Preasráitis
Tuairimí á Lorg maidir le Gníomhú ar son na hAeráide in Earnáil an Chultúir
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Fógraíonn an tAire Martin comhairliúchán poiblí mar chuid d’fhorbairt Chreat um Beartas Cultúir, Cruthaitheachta & Aeráide
Inniu, sheol Catherine Martin, an tAire Turasóireachta, Cultúir, Ealaíon, Gaeltachta, Spóirt agus Meán, suirbhé ar líne chun tuairimí a lorg ón bpobal maidir le Creat a fhorbairt um Beartas Cultúir, Cruthaitheachta agus Aeráide.
Beidh an comhairliúchán ar oscailt ar líne go dtí Dé hAoine, an 22 Márta 2024.
Is féidir le hearnáil an chultúir agus na cruthaitheachta gníomhú tábhachtach a dhéanamh ar son na haeráide trí laghdú ar astaíochtaí gás ceaptha teasa, tríd an aeráid a chur san áireamh ina cuid oibríochtaí agus trí úsáid a bhaint as a feiceálacht agus a tionchar leathan. Tá sé mar aidhm ag an gcreat beartais seo treo straitéiseach foriomlán a thabhairt do ghníomhú ar son na haeráide sna réimsí cruthaitheachta agus cultúir agus chun na róil is féidir leis an earnáil a ghlacadh chun dul i ngleic leis an athrú aeráide a leagan amach.
Tógann an comhairliúchán poiblí seo ar chomhairliúchán soiléir earnála agus páirtithe leasmhara ar fud an earnáil chultúir agus chruthaitheach. Sa suirbhé gairid ar líne fiafraítear de na rannpháirtithe faoina gcuid tuairimí faoin ról is féidir leis an earnáil chultúir a ghlacadh i ngníomhú ar son na haeráide agus conas is féidir tacú leis an earnáil tríd sin.
Iarrann sé chomh maith faoi na bacanna struchtúracha agus polasaí atá le gníomh aeráide éifeachtach.
Ag labhairt inniu, dúirt an tAire Martin:
“D'fhéadfadh earnáil an chultúir athruithe móra a dhéanamh trí ghníomhú ar son na haeráide. Tá cumas uathúil ag an earnáil seo feasacht a ardú ar cheisteanna agus réitigh chruthaitheacha spreagúla a fhorbairt. Mholfainn do dhaoine cúpla nóiméad a thógáil leis an suirbhé seo a chomhlánú agus a dtuairimí a chur in iúl maidir le conas is féidir tacú le hearnáil an chultúir agus na cruthaitheachta dul i ngleic leis an éigeandáil aeráide”.
Glac páirt ag gov.ie/cultureclimate roimh 5pm ar Aoine, 22 Márta 2024.