Toghadh an tAire Donohoe mar Uachtarán ar an nGrúpa Euro
Foilsithe
An t-eolas is déanaí
Foilsithe
An t-eolas is déanaí
Toghadh an tAire Airgeadais, Paschal Donohoe TD, inniu (Déardaoin) mar Uachtarán ar Ghrúpa Airí Airgeadais Eurogroup, ag teacht i gcomharbacht ar Mario Centeno as an bPortaingéil. Tosóidh a théarma an 13 Iúil, agus fónfaidh sé ar feadh 2.5 bliana sa ról.
Is é a chomh-Airí Airgeadais i Limistéar an Euro a thogh an tAire Donohoe ag cruinniú den Ghrúpa Euro a reáchtáladh le físchomhdháil. Ba iad Aire Nadia Calviño as an Spáinn, agus an tAire Pierre Gramegna as Lucsamburg na hiarrthóirí eile.
Is é an Grúpa Euro an comhlacht trína ndéanann Airí Airgeadais ón 19 mBallstát i limistéar an Euro cinntí ar shaincheisteanna beartais a bhaineann le bainistíocht gheilleagar limistéar an Euro. Is minic a fhreastalaíonn Airí Airgeadais ón ocht mBallstát nach cuid de limistéar an Euro iad, ar chruinnithe, toisc go bhfuil tábhacht ag baint leis na saincheisteanna atá á bplé.
Tá ról ríthábhachtach ag Uachtarán an Ghrúpa Euro i múnlú an chláir oibre agus fhreagairt an bheartais ar mhórcheisteanna eacnamaíocha, lena n-áirítear tionchar eacnamaíoch na paindéime COVID-19 atá ann faoi láthair. Tá an tAire Donohoe ar cheann de na hAirí Airgeadais AE agus baill den Ghrúpa Euro is faide atá i mbun seirbhíse.
Ag labhairt faoi, nuair a dearbhaíodh an toradh, dúirt an tAire:
‘Is mór an onóir dom gur roghnaigh mo chomh-Airí Airgeadais mé mar an chéad Uachtarán eile don Ghrúpa Euro, agus ba mhaith liom ómós a thabhairt don obair thábhachtach a rinne Mario Centeno’.
“Is é an Grúpa Euro an t-inneall eacnamaíoch do limistéar an euro agus an t-airgeadra aonair. Is é an tosaíocht láithreach atá agam, mar Uachtarán, bealach coitianta ar aghaidh a leagan amach maidir le téarnamh na hEorpa a atógáil, geilleagar limistéar an euro a neartú, agus fás inbhuanaithe agus uilechuimsitheach a chur chun cinn do na Ballstáit agus dá saoránaigh. Ar fud an Aontais Eorpaigh tá ár saoránaigh ag iarraidh orainn an cheannaireacht riachtanach a sholáthar.
“Mar Uachtarán, féachfaidh mé le droichid a thógáil i measc gach ball de Limistéar an Euro, agus idirchaidreamh gníomhach a dhéanamh leis na Ballstáit go léir, chun a chinntiú go bhfuil cur chuige bunaithe ar chomhthoil againn maidir lenár ngeilleagair agus lenár sochaithe a théarnamh. Cuirfidh mé taithí na hÉireann i láthair, mar Bhallstát beag a bhí ina tír Cláir ach a bhfuil athrú tagtha ar a geilleagar agus a sochaí de bharr ballraíochta san Aontas Eorpach freisin. ''
“Táim ag tnúth le bheith ag obair go dlúth le mo chomhghleacaithe chun Grúpa Euro uilechuimsitheach agus trédhearcach a chinntiú, a sheachadann téarnamh eacnamaíoch, rathúnas agus poist ar mhaithe le leas na hEorpa agus a saoránach.'’
CRÍOCH
Nóta do na hEagarthóirí
Toghadh Uachtarán an Ghrúpa Euro ag cruinniú an Ghrúpa Euro an 9 Iúil, agus toghadh an tAire Donohoe le tromlach simplí ar feadh téarma dhá bhliain go leith. Tá an post i seilbh Aire Airgeadais atá ag fónamh i mBallstát atá i limistéar an Euro.
Tagann an tAire Donohoe i gcomharbacht ar an sealbhóir, Mario Centeno as an bPortaingéil, a d’éirigh as a phost mar aire airgeadais agus, dá bhrí sin, níor lorg sí an dara téarma mar Uachtarán an Ghrúpa Euro.
Leag an tAire a fhís amach don Ghrúpa Euro, agus conas a mhúnlódh sé a chuid oibre dá dtoghfaí é, i litir chuig a chomh-Airí.