Preasráitis
Foilsíonn an tAire Sláinte Tuarascáil ar Dhul Chun Cinn Sláintecare 2021
Foilsithe
An t-eolas is déanaí
Foilsithe
An t-eolas is déanaí
D’fhoilsigh an tAire Sláinte, Stephen Donnelly TD inniu Straitéis Cur Chun Feidhme agus Tuarascáil ar Dhul Chun Cinn Phlean Gníomhaíochta Sláintecare 2021'.
Leagtar amach sa ruarascáil an dul chun cinn atá déanta i gcoinne na dtosaíochtaí agus na ngníomhartha atá sonraithe i ‘Straitéis Forfheidhmithe agus Plean Gníomhaíochta Sláintecare 2021 - 2023’ agus dírítear ar dhá chlár athchóirithe:
I measc cuid den dul chun cinn a rinneadh in 2021 tá:
Tá Bord Cláir nua bunaithe faoi chathaoirleacht Ard-Rúnaí na Roinne Sláinte agus Príomhoifigeach Feidhmiúcháin an FSS chun a chinntiú go bhfuil freagracht as cur i bhfeidhm Sláintecare leabaithe go hiomlán ar fud na Roinne agus FSS araon. Ag tuairisciú go díreach don Aire, cinnteoidh Bord Cláir Sláintecare comhordú feabhsaithe maidir le príomhthosaíochtaí 2022 a sheachadadh.
Dúirt an tAire Sláinte, Stephen Donnelly TD;
“Tá mo thiomantas agus tiomantas an Rialtais don athchóiriú agus do Chúram Sláinte Uilíoch soiléir agus gan staonadh: ba mhaith linn a chinntiú go bhfaigheann gach othar an cúram ceart ar ardchaighdeán, san áit cheart, ag an am ceart. Bhí cruinniú an-torthúil agam le Leo Kearns, cathaoirleach an ghrúpa Comhairleach Sláinte Réigiúnach (RHA), Dé Luain agus táim ag tnúth leis an athchóiriú struchtúrach tábhachtach seo a chur chun cinn.”
“Infheistíocht spriocdhírithe i réimsí ar nós rolladh amach na gclár struchtúrtha galair ainsealacha do dhaoine a bhfuil stair de ghalar cardashoithíoch acu, COPD, asma agus diaibéiteas cineál 2 i gcleachtadh ginearálta (GP), rochtain náisiúnta DG ar dhiagnóisic, tacaíochtaí baile breise, cúram criticiúil breise, acmhainn ghéarmhíochaine othar chónaithe agus leapacha pobail, le seirbhís sláinte níos insroichte agus níos cothroime do chách.”
“Tá tús curtha le hobair ar chur chuige bunaithe ar an daonra a bhunú i leith pleanáil seirbhíse agus leithdháileadh acmhainní. Cuirfidh sé seo ar ár gcumas na cineálacha cearta seirbhísí a mhaoiniú agus acmhainní a chur ar fáil dóibh bunaithe ar riachtanas an daonra agus nach bhfuil bunaithe ar ghníomhaíocht amháin. Rud atá tábhachtach, tabharfaidh sé aghaidh ar neamhionannais sláinte trína chinntiú go ndéantar ionadaíocht chuí ar gach réimse den daonra sa chaoi a ndéanaimid seirbhísí a phleanáil agus a mhaoiniú.”