró-íocaíocht (aisghabháil faoin gCód Cleachtais)
• Dreasacht Poist Pháirtaimseartha
• Aisíocaíochtaí ÁSPC
• Béilí Scoile
• Liúntas um Fhilleadh ar Oideachas
• Seirbhísí Leasa Pobail
• SDOG (An Roinn Oideachais)
• Liúntas Leasa Forlíontach agus Íocaíochtaí i leith Riachtanais Eisceachtúla agus Práinneacha.