Áras Ceoldrama Loch Garman

Thosaigh an tionscadal seo in 2003 nuair a iarradh ar an OOP athbhreithniú a dhéanamh ar na roghanna chun athchóiriú a dhéanamh ar an Amharclann Ríoga (Theatre Royal), an áit ina bhfuil Féile Ceoldráma Loch Garman a bhfuil clú uirthi ar fud an domhain. Bhí an riocht ina raibh an amharclann ag éirí níos measa agus bhí na háiseanna cúngaithe don lucht féachana agus do na taibheoirí. Bhí sé ag feidhmiú faoi lánacmhainneacht do na naoi bhféile a bhí ann roimhe sin, agus bhí gá le méadú san acmhainneacht le go mbeadh an Fhéile in ann leanúint ar aghaidh agus forbairt a dhéanamh. Léirigh staidéir féidearthachta luatha den OOP gurbh é an rogha ab fhearr ná foirgneamh nua a thógáil agus bhí buiséad €30 milliún i gceist.

Bhí amchlár an tionscadail an-teann, ionas nach mbeadh ar eagraithe Fhéile Ceoldráma Loch Garman níos mó ná dhá fhéile bhliantúla a reáchtáil gan áitreabh dá gcuid féin acu. Rinne forbairt ar dhearadh thar an gcéad thréimhse seacht mí eile, agus cuireadh an conradh amach ar tairiscint i mí Aibreáin 2006.

Mar chomhartha de dheireadh ré, bhí an léiriú deiridh den Fhéile Ceoldráma sa sean-Amharclann Ríoga ar an 6 Samhain 2005, agus glanadh an foirgneamh amach le leagan síos an tseachtain dár gcionn. Trí lá i ndiaidh don fhoireann seandálaíochta imeacht ón láthair tugadh í don chonraitheoir tógála, Cleary Doyle Contracting, i mí Iúil 2006. Críochnaíodh an foirgneamh taobh istigh den tréimhse ama de dhá bhliain agus tugadh ar ais é ar 1 Lúnasa 2008. Lean rannpháirtíocht an OPW, go príomha tríd an rannóg Mheicniúil & Leicreach (M&E) de na Seirbhísí Innealtóireachta, agus rinneadh suiteálacha casta a choimisiúnú thar an gcéad chúpla mí eile. Go luath i mí Mheán Fómhair 2008, tháinig taibheoirí, stiúrthóirí, dearthóirí agus foirne teicniúla Fhéile Ceoldráma Loch Garman chun cleachtadh don Fhéile 2008.

D'oscail an tIar-Thaoiseach Brian Cowan, TD, Áras Ceoldráma Loch Garman, ar an 5 Meán Fómhair 2008, agus comóradh an ócáid trí The Late Late Show de chuid RTÉ a chraoladh ann, a tharraing aird an náisiúin ar an sócmhainn chultúrtha leitheach seo a fuair maoiniú poiblí.

Is é atá i gceist leis an bhfoirgneamh ná an chéad áras ceoldráma nua-aoiseach saintógtha in Éirinn. Tá halla éisteachta ann do 780 duine, spás léirithe "bosca dubh" atá ilfheidhmeach do 170 duine agus roinnt spásanna cleachtaidh. Tá dhá ardaitheoir claise ceolfhoirne dhá stór sa phríomh-halla, áit ar féidir cumraíochtaí éagsúla de léirithe a chur i gcrích. Leis na balcóiní traidisiúnta de chruth crú is féidir an lucht féachana ar na leibhéil atá níos airde a thabhairt níos gaire don ardán agus na ballaí ar na taobhanna a chlúdach ar an trí leibhéal.

Mar ionad ceoil ar leith, tá dromchlaí an halla éisteachta clúdaithe in adhmad gallchnó agus tá droichid de shoilse ag crochadh ón tsíleáil – mar mhacasamhail ar ábhair agus ceardaíocht téaduirlise ceoil.

Lasmuigh, tá an chuid is mó den fhoirgneamh i bhfolach taobh thiar d'aghaidh mórshráide, agus is é an t-aon ghné atá le feiceáil i bhfad ón láthair ná an túr ard thar an stáitse. Is é seo an críochchomhartha a léiríonn go bhfuil foirgneamh ar leith anseo. Tá sé clúdaithe le copar, ábhar atá bainteach le foirgnimh phobail i mbailte agus cathracha na hÉireann agus léiríonn an cruth atá air, ag oscailt agus ag teacht aníos i dtreo na spéire, ardmhianta na ngníomhaíochtaí ealaíonta laistigh.

Na hAiltirí

• Seirbhísí Ailtireachta an OOP i gcomhar le Keith Williams Architects tar éis na tréimhse cead pleanála

Comhairleoir Fuaime:

• Arup Acoustics

Comhairleoir Amharclainne:

• Carr & Angier

Innealtóirí M&E:

• Seirbhísí Innealtóireachta M&E an OOP

Suirbhéir Cainníochta:

• Nolan Ryan QS.