Fógraíonn an tAire O’Donovan conarthaí le haghaidh tionscadail stairiúil Shráid an Mhúraigh

Inniu (22 Bealtaine) d’fhógair an tAire Stáit le cúram um Oifig na nOibreacha Poiblí, Patrick O’ Donovan gur lig OPW sraith conarthaí um obair ar Ionad nua Cuimhneacháin 1916 ag 14 – 17 Sráid an Mhúraigh, áit ar chinn ceannairí Eirí Amach 1916 ar ghéilleadh, d’fhonn tuilleadh marú sibhialtach a sheachaint.

Bunaíonn na conarthaí Foireann Deartha Gairmiúil, rud a chiallaíonn gur féidir dul chun cinn anois le pleanáil agus dearadh mionsonraithe an Ionaid nua Cuimhneacháin 1916.

Dúirt an tAire O’ Donovan:

Tá Foireann Deartha ceaptha anois a chuimsíonn Ailtirí Caomhnaithe, Innealtóirí Meicniúla & Leictreacha, Innealtóirí Struchtúrtha, Suirbhéirí Cainníochta, Innealtóirí Dóiteáin agus Seandálaithe. Beidh an tIonad lonnaithe i gceithre fhoirgneamh ar an taobh thoir de Shráid an Mhúraigh, áit ar cuireadh le hobair i 2016. Ceapfar speisialtóirí eile in am tráth de réir mar is gá.

Ar chríochnú do, beidh an t-ionad ar oscailt don phobal. Féadfar an áit inar cinneadh ar ghéilleadh i 1916 a fheiceáil agus scéalta a chloisteáil ó na daoine a bhí páirteach, idir lucht troda agus gnáthmhuintir.

Tá scóip mionsonraithe tionscadail leagtha amach do na dearthóirí, atá bunaithe ar an scéim a aontaíodh le príomhpháirtithe leasmhara trí Ghrúpa Comhairleach Shráid an Mhúraigh – dream ionadaíoch a bhunaigh an Rialtas chun ceisteanna maidir leis an suíomh a réiteach, ina bhfuil ionadaithe ón phobal áitiúil agus ó chuid de mhuintir na nÓglach 1916.

Tá Grúpa Stiúrtha Tionscadail bunaithe, ar a bhfuil oifigigh ón Roinn Tithíochta, Rialtais Áitiúil & Oidhreachta agus ó Oifig na nOibreacha Poiblí, chun an tionscadal a mhaoirsiú agus rialú cóir a chinntiú.

Tá an tionscadal á mhaoiniú ag an Státchiste agus táthar ag súil lena chríochnú go luath i 2026.

Lean sinn ar Twitter @opwireland

Lean sinn ar Facebook @opwireland

Lean sinn ar Instagram @opwireland

Lean sinn ar LinkedIn @Office of Public Works

Is iad comhaltaí na Foirne Deartha:

• Ailtirí Caomhnaithe: Shaffrey Architects
• Innealtóirí Meicniúla & Leictreacha: ARUP
• Innealtóirí Struchtúrtha: Barrett Mahony Consulting Engineers
• Suirbhéirí Cainníochta: Andrew P. Nugent & Associates / DL Martin & Partners
• Innealtóirí Dóiteáin: Michael Slattery Associates
• Seandálaithe: Courtney Deery.

Déanfar na hoibreacha bainteacha uile faoi réir ag Toiliú Aire a dheonaigh an tAire Tithíochta, Rialtais Áitiúil & Oidhreachta faoi Alt 14 den Acht um Shéadchomharthaí Náisiúnta 1930 (arna leasú).

Tá obair thógála an Ionaid Chuimhneacháin ag Sráid an Mhúraigh á maoiniú ag an Státchiste tríd an Roinn Tithíochta, Rialtais Áitiúil & Oidhreachta agus á bainistiú ag Oifig na nOibreacha Poiblí (OPW).

Ba iad seo a leanas comhaltaí an tríú Ghrúpa Comhairleach Shráid an Mhúraigh:

• Tom Collins - Cathaoirleach
• Neasa Hourigan TD - Oireachtas
• An tSeanadóir Mary Fitzpatrick - Oireachtas
• Aengus Ó Snodaigh TD - Oireachtas
• Bríd Smith TD - Oireachtas
• An Comhairleoir Eimer McCormack - Comhairle Cathrach Bhaile Átha Cliath
• An Comhairleoir Donna Cooney - Comhairle Cathrach Bhaile Átha Cliath
• An Comhairleoir Nial Ring - Comhairle Cathrach Bhaile Átha Cliath
• Coilín O Reilly, Bainisteoir Feidhmiúcháin (Cathair Thuaidh - Comhairle Cathrach Bhaile Átha Cliath
• Tom Holbrook - Cumann Trádálaithe Shráid an Mhúraigh
• Catherine Kennedy - Cumann Trádálaithe Shráid an Mhúraigh
• John Daly - Coiste Sábhála Uimh. 16 Sráid an Mhúraigh
• James Connolly Heron - Coiste Sábhála Shráid an Mhúraigh
• Brian O'Neill - Cumann Lucht Gaolta 1916
• Catherine (Carmel) Smyth - Cumann Lucht Gaolta 1916
• Nessa Foley - An Roinn Tithíochta, Rialtais Áitiúil & Oidhreachta