Preasráitis
Taoiseach Micheál Martin ag labhairt le Príomh-Aire na Ríochta Aontaithe Keir Starmer
Foilsithe
An t-eolas is déanaí
Foilsithe
An t-eolas is déanaí
Labhair an Taoiseach Micheál Martin le Príomh-Aire na Ríochta Aontaithe Keir Starmer níos luaithe inniu.
D’athdhearbhaigh an bheirt cheannaire cé chomh tábhachtach is atá an caidreamh idir Éirinn agus an Bhreatain, agus bhí siad ag súil leis an gcéad cheann i sraith chruinnithe mullaigh bliantúla Éirinn - Ríocht Aontaithe ar a mbeidh an Bhreatain ag déanamh óstach i mí an Mhárta.
Ardaiodh tionchar stoirm Éowyn agus iarrachtaí leanúnacha téarnaimh chomh maith, leis an Taoiseach ag cur fáilte roimh an gcúnamh a chuir foirne na RA ar fáíl do Bhord Soláthair an Leictreachais mar chuid de chomhaontú cairdeas comhchomaoineach i measc comhlachtaí leictreachais.
Phléigh na ceannairí Tuaisceart Éireann, ábhair oidhreachta agus roinnt saincheisteanna idirnáisiúnta, comóradh an lae inniu in Auschwitz san áireamh.
Bhí an Taoiseach ag tnúth le a bheith ag bualadh arís le Príomh-Aire Starmer ag cruinniú neamhfhoirmiúil den Chomhairle Eorpach sa Bheilg ar an 3ú Feabhra.
Ag labhairt dó tar éis an ghlao gutháin, dúirt an Taoiseach Micheál Martin:
“Bhí áthas orm labhairt arís le Príomh-Aire na Breataine Keir Starmer ar maidin, i ndiaidh dom a bheith ceaptha i mo Thaoiseach.”
“Tá an beirt againn tiomanta chun 2025 a bheith ina bliain thábhachtach agus chinniúnach maidr le caidreamh idir Éirinn agus an Bhreatain agus muid ag tosú ar shraith cruinnithe mullaigh bliantúla chun clár comhair straitéiseach a bhrú ar aghaidh idir ár dá thír.”
“Labhraíomar faoi Thuaisceart Éireann agus faoin bhfís atá againn araon mar chomh-ráthóirí Chomhaontú an Chéasta chun rathúnas agus athmhuintearas a chur chun cinn ar mhaithe le gach éinne.”
“Bhíomar ag plé saincheisteanna domhanda, an Úcráin agus an cás sa Mheánoirthear san áireamh, go háirithe an gá atá ann chun cúnamh daonnúil a mhéadú go Gaza.”
“Níos déanaí inniu, beidh mé ag freastal ar imeacht chun comóradh 80ú bliain ó fhuascailt Auschwitz. Phléamar an tábhacht a bhaineann le bheidh ag leanúint ar aghaidh lenár dtiomantas inniu do dhul i ngleic leis an bhfrith-sheimíteachas agus gach uile sórt idirdhealaithe, éadulaingthe agus ciníochais.”