Preasráitis
Fógraíonn an tAire Burke buaiteoirí na bliana den chomórtas ealaíne Get SunSmart!
Foilsithe
An t-eolas is déanaí
Foilsithe
An t-eolas is déanaí
D'fhógair an tAire Sláinte Poiblí, Folláine agus na Straitéise Náisiúnta Drugaí Colm Burke inniu buaiteoirí na bliana de Chomórtas Ealaíne na bPáistí Get SunSmart!
Ina thríú bliain anois, fuarthas an líon is mó iarratas don chomórtas ó gach cearn den tír, agus i mbliana, den chéad uair, bhí catagóir réamhscoileanna ann.
Le tacaíocht ó Éire Shláintiúil i gcomhpháirtíocht leis an gClár Náisiúnta um Rialú Ailse i bhFeidhmeannacht na Seirbhíse Sláinte (FSS), tá an comórtas mar chuid den fheachtas bliantúil SunSmart, a bhfuil sé mar aidhm aige feasacht a ardú agus glacadh le hiompraíochtaí cosanta craicinn a chur chun cinn.
Is iad na buaiteoirí le haghaidh 2024 ná:
Gheobhaidh gach buaiteoir Cárta Oidhreachta Teaghlaigh OPW, pas lae teaghlaigh do Zú Bhaile Átha Cliath, agus dearbhán leabhar Náisiúnta ar luach €20.
Dúirt an tAire Burke:
“Is í ailse chraicinn an ailse is coitianta in Éirinn, ach tá sé inchoiscthe den chuid is mó, trí bheith SunSmart agus aire a thabhairt do do chraiceann.
“Ní bhíonn sé riamh ró-luath oideachas a chur ar pháistí maidir leis an tábhacht a bhaineann le bheith sábháilte faoin ngrian, agus go háirithe anois le linn laethanta saoire an tsamhraidh, tá sé ríthábhachtach go gcuimhneoimid ar a bheith SunSmart agus cloí leis na 5S.
"Ba mhaith liom comhghairdeas a dhéanamh lenár 4 buaiteoirí, agus leis na daoine ar fad sa dara háit, as na hiarratais iontacha a sheol siad isteach, a léirigh a dtallann agus a n-úrnuacht uilig. Ba chóir dóibh a bheith an-bhródúil as an méid atá bainte amach acu, ní hamháin mar gheall ar an gcaoi gur éirigh go maith leo sa chomórtas ach trí chabhair a thabhairt lenár dteachtaireacht SunSmart a scaipeadh."
Tá craiceann leanaí an-leochaileach maidir le damáiste na gréine agus tá baol níos airde ann go bhforbrófaí ailse chraicinn níos déanaí sa saol mar gheall ar dhó gréine le linn a n-óige. Tá dochar ar leith ag baint le nochtadh do radaíocht UV le linn na hóige. Dóibh siúd a bhíonn dóite go dona ag an ngrian le linn a n-óige (3 huaire nó níos mó roimh aois 20), tá riosca meileanóma 2-4 huaire níos airde ann níos déanaí sa saol.
Is iad na 5 Ss Sunsmart ná:
Bíodh na nósanna simplí seo agat mar chuid de do shaol laethúil go háirithe ó Aibreán go Meán Fómhair nuair a bhíonn UV ag an leibhéal is láidre, fiú ar laethanta scamallacha.