Ceartais

Soláthraíonn an Rannóg Sócmhainní Coiriúla seirbhísí dlíthíochta, comhairleacha agus tíolactha don Bhiúró um Shócmhainní Coiriúla (BSC). Is é cúram reachtúil an BSC imscrúduithe a dhéanamh ar fháltais atá faoi dhrochamhras ó iompar coiriúil.

Déileálann an Rannóg Dlíthíochta Garda le caingne sibhialta i gcoinne an Gharda Síochána. Áirítear ar an obair a dhéanann sí éilimh ar dhamáistí maidir le hionsaí, gabháil éagórach, príosúnú neamhdhleathach, iomrall ceartais, meabhlaireacht agus le clúmhilleadh. Láimhseálann sí freisin iarratais ar fhollasú neamhpháirtí a iarrann nochtadh doiciméadachta.

Déileálann an Rannóg Ceartais agus Coireachta le heiseachadadh agus le hiarratais Barantais Ghabhála Eorpach san Ard-Chúirt agus sa Chúirt Uachtarach ar son an Ard-Aighne agus an Aire Dlí agus Cirt agus Comhionannais, agus le hiarratais ar Chúnamh Frithpháirteach sa Chúirt Dúiche, sa Chúirt Chuarda agus san Ard-Chúirt. Soláthraíonn sí seirbhísí aturnae don Gharda Síochána agus do Ranna cliaint freisin maidir le cúrsaí ar nós ionchoisní, iarratais ar cheadúnú, iarratais a bhaineann leis an Police (Property) Act agus le hiarratais ar aistriú daoine ar cuireadh pianbhreith orthu.

Déileálann an Rannóg Seirbhísí Dlí le hIonchúisimh Aireachta sa Chúirt Dúiche, athbhunú cuideachta, agus imeachtaí sibhialta ar son an Aire Coimirce Sóisialaí chun airgead a fuarthas go calaoiseach a fháil ar ais, Tá sí freagrach as aisghabháil costas freisin.