Seolann an tAire Humphreys Comhairliúchán Poiblí ar Scéim Deontais le hionaid oibre a oiriúnú d’fhostaithe faoi mhíchumas.
Foilsithe
An t-eolas is déanaí
Foilsithe
An t-eolas is déanaí
Sheol an tAire Coimirce Sóisialaí Heather Humphreys comhairliúchán poiblí inniu ar an athbhreithniú a rinne a roinn ar scéim deontais Chiste Freastail Réasúnta a roinne.
Beidh an comhairliúchán poiblí ar siúl i rith na chéad 4 seachtaine eile go dtí Dé hAoine, an 29 Aibreán 2022.
Tá deontais an Chiste Freastail Réasúnta ar fáil d’fhostóirí, fostaithe, cuardaitheoirí poist agus daoine féinfhostaithe. Tacaíonn na deontais le hionaid oibre chun dul i mbun na mbeart cuí lena chinntiú go gcuirtear deiseanna fostaíochta comhionanna ar fáil do dhuine faoi mhíchumas trí na deontais seo a leanas a sholáthar:
Tá an comhairliúchán mar chuid d’athbhreithniú faoina bhfuiltear ag tabhairt faoi ‘Plean Gníomhaíochta don Straitéis Chuimsitheach Fostaíochta do Dhaoine faoi Mhíchumas’ de chuid an rialtais lena chinntiú go dtacaítear le agus go gcumasaítear daoine faoi mhíchumas ar mian agus ar féidir leo obair a dhéanamh, amhlaidh a dhéanamh.
Dúirt an tAire Humphreys an méid seo a leanas agus an Comhairliúchán Poiblí á sheoladh aici:
“Cuireann na deontais seo tacaíocht airgeadais ar fáil do chuardaitheoirí poist agus d’fhostaithe faoi mhíchumas agus do dhaoine féinfhostaithe chun cabhrú leo ionaid oibre a dhéanamh níos inrochtana.
“Téann ionchuimsiú chun sochair gach duine, gnólachtaí, daoine aonair, agus na sochaí, agus is mian liom, dá bharr, a mhéid daoine agus is féidir a spreagadh a insint dúinn cad a cheapann siad faoin scéim.
“Cuireann na deontais seo airgead ar fáil chun cabhrú le hionaid oibre a dhéanamh níos inrochtana. Ciallaíonn seo gur fusa a bheidh sé ar dhaoine faoi mhíchumas glacadh le fostaíocht agus, thar aon ní eile, go leanfaidh siad de bheith fostaithe. Spreagann siad fostóirí freisin an iomaí sochar a bhaint a chruthaíonn ionad oibre éagsúil agus ionchuimsitheach.
“Ar an drochuair, níor ghlac mórán daoine páirt sa scéim go dtí seo agus sin an fáth go bhfuil comhairliúchán poiblí á sheoladh agam.
“Spreagaim daoine faoi mhíchumas, fostóirí, grúpaí ionadaíocha agus an pobal i gcoitinne go mór bhur gcuid dearcthaí a roinnt faoin gCiste Freastail Réasúnta reatha agus faoi cén bearta is féidir a dhéanamh le feabhas a chur ar an gciste agus le níos mó daoine a spreagadh páirt a ghlacadh sa scéim.”
Dúirt an tAire freisin:
“Mar Aire Coimirce Sóisialaí, tá roinnt beart déanta agam le cabhrú le daoine faoi mhíchumas an fhostaíocht a bhaint amach.
“Mhéadaigh mé an Scéim Fóirdheontais Pá do Dhaoine faoi Mhíchumas i mBuiséad 2022. Anuas air seo, fógraím inniu tríd an gcomhairliúchán gur mhaith liom moltaí a fháil faoi conas is féidir linn cur le agus feabhas a chur ar scéim deontais thábhachtach eile – an Ciste Freastail Réasúnta - chun go dtacaítear le níos mó daoine faoi mhíchumas an lucht saothair a bhaint amach.
“Thar aon ní eile, is mian liom réimse fairsing aighneachtaí ina bhfuil smaointe faoi conas is féidir liom an tacaíocht seo a fhorbairt ar mhaithe le daoine faoi mhíchumas a ghlacann le hobair a fheiceáil.
“Tá sé an-tábhachtach go deo go bhforbraímid tacaíochtaí níos fearr, ar féidir leo a chinntiú gur féidir le daoine faoi mhíchumas deiseanna fostaíochta a thapú.”
Tá an suirbhé agus an t-eolas faoin gcomhairliúchán poiblí ar fáil ag: www.gov.ie/rafsurvey.
Foilseoidh an Roinn tuarascáil ina bhfuil achoimre ar na haighneachtaí scríofa agus torthaí an tsuirbhé, níos déanaí i mbliana.
Faoi na hAchtanna um Chomhionannas Fostaíochta, 1998-2015, caithfidh fostóirí freastal réasúnta a sholáthar d’iarrthóirí fostaíochta agus d’fhostaithe faoi mhíchumas, murach go leagfadh na bearta seo ualach díréireach orthu.
Tá an Roinn Coimirce Sóisialaí tiomanta do chur ar chumas daoine faoi mhíchumas oibriú. Thug an Roinn roinnt beart isteach le blianta beaga anuas:
Thug Buiséad 2022 athruithe suntasacha isteach lena cheadú do dhaoine níos mó a thuilleamh agus cuid níos mó dá n-íocaíochtaí míchumais á coimeád acu:
Mhéadaigh Buiséad 2022 ráta na Scéime Fóirdheontais Pá freisin ó €5.30 go €6.30 san uair an 1 Eanáir 2022.