Preasráitis
Ráiteas ón bhFoireann Náisiúnta Éigeandála Sláinte Poiblí - Déardaoin an 13 Eanáir 2022
Foilsithe
An t-eolas is déanaí
Foilsithe
An t-eolas is déanaí
Cuireadh 18,904* cás deimhnithe COVID-19 in iúl don Ionad Faireachais um Chosaint Sláinte inniu.
Amhail 8am inniu, tá 1,011 othar COVID-19 san ospidéal, agus tá 92 acusan san aonad dianchúraim.
Dúirt an Dr. Tony Holohan, Príomhoifigeach Leighis, an Roinn Sláinte:
“Tá sé tábhachtach a thabhairt ar aird go gcuireann an chomhairle sláinte poiblí is déanaí maidir le féin-aonrú agus srianadh gluaiseachta béim níos mó ar úsáid maisc aghaidhe de ghrád níos airde, i gcomparáid le maisc éadach. Moltar bearta cosanta eile lena n-áirítear teorannú dian ar theagmhálacha sóisialta ar feadh na 10 lá iomlán tar éis ionfhabhtú COVID-19 deimhnithe nó dlúth-theagmháil. Tá na comhbhearta seo beartaithe chun aon mhéadú ar an riosca tarchuir a fhritháireamh a d’fhéadfadh a bheith mar thoradh ar laghdú agus nó baint an cheanglais maidir le féin-aonrú nó srian a chur ar ghluaiseachtaí.
"Moltar anois go n-úsáideann na daoine seo a leanas maisc de ghrád leighis nó FFP2:
“Féadann ról lárnach a bheith ag maisc maidir le tarchur COVID-19 a laghdú má dhéantar iad i gceart, má tá siad fáiscthe go maith agus má chaitear i gceart iad - is é sin go gclúdaíonn siad an srón, an béal agus an smig.
“Tríd na bunbhearta sláinte poiblí go léir a leanúint, lena n-áirítear vacsaíniú, is féidir linn scaipeadh COVID-19 a laghdú agus leanúint orainn féin agus ár ngaolta a chosaint ar ionfhabhtú. Lean ar aghaidh ag cur scaradh sóisialta agus sláinteachas láimhe maith i bhfeidhm, ag obair ón mbaile mura bhfuil gá le freastal, seachain sluaite agus cinntigh go bhfuil spásanna laistigh agus iompar poiblí aeráilte (fuinneoga oscailte).
Tá staitisticí ar vacsaínithe teanndáileoige ar fáil anois ar Mhol sonraí COVID-19.
#Cosaint Ilshraitheach chun cosaint a dhéanamh i gcoinne ionfhabhtú COVID19. Tá raon póstaer agus comharthaí ar fáil duit le húsáid.
I bhfianaise na minicíochta ard atá ann faoi láthair, tá líon na gcásanna laethúla bunaithe ar thorthaí dearfacha SARS-CoV-2 arna n-uaslódáil chuig Rianaire Cúraim COVID FSS an lá roimhe sin. Tá na sonraí seo sealadach. Leanfaidh HPSC agus comhpháirtithe faireachais ag tabhairt fógra agus próiseáil cásanna agus ráigeanna de COVID-19 ar CIDR thar an tréimhse seo.