Preasráitis
An Taoiseach le freastal ar an gComhairle Eorpach, Cruinniú Mullaigh Euro agus Cruinniú Cheannairí na mBalcán Thiar
Foilsithe
An t-eolas is déanaí
Foilsithe
An t-eolas is déanaí
Taistealóidh an Taoiseach Micheál Martin chuig an mBruiséil le haghaidh chruinniú an AE agus Cheannairí na mBalcán Thiar, cruinniú 2 lá na Comhairle Eorpaí, agus Cruinniú Mullaigh Euro ar an 23 agus 24 Meitheamh.
Pléifidh na ceannairí an Úcráin, lena n-áirítear iarratas na hÚcráine ar bhallraíocht an AE, mar aon le hiarratas na Moldóive agus na Seoirsia. Táthar ag súil go nglacfar cinneadh stairiúil maidir le stádas mar iarrthóir ar bhallraíocht san AE a dhearbhú don Úcráin agus don Mholdóiv de réir na moltaí is déanaí ón gCoimisiúin Eorpach.
Pléifidh na hiarrthóirí freisin tionchar chogadh na Rúise ar an Úcráin a leanann go fóill, agus gealltanas an AE leanúint lena thacaíocht láidir dhaonnúlach, mhíleata, eacnamaíochta agus airgeadais. Cáinfidh siad freisin an Rúis as soláthar bia a úsáid mar arm, grán a ghoid, agus calafoirt a bhlocáil, gníomhartha atá ag cur tíortha, go háirithe tíortha leochaileacha, i mbaol gorta agus éagobhsaíocht pholaitíochta agus shóisialta.
Pléifidh na ceannairí freisin an Eoraip i gcoitinne, lena n-áirítear an smaoineamh go mbeadh pobal polaitíochta na hEorpa ag cothú idirphlé polaitiúil agus comhoibriú ar dhúshláin straitéiseacha ar fud réigiún s’againne.
Dé hAoine, díreoidh na ceannairí ar shaincheisteanna eacnamaíochta, lena n-áirítear cruinniú de chuid Chruinniú Mullaigh an AE ina mbeidh Uachtarán an Bhainc Ceannais Eorpaigh, Christine Lagarde, agus Uachtarán an Ghrúpa Euro, Paschal Donohoe, maidir le féidearthachtaí eacnamaíochta amach anseo ag caint. Tá na Ballstáit ar fad ag dul i ngleic leis na dúshláin ó thaobh praghsanna bia agus fuinnimh chomh maith le rátaí boilscithe agus úis atá ag ardú.
Roimh an gcuairt, dúirt an Taoiseach:
“D'áitigh mé go láidir go mbronnfaí stádas iarrthóra ar an Úcráin ag an gComhairle Eorpach an tseachtain seo. Roghnaigh muintir na hÚcráine todhchaí san Aontas Eorpach agus tá tacaíocht iomlán tuillte acu agus ag an Moldóiv. Tá athrú ó bhonn tagtha ar Éirinn leis an 50 bliain i mballraíocht an AE agus tá muid réidh eispéireas s’againne féin a roinnt leo siúd atá ag iarraidh ballraíocht a ghlacadh. Ba mhaith liom dá dtabharfaí na deiseanna céanna dár bpáirtithe sna Balcáin Thiar freisin.
Tá mé ag tnúth freisin mar is féidir linn leanúint de thacaíocht pholaitíochta, eacnamaíochta, dhaonnúlach agus tacaíochtaí eile atá ag teastáil uaithi a chur ar fáil don Úcráin a phlé le comhghleacaithe. Pléifidh muid freisin an chaoi ar úsáid an Rúis an t-ocras mar arm go soiniciúil agus ár dtacaíocht maidir le hiarrachtaí na Náisiún Aontaithe bealaí a aimsiú chun grán agus bia-ábhar eile a easpórtáil.
Beidh an plé a dhéanfaidh muid maidir le dúshláin eacnamaíochta tábhachtach freisin - Tá muid go léir ag tabhairt aghaidh ar na praghsanna céanna atá ag ardú d’fhuinneamh agus bia chomh maith leis an ardú atá ar rátaí boilscithe agus úis. Ní mór dúinn oibriú le chéile chun athléimneacht an gheilleagair a neartú, tacú lenár saoránaigh agus dul i ngleic lenár láidreachtaí, go háirithe ó thaobh an Mhargaidh Aonair atá ag éirí níos measa.
Thaispeáin limistéar an Euro chomh athléimneach is atá sé le linn COVID-19, agus cuirfidh mé fáilte chroíúil roimh an gCróit a bheidh ar an 20ú tír chun glacadh leis an Euro ó thús na bliana seo chugainn.”