Preasráitis
Fógraíonn an tAire Humphreys agus Joe O’Brien maoiniú chun tacú le Scéimeanna Fostaíochta Pobail
Foilsithe
An t-eolas is déanaí
Foilsithe
An t-eolas is déanaí
D’fhógair an tAire Coimirce Sóisialaí, Heather Humphreys TD, agus an tAire Stáit, Joe O’Brien TD, deontais aonuaire suas le €1,000 inniu chun tacú le Scéimeanna Fostaíochta Pobail ar fud na tíre.
Cabhróidh an maoiniú le heagraíochtaí urraíochta Fostaíochta Pobail (FP) le costas na n-ábhar a cheannach.
Tá dhá chuspóir ag FP, is iad sin;
Soláthraíonn thart ar 813 scéim FP raon leathan de phríomhsheirbhísí pobail ar fud na tíre, go háirithe i gceantair uirbeacha agus thuaithe atá faoi mhíbhuntáiste.
Tá 19,274 rannpháirtí ar FP faoi láthair agus buiséad bliantúil de os cionn €350 milliún acu in 2024.
Tagann an beart seo sa bhreis ar athruithe roimhe seo a thug an tAire Humphreys agus an tAire O’Brien isteach anuraidh.
Agus na hathruithe á bhfógairt aici, dúirt an tAire Humphreys:
“Mar Aire Coimirce Sóisialaí agus Forbartha Tuaithe agus Pobail araon, aithním an ról ríthábhachtach atá ag scéimeanna Fostaíochta Pobail agus a rannpháirtithe i bpobail áitiúla ar fud na tíre.
“Tacaíonn na scéimeanna seo le raon seirbhísí ríthábhachtacha áitiúla i réimsí mar chúram leanaí, béilí ar rothaí, cothabháil agus cothú na n-áiseanna áitiúla agus obair ríthábhachtach eile inár bpobail.
“Tá lúcháir orm a fhógairt go bhfuil deontas aonuaire breise de €1,000 á chur ar fáil d’eagraíochtaí urraíochta Fostaíochta Pobail i dtreo a gcostas ábhar. Tuigeann an Rialtas go mór an tionchar atá ag costais ardaithe ar ghrúpaí pobail ar fud na tíre. Sin an fáth go bhfuil an tacaíocht bhreise seo á cur ar fáil againn inniu. Tá a fhios agam go gcuideoidh an tacaíocht bhreise seo le himní de go leor urraitheoirí Fostaíochta Pobail a mhaolú.
“Is as pobal tuaithe mé féin agus bhí mé i gcónaí ag creidiúint go paiseanta sna buntáistí a bhaineann le cláir mar FP do rannpháirtithe agus do phobail araon.”
Dúirt an tAire Stáit Joe O’Brien:
“Léiríonn an deontas breise aonuaire seo de €1,000 i dtreo costais ábhartha agus na feabhsuithe ar cháilitheacht FP tiomantas an Rialtais do thacaíocht leanúnach FP agus do na seirbhísí luachmhara a sholáthraíonn siad do phobail, chomh maith leis an taithí oibre luachmhar leanúnach agus na deiseanna oiliúna a chuireann siad ar fáil do dhaoine atá dífhostaithe go fadtéarmach. Oibríonn rannpháirtithe FP go páirtaimseartha chun seirbhísí riachtanacha a chur ar fáil do phobail áitiúla.”
Nótaí d'Eagarthóirí:
Is clár gníomhach sa mhargadh saothair é Fostaíocht Phobail (FP) atá deartha chun deis a thabhairt do dhaoine incháilithe atá dífhostaithe go fadtéarmach agus do dhaoine faoi mhíbhuntáiste eile dul i mbun oibre úsáidí laistigh dá bpobail ar bhonn sealadach, ar théarma seasta.
Fostaíonn údaráis urraithe FP rannpháirtithe chun réimse seirbhísí a chur ar fáil do phobail áitiúla timpeall na tíre. Chomh maith le cur le soláthar na seirbhísí áitiúla, forbraíonn rannpháirtithe FP réimse scileanna gairme agus taithí oibre a chabhraíonn leo deis níos fearr a bheith acu ar fhostaíocht lánaimseartha a fháil.
Is iad na cineálacha oibre a dhéanann na rannpháirtithe FP ná bainistiú áiseanna áitiúla, tionscadail chomhshaoil, na healaíona agus cultúr, spóirt, cúram leanaí, Bailte Slachtmhara, seirbhísí a bhaineann le sláinte, béilí ar rothaí agus scéimeanna athshlánúcháin ó dhrugaí.