Maidir le hOifig an Phríomh-Aturnae Stáit (OPAS)

Tá an Príomh-Aturnae Stáit, Maria Browne, ina ceann ar Oifig an Phríomh-Aturnae Stáit (OPAS). Tá breis is 350 ball foirne in OPAS a oibríonn i róil dlí agus riaracháin sna sé Rannóg de chuid na hOifige: Dlí Riaracháin; Dlí Tráchtála agus Fostaíochta; Dlíthíochta Bunreachtúil agus Stáit; Dlí agus Cirt; Maoine Stáit agus Seirbhísí Corparáideacha. Tá oifigí OPAS suite ar Sráid na gCaorach agus ar Lána na Seansaireachta, Baile Átha Cliath 8.

Is é misean OPAS an caighdeán is airde seirbhísí gairmiúla dlí a sholáthar do Ranna agus d’Oifigí Rialtais, ar an tslí is eacnamaíche agus is éifeachtúla agus is féidir.

Bunaíodh Oifig an Phríomh-Aturnae Stáit go foirmiúil faoin Acht Airí agus Rúnaithe 1924 agus is comhchuid í d’Oifig an Ard-Aighne.

Is í an OPAS príomhsholáthraí na Seirbhísí Aturnae don Ard-Aighne agus don Rialtas. Cuirtear seirbhís dlí iomlán aturnae comhairleach, dlíthíochta agus idirbheartaíochta ar fáil thar raon leathan réimsí lena n-áirítear:

• Dlíthíocht bhunreachtúil, shibhialta agus tráchtála a bhaineann le Ranna Rialtais, Oifigí Rialtais agus an Garda Síochána
• Athbhreithniú breithiúnach (ginearálta agus a bhaineann le hinimirce agus tearmann)
• Dlíthíocht chomhshaoil agus soláthair
• Ionadaíocht a dhéanamh ar an Stát os comhair na Cúirte Breithiúnais, na Cúirte Ginearálta agus na * * * * Cúirte Eorpaí um Chomhlachas Saorthrádála
• Eiseachadadh, Barántas Gabhála Eorpach agus dlíthíocht Cúnaimh Fhrithpháirtigh
• Dlíthíocht fostaíochta
• Ionchoisní agus Ionchúisimh ón Aire
• Airgead calaoiseach nó airgead a fuarthas go coiriúil a aisghabháil
• Éilimh thortacha
• Iarratais habeas corpus
• Ionadaíocht a dhéanamh do chliaint i gcomhréitigh agus in eadrána agus os comhair Binsí Fiosrúcháin agus Coimisiúin Imscrúdaithe
• Seirbhís tíolactha idirbheartaíochta do Ranna Rialtais agus don OOP
• Léasú agus ceadúnú tráchtála agus cúrsaí tiarnaí talún agus tionóntaí
• Urrús ar mhaoin chun infheistíochtaí caipitil an Stáit a chosaint
• Maoin réadach agus phearsanta a chineachadh chuig an Stát faoin Acht Maoine Stáit1954, agus faoin Acht Comharbais 1965
• Seirbhísí iomlána soláthar poiblí idirbheartaíochta agus dlí tráchtála don Oifig um Sholáthar Rialtais agus Ranna Rialtais