Ceilúrann Oifig na nOibreacha Poiblí Seachtain Náisiúnta Oidhreachta 2020

Tá mórtas ar Oifig na nOibreacha Poiblí (OPW) an gaol idir oidhreacht agus oideachas a cheiliúradh le linn na Seachtaine Náisiúnta Oidhreachta 15 - 23 Lúnasa.

Agus an samhradh ag druidim chun deiridh, spreagann OPW an pobal chun aithne a chur ar an réimse éagsúil láithreacha oidhreachta atá ar an tairseach againn. Is é téama na bliana seo ‘Oidhreacht agus Oideachas: Ag Foghlaim ón Oidhreacht againne.’ Tá raidhse imeachtaí ar líne agus roinnt imeachtaí ag Láithreacha Oidhreachta OPW. Cuidíonn an tSeachtain Náisiúnta Oidhreachta linn aithne a chur ar ár n-oidhreacht ón ré atá caite agus smaointe um thodhchaí inbhuanaithe a aimsiú.

Ag cur fáilte dó roimh chlár na seachtaine, dúirt Patrick O’Donovan, T.D., Aire Stáit le cúram um Oifig na nOibreacha Poiblí

Beidh cuid mhór de na himeachtaí seo ar fáil ar líne ag www.heritageweek.ie nó ar ardáin mheáin shóisialta OPW agus Oidhreacht Éireann. Ar na himeachtaí ar líne tá taispeántas ‘Six Thousand Years of Learning’; cur i láthair ’A Glimpse into the Past’ ón Teachín Eilvéiseach (Tiobraid Árann); agus turas treoraithe fíorúil ag Mainistir Shligigh, ag díriú ar chonas luibhghort meánaoiseach a phlandáil, a chothú agus a úsáid.

Maidir leis an réimse imeachtaí a bheidh ar siúl ar fud na tíre sa tSeachtain Naisiúnta Oidhreachta 2020, dúirt Maurice Buckley, Cathaoirleach OPW

Cuireann OPW printíseachtaí ar fáil chun oiliúint agus scileanna luachmhara a chur ar dhaoine óga um na láithreacha ícónacha atá againn a chaomhnú; orthusan tá gearradh cloiche, saoirseacht cloiche agus siúinéireacht. Léiríonn an taispeántas ar líne ‘Lorg an Síséil – The Mark of the Chisel’ clár printíseachta OPW; tá sé ar fáil ag www.opw.ie, agus is sampla é de na tionscadail scileanna agus foghlama atá ar fáil ar ardáin digiteacha OPW.

Anseo thíos tá cuid de na himeachtaí ag Láithreacha Oidhreachta OPW le linn na Seachtaine Náisiúnta Oidhreachta:

• Ábhar agus imeachtaí a bhaineann leis an gcuraclam scoile - Matamaitic: Throwing Shapes; Ceol: Caideal Cruite; Ealaíon; Armas a dhearadh; Stair: Gaol OPW le Láithreacha Oidhreachta Éireann, etc.
• The Changing Role of Women at Dublin Castle – turas speisialta faoi na sufraigéidí ag Caisleán Bhaile Átha Cliath – turas pearsanta, nó ar líne trí thuras físeáin, turas pictiúir nó podchraoladh.
• Learning French through Heritage – ceachtanna foclóra Fraincise a scannánaíodh ag Caisleán Bhaile Átha Cliath, chun Fraincis a mhúineadh le cabhair oidhreachta.
• 'Murder Mystery' - turas ag díriú ar phearsana stairiúla a fuair bás i gCaisleán Bhaile Átha Cliath. Spreagtar an lucht féachana um pháirt a ghlacadh mar bhleachtairí agus básanna na ndaoine cáiliúla seo a chuardach
• ‘18th century Gossip and Baking Below Stairs' – léiríonn an físeán seo an saol san 18ú aois i gCaisleán Phort Omna, idir uasal agus íseal; féadfaidh an lucht féachana a fháil amach conas arán donn sóide a dhéanamh de láimh agus eolas a chur ar bhéaloideas an chaisleáin.
• The Brahm Stoker - Sligo Connection: Léireoidh an taispeántas seo an gaol ag Brahm Stoker le Sligeach; bhí cónaí ar a mháthair Charlotte sa chathair sin agus bhí sí mar inspioráid aige i mbun a chuid scríbhneoireachta.
• Ról an cheoil sa phobal Gaelach, ag díriú go háirithe ar Thiarnas na bhFlathartach in Iar-Chonnacht, ó Chaisleán Achadh na nIúr.
• Graphic Design (Step by Step Guide – How to illustrate by Tim Spillane) – conas scéalta a ríomhadh tríd an ealaíon agus scileanna ealaíne a fheabhsú le noda ó ealaíontóir gairmiúil scéalaíochta. Ar fáil ó Oidhreacht Éireann ar Facebook.

Dóibh siúd atá ag cuartú láithreacha Oidhreachta OPW le linn na Seachtaine Náisiúnta Oidhreachta tá táillí iontrála chuig láithreacha áirithe Oidhreachta OPW curtha ar ceal. Is beart é seo mar chuid de Phlean Spreagtha Iúil an Rialtais chun turasóireacht áitiúil a spreagadh agus tacú leis an earnáil turasóireachta.

Tá liosta iomlán de na láithreacha OPW agus an réimse táillí ar fáil ag www.heritageireland.ie maraon le breis eolais maidir le gach suíomh ar leith – uaireanta oscailte, coinníollacha áirithinte agus sonraí teagmhála. Moltar do chuairteoirí fiosrú a dhéanamh leis na suíomhanna oidhreachta roimh thaisteal dóibh, óir tá srianta COVID-19 i bhfeidhm i gcónaí i gcuid mhór suíomhanna.

CRÍOCH

Um breis eolais déan teagmháil le pressoffice@opw.ie

Beidh grianghrafanna na hócáide ar fáil dá éis ó Naoise Culhane Photography ar naoise@naoiseculhane.com nó déan teagmháil le Barry Nangle, OPW ar 087 147 0617

Tá na hurlabhróirí seo a leanas ar fáil chun eolas a thabhairt maidir leis na himeachtaí mar chuid den Seachtain Náisiúnta Oidhreachta atá ar siúl ag na láithreacha sin:

• Breda Lynch, Maoirseoir Treoraithe, Mainistir Sheireapúin
• Eleanor Morrissey, Maoirseoir Treoraithe, Caisleán na Cathrach & An Teachín Eilvéiseach
• Jenny Young, Treoraí, Caisleán Achadh na nIúr

Is cuid de Laethanta Oidhreachta Eorpacha (European Heritage Days) í an Seachtain Náisiúnta Oidhreachta – comhthionscnamh ag Comhairle na hEorpa agus an Coimisiún Eorpach, agus na himeachtaí cultúrtha is leithne atá á gceiliúradh ag saoránaigh na hEorpa i dteannta a chéile. Toisc gur imeachtaí uile-Eorpacha iad seo cuidíonn siad um shaoránaigh a thabhairt le chéile chun an gné Eorpach a léiriú maraon le luach na hoidhreachta cultúrtha ins an 50 stát a shínigh an Coinbhinsiún Cultúrtha Eorpach - (European Cultural Convention). Eagraítear breis agus 70,000 ócáid gach bliain chun feasacht a ardú um chomhoidhreacht na hEorpa agus an gá atá ann i gcónaí an chomhoidhreacht sin a chosaint, maraon le comheispéiris oidhreachta cultúrtha a chruthú, cuimsitheacht a spreagadh agus cruthaíocht agus samhlaíocht a chothú.