Óráid
Ráiteas an Taoisigh i ndiaidh óráid Phríomh-Aire na Ríochta Aontaithe, Theresa May, ar thug sí inniu
Foilsithe
An t-eolas is déanaí
Foilsithe
An t-eolas is déanaí
D'éist mé le hóráid an Phríomh-Aire, agus déanfaidh an Rialtas staidéar air go dlúth.
Thug sí roinnt athdhearbhaithe tábhachtacha inniu, a gcuirim fáilte rompu, agus chuir sí in iúl arís a sprioc fhoriomlán de chaidreamh an-dlúth a choimeád leis an Aontas Eorpach.
Go háirithe, cuirim fáilte mhór roimh a tiomantas soiléir maidir le Comhaontú Aoine an Chéasta, próiseas síochána Thuaisceart Éireann agus an gá le teorainn chrua a sheachaint, agus leis an gcomhaontú idir an Ríocht Aontaithe agus an tAontas Eorpach a thángthas air ina gComh-Thuarascáil i mí na Nollag.
San óráid, áiríodh roinnt comharthaí maidir leis an gcineál caidrimh eacnamaíochta ar mhaith le Rialtas na Ríochta Aontaithe a bheith aige amach anseo. Ach d'aithin sí freisin go mbeidh roghanna crua ag an Ríocht Aontaithe mar gheall ar shrianta idir roinnt de na haidhmeanna atá ag an Ríocht Aontaithe agus na hiarmhairtí a bhaineann le tarraingt siar ón Aontas Eorpach.
Maidir linne, tá dlúthchaidreamh eacnamaíoch idirthréimhse réidh ar mhaithe le gnó na hÉireann.
Mar sin féin, tá imní orm nach bhfuil cuid de na srianta a bhaineann leis an Aontas Custaim agus an Margadh Aonair a fhágáil aitheanta go hiomlán fós.
Ní mór dúinn anois moltaí níos mionsonraithe agus réadúla a fheiceáil ón Ríocht Aontaithe. Tá an Breatimeacht le tarlú i gceann 13 mhí bheagnach, mar sin tá an tréimhse seo gearr.
Idir an dá linn, leanfaimid orainn ag obair go dlúth le Michel Barnier agus lena fhoireann, agus leis na Ballstáit eile, agus a bheidh muid ag ullmhú do Chomhairle Eorpach i mí an Mhárta, agus táthar ag súil go n-aontófar Treoirlínte Idirbheartaíochta nua inti.
Beidh an dul chun cinn ar an gComhaontú um Tharraingt Siar a foilsíodh an tseachtain seo caite tábhachtach i gcomhthéacs an chéad chéim eile den obair sin.