Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
D'fhormheas an tAire Stáit do lánpháirtíocht Joe O' Brien inniu €500,000 do mhaoiniú faoin gCiste lánpháirtíochta imirceach 2023.
Anois sa seachtú bliain, céiliúrann an Ciste lánpháirtíochta imirceach an éagsúlacht chultúrtha i measc na bpobal áitiúla agus cumasaítear eagraíochtaí pobalbhunaithe áitiúla leis ar fud na hÉireann chun ról níos fearr a ghlacadh sa phróiseas lánpháirtíochta na n-imirceach. Gheobhaidh na heagraíochtaí a éiríonn sa phróiseas roghnaithe maoiniú idir €1,000 – €5,000 chun tacú le tionscnaimh lánpháirtíochta áitiúla.
Agus é ag cur fáilte roimh an bhfógra, dúirt an tAire Stáit an tÚasal Uí Bhriain:
“Tá áthas an domhain orm a chur in iúl go láinseáiltear an Ciste Lánpháirtíochta Pobal 2023. Ba bhreá linn a chinntiú go dtacaítear le cibé duine atá tar éis cur faoi nó cur fúithi anseo chun páirt a ghlacadh i sochaí na hÉireann, agus ag an am chéanna go mbeifí in ann an fhéiniúlacht chultúrtha atá aige nó aici a choimeád beo. Is trí thionscnaimh a chuireann chun cinn uileghabhálacht, éagsúlacht agus cultúr a thacú gur féidir linn pobail níos láidre agus níos nasctha a chruthú.”
Is féidir le hiarratasóirí rochtain a fháil ar dhoiciméad treorach mionsonraithe agus foirm iarratais ar líne a chomhlánú anseo
Is é an dáta deiridh chun iarratais a fháil 12 i.n Céadaoin an 15ú Márta 2023.
Leagtar amach i straitéis lánpháirtíochta na n-imirceach tiomantas an Rialtais chun lánpháirtíocht imirceach a chur chun cinn mar chuid de chlár athnuachana na hÉireann agus mar chuid de bhunphrionsabail na sochaí éireannaí. Cuireann an straitéis ar fáil creathlach chun réimse aicsean a thacaíonn le himircigh páirt a ghlacadh i saol na hÉireann
Eascraíonn an Ciste Lánpháirtíochta Pobal ó Aicsean 51 atá sa straitéis lánpháirtíochta imirceach, rud a mhol go gcuirfear ar fáil maoiniú do phobail áitiúla ar fud na hÉireann chun lánpháirtíocht imirceach agus iarrthóirí tearmainn a thacú. Ó bunaíodh é i 2017, tá an Ciste Lánpháirtíochta Pobal tar éis tacaíocht a thabhairt do 710 tionscadal a fuair maoiniú deontais de €3.32m.
Is féidir le grúpaí pobalbhunaithe áitiúla a bheith páirteach sa scéim agus is iad na 10 príomhthéama seo a leanas chun lánpháírtíocht imirceach a thacú:
● Feasacht idirchultúrtha
● Troid in aghaidh an chiníochais;
● Cluichí spóirt agus pobail;
● Na hEalaíona;
● Bia/cócaireacht;
● Imeachtaí an phobail;
● Forbairt Acmhainne;
● Fostaíocht
● Tionscadail do dhaltaí scoile;
● Mná imirceach.
De bharr go bhfuil sé d'aidhm an chiste tacaíocht a thabhairt do lánpháirtíocht imirceach agus phobail a bhfuil imircigh iontu, ní mór go dtaispeáinfí i ngach iarratas go bhfuil sé de chumas ag an eagraíocht na pobail imirceach agus óstach araon a chur páirteach sna gníomhaíochtaí atá beartaithe. Is féidir iarratas a chur isteach don uasmhéid deontais de €5,000 agus tá íosmhéid an deontais €1,000.