Fógraíonn an tAire O'Donovan gur faomhadh maoiniú um gheataí agus bacáin tuile in-díshuite ag Baile an Droichid, Co. Loch Garman

D’fhógair an tAire Stáit le cúram um Oifig na nOibreacha Poiblí, Patrick O’Donovan, T.D., gur faomhadh iarratas ó Chomhairle Contae Loch Garman faoi Scéim OPW Mionoibreacha um Maolú Tuile agus Cosaint Chósta. Faoin scéim tá maoiniú €157,770 faofa ag Oifig na nOibreacha Poiblí (OPW) chun geataí agus bacáin in-díshuite a sholáthar ar réadmhaoine atá faoi phriacal tuile ag Baile an Droichid, Co. Loch Garman. Chonaic an tAire O’Donovan an díobháil ó thuilte sa cheantar anseo um Nollaig seo caite, nuair a thug sé cuairt ar an sráidbhaile ar Lá Fheile Stiofáin agus bhuail sé le hoifigigh agus innealtóirí ó Chomhairle Contae Loch Garman chun réimse na díobhála a fheiceáil.

Um breis eolais, déan teagmháil le pressoffice@opw.ie

Lean muid ar @opwireland

Aimsigh muid ar @opwireland

Lean muid ar Instagram @opwireland

Lean muid ar LinkedIn @Office of Public Works

Thosaigh OPW an Scéim Mionoibreacha um Maolú Tuile agus Cosaint Chósta in 2009.

Is aidhm don scéim maoiniú a sholáthar chuig Údaráis Áitiúla, chun mionoibreacha um maolú tuile a thionscnamh nó staidéir a dhéanamh chun aghaidh a thabhairt ar fhadhbanna tuile agus cosaint chósta laistigh dá gceantair riaracháin féin. De ghnáth, tá feidhm leis an scéim sa chás gur féidir réiteach a aimsiú agus a fheidhmiú laistigh de ghearrthréimhse ama.

Faoin scéim, breathnaítear iarratais ar thionscadail a mheastar ar chostas nach mó ná €750,000 i ngach cás. Tá maoiniú suas chuig 90% den chostas ar fáil le haghaidh tionscadail faofa. Measann OPW iarratais maidir le critéir ar leith na scéime – eacnamaíoch, sóisialta agus comhshaoil, coibhneas costais is tairbhe san áireamh.

De ghnáth, ní bhreathnófar um maoiniú OPW oibreacha is cúram de na húdaráis áitiúla. Ach sa chás go maolódh a leithéid d’oibreacha priacal tuile réadmhaoine, féadfaidh OPW maoiniú i bpáirt a bhreathnú.

Ní mór do na hÚdaráis Áitiúla a bheith sásta nach mbeidh tionchar ag na hoibreacha ar phriacal tuile in áit eile.

Is ceist do gach Údarás Áitiúil féin oibreacha um a bhfuil maoiniú faofa a thosú agus a chur chun cinn.

Tá breis eolais, liostaí bliantúla na dtionscadal gur faomhadh maoiniú dóibh san áireamh, ar fáil ag [https://www.gov.ie/en/publication/0e3b3d-minor-flood-mitigation-works-and-coastal-protection-scheme/].