Preasráitis
Ráiteas ón bhFoireann Éigeandála Sláinte Poiblí Náisiúnta - Dé hAoine, an 9 Aibreán 2021
Foilsithe
An t-eolas is déanaí
Foilsithe
An t-eolas is déanaí
Cuireadh an tIonad Faireachais um Chosaint Sláinte ar an eolas inniu ar 34 bás bhreise a bhaineann le COVID-19.
As na básanna a tugadh le fios inniu, tharla 3 bhás in Aibreán, 4 bhás i Márta, 19 mbás i bhFeabhra, 5 bhás in Eanáir agus 3 bhás i mí na Nollag nó níos luaithe.
Ba é 81 bliain meánaois na ndaoine siúd a fuair bás, agus ba é an raon aoise idir 33 agus 96 bliain.
Tá 4,769* duine, ar an iomlán, tar éis bás a fháil in Éirinn go dtí seo a bhain le COVID-19.
Amhail meán oíche Déardaoin, an 8 Aibreán, cuireadh an IFCS ar an eolas ar 473 cás deimhnithe de COVID-19.
Tá 240,192** cás deimhnithe, ar an iomlán, de COVID-19 ann anois in Éirinn.
As na cásanna a cuireadh in iúl inniu:
Amhail 8am inniu, tá 212 othar COVID-19 san ospidéal, agus tá 53 astu siúd san aonad dianchúraim. Tugadh 17 nduine sa bhreis go dtí an t-ospidéal le 24 uair an chloig anuas.
Amhail an 6 Aibreán 2021, tugadh 961,887 dáileog de vacsaín COVID-19 in Éirinn:
Dúirt an Dr Ronan Glynn, an Príomhoifigeach Leighis Gníomhach, an Roinn Sláinte;
“Beidh aon duine a nochtadh do COVID-19 i rith dheireadh seachtaine na Cásca níos tógálaí anois ná mar a bhí go dtí seo - déan aonrú agus déan teagmháil le do DG, le do thoil, chun tástáil a shocrú má tá aon chomharthaí COVID-19 ort.”
Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal, sonraí laethúla san áireamh faoi Chlár Vacsaínithe COVID-19 na hÉireann.
CRÍOCH
** Mar thoradh ar bhailíochtú sonraí a rinne an IFCS, rinneadh 4 chás dheimhnithe a dhífhógairt. Léirítear é seo san fhigiúr 239,727 cás deimhnithe.
*** Ba cheart a mheas go bhfuil sonraí faoi chontae sealadach mar gheall gur córas dinimiciúil é an Córas Tuairiscithe náisiúnta Ríomhairithe Galar Tógálach (CIDR) agus tá sonraí faoi chásanna á mbailíochtú agus á nuashonrú go leanúnach.
| Contae | Cásanna an lae inniu (go dtí meán oíche an 08Aib2021) | Meán gluaisteach 5 lá (go dtí meán oíche an 08Aib2021) | Ráta na dteagmhas 14 lá in aghaidh gach 100,000 duine den daonra (ón 26Már2021 go dtí an 08Aib2021) | Cásanna Nua le 14 lá anuas (ón 26Már2021 go dtí an 08Aib2021) |
| Éire | 473 | 411 | 144.9 | 6901 |
| Uíbh Fhailí | 13 | 10 | 323.2 | 252 |
| An Iarmhí | 12 | 10 | 239.9 | 213 |
| Laois | 7 | 9 | 231.4 | 196 |
| Baile Átha Cliath | 229 | 190 | 226.9 | 3057 |
| Cill Dara | 32 | 35 | 220.2 | 490 |
| An Cabhán | 13 | 9 | 193 | 147 |
| Dún na nGall | 30 | 18 | 192.8 | 307 |
| An Mhí | 19 | 18 | 173.8 | 339 |
| An Longfort | <5 | 3 | 139.5 | 57 |
| Lú | 5 | 10 | 131.1 | 169 |
| Cill Mhantáin | 10 | 10 | 121.5 | 173 |
| Muineachán | 7 | 6 | 112.4 | 69 |
| Loch Garman | <5 | 8 | 104.9 | 157 |
| Tiobraid Árann | 8 | 8 | 104 | 166 |
| Maigh Eo | 21 | 8 | 95.8 | 125 |
| Gaillimh | 18 | 17 | 86.4 | 223 |
| Luimneach | 13 | 8 | 81.1 | 158 |
| Ros Comáin | 6 | 2 | 74.4 | 48 |
| Corcaigh | 14 | 18 | 58.4 | 317 |
| Port Láirge | <5 | 5 | 56.8 | 66 |
| Liatroim | 0 | 0 | 53.1 | 17 |
| An Clár | <5 | 2 | 44.6 | 53 |
| Ceatharlach | 0 | 1 | 40.4 | 23 |
| Ciarraí | <5 | 3 | 30.5 | 45 |
| Sligeach | <5 | 1 | 21.4 | 14 |
| Cill Chainnigh | <5 | 1 | 20.2 | 20 |
~Cuireann meán gluaisteach 5 lá na gcásanna nua táscaire cuí ar fáil maidir le líonta na gcásanna reatha laethúla laistigh de chontae. Cuirtear san áireamh ann aon chásanna a dhéantar a bhailíochtú le haghaidh laethanta roimhe seo agus cuirtear san áireamh meán luaineacht laethúil/deireadh seachtaine na líonta cásanna.