Preasráitis
Ráiteas ón Taoiseach Micheál Martin ar bhás an Chomhairleora Noel Collins
Foilsithe
An t-eolas is déanaí
Foilsithe
An t-eolas is déanaí
Tá an-aiféala orm a chloisteáil go bhfuil Noel Collins imithe ar shlí na fírinne. Chaith Noel beagnach 55 bliain ag tabhairt seirbhís dhíograiseach phoiblí gan aon bhriseadh don phobal agus is maith a bhí an teideal ‘Athair Chomhairle Chontae Chorcaí’ tuillte aige.
Ag deireadh na 60idí a toghadh ina chomhairleoir i Mainistir na Corann ar dtús Noel agus ba é an t-ionadaí tofa ba fhaide seirbhíse é sa Stát, agus níor thuirsigh sé riamh den troid ar son na ndaoine is leochailí ina phobal.
Ba chara liom Noel, agus bhí meas riamh agam ar an dúthracht mhór a léirigh sé do dhaoine nach raibh go maith as.
Bhí aithne mhór air i Mainistir na Corann agus leag an cúlra a bhí aige ina oibrí sóisialta amach díograis dhílis Noel don cheartas sóisialta, agus ba é sin ba bhun leis an lorg phearsanta a bhí aige agus é ag iarraidh a bheith i bhfách leis na daoine sin a raibh sé ag déanamh ionadaíochta orthu.
Aireoidh muintir Chorcaí agus comhghleacaithe sa pholaitíocht uathu go mór é.
Déanaim comhbhrón ó chroí le teaghlach agus cairde Noel agus leis na daoine sin go léir a ndearna sé ionadaíocht orthu.