Ó An Roinn Forbartha Tuaithe agus Pobail
Foilsithe
An t-eolas is déanaí
Tá mionsonraí foilsithe ag an Roinn Forbartha Tuaithe agus Pobail inniu (an 21 Feabhra) maidir le tionscadail a gheobhaidh maoiniú faoin Scéim um Bonneagar Caithimh Aimsire Lasmuigh i gcomhar le Fáilte Ireland, an tÚdarás Forbartha Turasóireachta Náisiúnta. Cuirfear maoiniú ar fáil faoin Scéim seo d'fhonn taitneamhachtaí faoin spéir, mar conairí, bealaí siúil, bealaí rothaíochta agus gormbhealaí a fhorbairt agus a chothabháil.
Tá €8.4 milliún in iomlán leithdháilte ar 44 tionscadal, mar thoradh ar iarratais a rinneadh in 2019 faoi Bhearta 2 agus 3 den Scéim um Bonneagar Caithimh Aimsire Lasmuigh. Is é an tAire Forbartha Tuaithe agus Pobail, Michael Ring TD, a cheadaigh an infheistíocht.
Rachaidh an maoiniú seo chun leasa 35 tionscadal meánmhéide le maoiniú suas le €200,000 an ceann i gceist (Tionscadail Bheart 2) agus 9 dtionscadal níos mó a mbeidh maoiniú suas le €500,000 an ceann i gceist (Tionscadail Bheart 3). Tá an infheistíocht seo sa bhreis ar an €1.8 milliún a ceadaíodh do thionscadail níos lú Bheart 1 i mí na Samhna seo caite.
Is ionann an infheistíocht seo agus tionscnamh comhoibríoch idir an Roinn Forbartha Tuaithe agus Pobail agus Fáilte Ireland, agus chuir an Roinn €4.4 milliún leis an iomlán agus chuir Fáilte Ireland €4 milliún leis.
2.6 milliún turasóir ó thíortha thar lear a thug faoi fhánaíocht nó faoi shiúlóidí trastíre agus iad anseo in Éirinn in 2018, agus chaitheadar tuairim is €1.4 billiún fad agus a bhí siad anseo. Thug 504,000 turasóir eile faoi ghníomhaíochtaí rothaíochta. Cuirfidh na tionscadail atá fógartha faoin Scéim um Bonneagar Caithimh Aimsire Lasmuigh tuilleadh leis an méid atá ar fáil do thurasóirí anseo in Éirinn, agus spreagfaidh sé cuairteoirí le níos mó ama a chur lena saoirí i gceantair thuaithe agus cuairt a thabhairt ar na nithe is díol spéise sna réigiúin.
I measc na dtionscadal a ceadaíodh maoiniú dóibh tá :
Is féidir sonraí maidir leis na tionscadail ar fad atá á maoiniú a fháil anseo
Nótaí d'Eagarthóirí:
Cuireann an Scéim um Bonneagar Caithimh Aimsire Lasmuigh maoiniú ar fáil d'fhonn bonneagar caithimh aimsire lasmuigh nua a fhorbairt agus d'fhonn bonneagar caithimh aimsire lasmuigh atá ann cheana féin a chothabháil, a fheabhsú nó a chur chun cinn i gceantair thuaithe na tíre.
Cuireann an scéim maoiniú ar fáil faoi thrí bheart ar leith :
Is i ndiaidh an fhógra i mí na Samhna 2019 go raibh leithdháileadh €1.83 milliún ceadaithe do 109 tionscadal faoi Bheart 1 a thagann an fógra seo go bhfuil 44 tionscadal ceadaithe faoi Bhearta 2 agus 3. Tabharfar tacaíocht do mheascán de thionscadail, forbairtí nua san áireamh, uasghrádú agus deisiú a dhéanamh ar chonairí fóillíochta i gceantair thuaithe, agus eispéiris iontacha a chur ar fáil do chuairteoirí leis na deontais.
Tá beagnach €45 milliún anois ceadaithe faoin Scéim um Bonneagar Caithimh Aimsire Lasmuigh ón mbliain 2017.