Figiúirí Míosúla um Liosta Feithimh - Eanáir 2024
Foilsithe
An t-eolas is déanaí
Foilsithe
An t-eolas is déanaí
Sna figiúirí nua i leith liostaí feithimh ospidéil a d’fhoilsigh an Ciste Náisiúnta um Cheannach Cóireála (CNCC) inniu, léirítear an dul chun cinn leanúnach atá déanta le bliain anuas, trí chur chuige an phlean gníomhaíochta ilbhliantúil, chun dul i ngleic le liostaí feithimh atá ag dul i méad agus amanna feithimh fada.
Tá laghdú timpeall 25% tagtha ar an líon daoine atá ag feitheamh níos mó ná spriocanna Sláintecare ón am a bhí na líonta is mó ann aimsir na paindéime, ar ionann é sin agus beagnach 155,000 duine. Ba é 472,628 an líon iomlán daoine ar an liosta feithimh a sháraigh na spriocanna 10 agus 12 seachtaine ag deireadh Eanáir 2024, agus is ionann sin agus laghdú 8% (42,655) ó dheireadh mhí Feabhra 2023 (nuair a thosaigh an CNCC ar figiúirí míosúla um amanna feithimh Sláintecare a fhoilsiú den chéad uair). Ba ionann líon iomlán na n-othar a bhí ag feitheamh laistigh de spriocanna Sláintecare ag deireadh mhí Eanáir 2024 ná 206,619, nó laghdú 3% ó mhí na Nollag 2023.
Le bliain anuas, ó Eanáir 2023 i leith, tá laghdú 18,646 (-3%) tagtha ar an liosta feithimh iomlán. Amhail deireadh mhí Eanáir, bhí 679,247 othar ar na liostaí feithimh ospidéil gníomhacha. Ó Eanáir 2023, tháinig laghdú -20,979 (-4%) ar liosta feithimh na n-othar seachtrach (OPD), tháinig méadú 2,811 (IPDC) ar liosta feithimh na n-othar cónaitheach/lae (+3%) agus léirítear sa chomparáid bliain ar bhliain ag deireadh mhí Eanáir 2024 gur tháinig laghdú -478 (-2%) ar liosta feithimh le haghaidh Scóip Ghastraistéigeach.
Go traidisiúnta is é mí Eanáir an am a sheachadtar cúram roghnach teoranta mar gheall ar an ardú san éileamh ar chúram neamhsceidealaithe tar éis na Nollag agus mar gheall ar leibhéil arda tinnis riospráide a bhíonn ann. Dá réir sin, bheimis ag súil le treocht aníos ar liostaí feithimh do chúram roghnach ag an am seo.
Amhail deireadh mhí Eanáir 2024:
Mar gheall ar bhearnaí suntasacha sonraí atá ann de thoradh gníomhaíocht thionsclaíoch reatha, chuir Feidhmeannacht na Seirbhíse Sláinte (FSS) in iúl go bhfuil foilsiú nuashonrú gníomhaíochta mhí Feabhra, a chlúdaíonn an tréimhse ó mhí na Samhna 2022 go dtí mí Dheireadh Fómhair 2023, curtha ar atráth. Sa tuarascáil, soláthraítear léargas rialta ar leibhéil ghéarghníomhaíochta, agus na milliúin othar á láimhseáil agus á gcóireáil go bliantúil laistigh dár gcóras ospidéil amháin. I ndáil leis an tréimhse 12 mhí de shonraí is déanaí a bhí ar fáil, bhí c.3.5 milliún othar seachtrach agus c.1.8 milliún othar cónaitheach / lae i láthair.
Anuas ar an gcúram pleanáilte (‘sceidealaithe’) seo, sa chóras ospidéil againn, cuireadh cóireáil ar c.1.6 milliún othar le linn na tréimhse céanna seo mar chúram éigeandála (‘neamhsceidealta’), arb ionann é agus méadú c.8% ar leibhéil 2019 (réamhphaindéimeach) agus léiríonn sé sin an brú leanúnach atá ar ospidéil agus an freastal méadaithe ar Rannóg Éigeandála (ED), go háirithe i measc daoine scothaosta.
In ainneoin na ndúshlán suntasach a tháinig as paindéim COVID-19, brúnna ranna éigeandála agus fachtóirí oibríochtúla eile, lena n-áirítear an earcaíocht, tá feabhsuithe curtha i gcrích ag ár n-ospidéil atá ag déanamh difríocht mhór d’othair. Tá laghduithe suntasacha bainte amach ag go leor ospidéal aonair i ndáil lena liostaí feithimh agus na tréimhsí feithimh. Tá FSS ag obair faoi láthair chun an fheidhmíocht dhearfach seo a mhacasamhlú ar fud an chórais ospidéil ar fad.
Mar shampla, sa bhliain is deireanaí, in Ospidéal Mhuire na hUaimhe, laghdaíodh líon na n-othar atá ag feitheamh thar 15 mhí ar choinní OPD faoi 64% ó 1,417 go 516. Ina theannta sin, in Ospidéal Réigiúnach Lár na Tíre an Mhuileann gCearr, laghdaíodh líon na n-othar atá ag feitheamh thar 9 mí ar ghnáthamh IPDC faoi 66%, ó 173 go 59, agus in Ospidéal Ollscoile na Gaillimhe laghdaíodh líon na n-othar atá ag feitheamh níos mó ná 13 seachtaine le haghaidh gnáthaimh ionscópacht ar an drólann nó Éasafaga-Gastra-Dúidéineascópacht (OGD) faoi 60%, ó 827 go 328.
Don bhliain 2024, tá pacáiste maoinithe iomlán de €407 milliún á leithdháileadh chun dul i ngleic le liostaí feithimh le €332 milliún de seo á leithdháileadh ar Phlean Gníomhaíochta Liosta Feithimh 2024 agus an €75 milliún eile á dhíriú ar bhearta éagsúla chun liostaí feithimh le haghaidh cúram pobail/bunúil a mhaolú.
Cuimseoidh an cistiú gníomhaíocht lárnach FSS, breisíocht a sholáthrófar tríd an NTPF agus an FSS, chomh maith le forbairtí seirbhíse nua a chur chun cinn chun cúram roghnach a leasú tuilleadh. Sa tslí sin éascófar na chéad chéimeanna eile sa chur chuige ilbhliantúil i dtreo rochtain thráthúil agus thrédhearcach ar chúram sceidealta d’ardchaighdeán a bhaint amach do chách, áit agus nuair a bhíonn sé de dhíth orthu, ag teacht le hathchóirithe Sláintecare.