Preasráitis
D'fhógair an tAire um Mheabhairshláinte agus Daoine Aosta, Mary Butler TD, bliain mhaith eile le méaduithe breise sa bhuiséad na nDaoine Aosta do 2023.
Foilsithe
An t-eolas is déanaí
Foilsithe
An t-eolas is déanaí
Dúirt an tAire Mary Butler TD: >“Tá áthas orm fáilte a chur roimh an mBuiséad seo, a dhéanfaidh difear mór do shaol go leor daoine aosta. Bhí sé mar thosaíocht agam le seachtainí anuas maoiniú breise a fháil do Bhuiséad 2023 chun a chinntiú go leanfar leis na seirbhísí go léir ar ardchaighdeán."
“Tá áthas orm a rá go bhfuil maoiniú breise €180 milliún faighte agam do dhaoine aosta i mBuiséad 2023, ag tógáil ar mhéaduithe gan fasach le blianta beaga anuas. Tabharfaidh sé seo ár n-infheistíocht sna seirbhísí seo go dtí os cionn €2.4 billiún in 2023, lena n-áirítear beagnach €12 mhilliún d'fhorbairtí nua agus déanfaidh sé fíordhifríocht do shaol go leor daoine."
“Tá áthas ar leith orm a fhógairt go leithdháilfear €50 milliún eile chun an sprioc 24 milliún uair an chloig de chúram baile a sholáthar in 2023. Leanfaidh mé orm ag díriú ar sheirbhísí agus tacaíochtaí néaltraithe a fhorbairt. I mbliana tiocfaidh méadú 15% ar na huaireanta nua cúram baile a chuirtear ar leataobh do dhaoine le néaltrú, agus leanfar le tacaíochtaí néaltraithe sa bhaile agus le maoiniú leanúnach Chumann Alzheimer na hÉireann."
“Is iad seirbhísí pobail cnámh droma an tsoláthair cúraim shóisialta agus beimid ag infheistiú €4.1 milliún in athoscailt seirbhísí cúraim lae. Tairgeann go leor de na hionaid lae seo Béilí ar Rothaí agus cuirfimid €1.8 milliún ar fáil chun an tseirbhís seo a chothabháil agus a leathnú go náisiúnta."
“Tacófar le cúram cónaithe fadtéarmach freisin trí mhaoiniú breise €47 milliún don Scéim Tacaíochta do Thithe Altranais chun seirbhísí a chothabháil agus méaduithe boilscithe a bhainistiú. Tá tacaíochtaí fuinnimh agus boilscithe don earnáil Tithe Altranais – idir phríobháideach agus dheonach - daingnithe agus táimid ag obair ar na sonraí faoi láthair."
I measc an mhaoinithe eile a fógraíodh tá €5.2 milliún chun an tionscnamh Tithe Aoisbháúla Sláintiúla a rolladh amach go náisiúnta, agus €4 mhilliún chun beartas cosanta nua a rolladh amach don earnáil sláinte agus cúraim shóisialta.
Dúirt an tAire Butler: >“Ó chuaigh mé i mbun oifige, tá sé mar thosaíocht domsa tacaíochtaí do shláinte agus d'fholláine daoine aosta a chinntiú. Tá sé de cheart ag daoine aosta dul in aois ar bhealach maith le dínit, agus leis na tacaíochtaí cearta.