Fógraíonn an tAire O'Donovan go bhfuil maoiniú faofa le haghaidh Staidéir um Mionoibreacha Cosanta Tuilte ag Lota an Chúipéaraigh, Caiseal, Co. Thiobraid Árann

D’fhógair an tAire Stáit le cúram um Oifig na nOibreacha Poiblí, Patrick O’Donovan, T.D., gur faomhadh iarratas ó Chomhairle Contae Thiobraid Árann faoi Scéim OPW Mionoibreacha um Maolú Tuile agus Cosaint Chósta. Faoin scéim tá maoiniú €45,000 faofa ag Oifig na nOibreacha Poiblí (OPW) um anailís geomoirfeolaíoch, samhaltú hidreolaíoch agus measúnú samhaltaithe ag Lota an Chúipéaraigh, Caiseal, Co. Thiobraid Árann.

Um breis eolais, déan teagmháil le pressoffice@opw.ie

Lean sinn ar @opwireland

Faigh sinn ar @opwireland

Lean sinn ar @opwireland

Lean sinn ar @Office of Public Works

Thosaigh OPW an Scéim Mionoibreacha um Maolú Tuile agus Cosaint Chósta i 2009. (https://www.floodinfo.ie/county-summary/).

Is aidhm don scéim maoiniú a sholáthar chuig Údaráis Áitiúla, chun mionoibreacha um maolú tuile a thionscnamh nó staidéir a dhéanamh chun aghaidh a thabhairt ar fhadhbanna tuile agus cosaint chósta laistigh dá gceantair riaracháin féin. De ghnáth, tá feidhm leis an scéim sa chás gur féidir réiteach a aimsiú agus a fheidhmiú laistigh de ghearrthréimhse ama.

Faoin scéim, breathnaítear iarratais ar thionscadail a mheastar ar chostas nach mó ná €750,000 i ngach cás. Tá maoiniú suas chuig 90% den chostas ar fáil le haghaidh tionscadail fhaofa. Measann OPW iarratais maidir le critéir ar leith na scéime – eacnamaíoch, sóisialta agus comhshaoil, coibhneas costais is tairbhe san áireamh.

De ghnáth, ní bhreathnófar um maoiniú OPW oibreacha is cúram de na húdaráis áitiúla. Ach sa chás go maolódh a leithéid d’oibreacha priacal tuile réadmhaoine, féadfaidh OPW maoiniú i bpáirt a bhreathnú.

Ní mór do na hÚdaráis Áitiúla a bheith sásta nach mbeidh tionchar ag na hoibreacha ar phriacal tuile in áit eile.

Is ceist do gach Údarás Áitiúil féin oibreacha um a bhfuil maoiniú faofa a thosú agus a chur chun cinn.

Tá breis eolais, liostaí bliantúla na dtionscadal gur faomhadh maoiniú dóibh san áireamh, ar fáil ag Minor Flood Mitigation Works and Coastal Protection Scheme.