Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
Tá an tAire Leanaí, Comhionannais, Míchumais, Lánpháirtíochta agus Óige, Roderic O’Gorman, ag cur béime inniu ar shíneadh na sosanna beathú cíche go dhá bhliain chun Seachtain Dhomhanda um Chothú Cíche a chomóradh.
Leathnaíodh an teidlíocht ar shosanna beathú cíche faoi na hAchtanna um Chosaint Mháithreachais ó sé mhí go dhá bhliain tríd an Acht um Cothromaíocht Oibre is Saoil agus Forálacha Ilghnéitheacha 2023. Tháinig an síneadh seo i bhfeidhm an 3ú Iúil 2023.
Faoin Acht, tá baill foirne i dteideal am saor gan pá a chailleadh le haghaidh sosanna beathú cíche ag an obair ar feadh suas le uair an chloig in aghaidh an ghnáthlá oibre. Is féidir sosanna beathú cíche a ghlacadh i bhfoirm sos amháin de 60 nóiméad, nó dhá shos 30 nóiméad an ceann, nó trí shos 20 nóiméad an ceann, nó ar cibé slí eile a chomhaontaíonn an fostaí agus a mbainisteoir.
Agus é ag labhairt inniu dúirt an tAire Donnelly:
“Is é téama Sheachtain Dhomhanda um Chothú Cíche i mbliana ná ‘Déanaimis beathú cíche agus oibriú, oibriú!’ agus ciallaíonn síneadh na sosanna beathú cíche go dtugtar tacaíocht do mhná atá ag filleadh ar an obair tar éis saoire mháithreachais leanúint ar aghaidh ag beathú cíche fiú tar éis dóibh filleadh ar an obair. Tá na rátaí beathú cíche is ísle san AE ag Éirinn agus léiríonn sonraí ag Growing Up in Ireland nasc idir mná ag filleadh ar an obair agus ag stopadh beathú cíche. Uirlis luachmhar is ea rochtain ar shosanna beathú cíche chun tacú le beathú cíche leathnaithe do mhná atá ag filleadh ar an obair tar éis leanbh a bheith acu."
Ba ghealltanas tábhachtach freisin é síneadh na sosanna beathú cíche faoin gCéad 5 Straitéis atá comhlíonta anois.