Preasráitis
Oileán na Seod: Féile speisialta litríochta fógartha ag Oifig na nOibreacha Poiblí chun ceiliúrthaí Oileán Gharinse a chomóradh
Foilsithe
An t-eolas is déanaí
Foilsithe
An t-eolas is déanaí
Chuaigh Conal Creedon, an scríbhneoir Éireannach cáiliúil, i bpáirt le Rosemary Collier, Ceannasaí Oidhreachta in Oifig na nOibreacha Poiblí (OOP) ar Oileán Gharinse in Iarthar Chorcaí Dé Máirt, 1 Lúnasa, chun ócáid liteartha ar leith a bheidh ar siúl ar an oileán an mhí seo a sheoladh.
Mar chomóradh ar 70 bliain ó bronnadh Oileán Gharinse do Stát na hÉireann, tá Oifig na nOibreacha Poiblí ag obair leis an ngrúpa Good Room chun ‘Crosstown Drift Goes To Garinish’, féile liteartha speisialta a mhaireann dhá lá a chur i láthair ó 12 Lúnasa go 13 Lúnasa.
Beidh cuairteoirí in ann taitneamh a bhaint as léamha agus comhráite le scríbhneoirí clúiteacha Éireannacha agus iad ag cur eolais ar an áilleacht shíoraí agus ar an domhan foscúil i ngairdíní cáiliúla Gharinse.
D’oibrigh an t-ailtire agus dearthóir gairdín Harold Peto leis na húinéirí bunaidh Annan agus Violet Bryce go luath san fhichiú haois chun na gairdíní a chruthú. Sa lá atá inniu ann, tugann Oifig na nOibreacha Poiblí aire chúramach do na tailte iontacha agus déantar iad a chaomhnú thar ceann Stát na hÉireann agus mhuintir na hÉireann.
Tá na gairdíní suite cois bá an Ghleanna Ghairbh agus na sléibhte mórthimpeall, agus is féidir le haíonna taitneamh a bhaint as an gcúlra drámata, ag éisteacht le léamha i suíomhanna éagsúla i ndiaidh a chéile, lena n-áirítear an Teampall Gréagach, Casita, An Túr Cloig, Túr Martello bunaidh chomh maith le Teach Bryce féin.
Osclófar an fhéile tráthnóna Dé Sathairn ag 5.30pm leis na scríbhneoirí Doireann Ní Ghríofa, Conal Creedon, Catherine Kirwan, Danny Denton agus Lisa McInerney, ag ócáid dá dteastóidh ticéad agus a óstálfaidh Eoghan O’Sullivan ón Irish Examiner.
Beidh sé ar siúl ar an Domhnach ó 12pm go 4.30pm le raon imeachtaí saor in aisce ar fud Oileán Gharinse. Beidh raon leathan imeachtaí ann lena n-áirítear spórt, bia, athbhunú speicis san fhiántas ar leithinis Bhéarra agus éiceolaíocht éin Chontae Chorcaí le scríbhneoirí mealltacha ar nós Eoghan. Daltún, Patrick Smiddy agus Mark Shorten, Eimear Ryan & Ciarán Murphy agus Denis Cotter.
Dúirt an tAire Stáit atá freagrach as Oifig na nOibreacha Poiblí, Patrick O’Donovan, T.D:
“Is áit uathúil é Oileán Gharinse agus tá sé de phribhléid againn go bhfuil muid in ann an tseoid seo a roinnt le cuairteoirí ó chian is ó chóngar le 70 bliain. Tá sé thar a bheith oiriúnach go mbeimis ag comóradh bronntanas mhuintir Bryce ar an náisiún le rud speisialta do chuairteoirí i mbliana.” Anuraidh, bhí Oifig na nOibreacha Poiblí in ann líon na gcuairteoirí anseo a mhéadú go dtí breis agus 63,000 agus táim cinnte go meallfaidh ‘Crosstown Drift Goes To Garinish’ cuairteoirí nua agus cuairteoirí a bhí ann cheana féin chuig an áit álainn seo. Ag an am céanna, cabhróidh sé leis tairbhí cultúrtha agus eacnamaíocha na turasóireachta a uasmhéadú sa limistéar ardtaitneamhachta seo.”
Dúirt Rosemary Collier leis:
“Roghnaigh muintir Bryce Oileán Gharinse i gCuan an Ghleanna Ghairbh chun na gairdíní iontacha seo a fheicimid anseo inniu a bhunú. Ba chúis áthais do na glúnta cuairteoirí chuig an oileán riamh dearaí saincheaptha Peto agus plandaí a chuir an garraíodóir clúiteach Murdo Mackenzie leis an mbailiúchán plandaí. Táim bródúil as an ról ríthábhachtach atá ag Oifig na nOibreacha Poiblí i gcaomhnú agus i mbainistiú na ngnéithe uathúla ailtireachta agus gairneoireachta agus ó thaobh Teach Bryce, Casita, Na Gairdíní Iodálacha agus an ghairdín múrtha Victeoiriach a nuachóiriú. Is suíomh iontach é Garinish don lucht léitheoireachta agus comhrá spreagúil seo agus tá foireann Oifig na nOibreacha Poiblí ar an oileán ag tnúth le ceiliúradh a dhéanamh ar an gcomóradh seo le raon cuairteoirí thar an deireadh seachtaine.”
Ag súil le tús na féile, dúirt an t-úrscéalaí, drámadóir agus scannánóir aitheanta clár faisnéise Conal Creedon:
“Is é Gleann na Garbh an geata isteach i mBéarra – agus is é Garinis an tseoid i gCoróin Chuan Bheanntraí. Is as Béarra do mhuintir mo mháthar agus is as Uíbh Ráthach do m’athair – is teacht abhaile i gcónaí domsa é Oileán Garinis. Is áit spleodrach í agus táim ag tnúth le bheith ar ais i measc mo mhuintir féin.”
Tá urlabhraí OOP ar fáil le haghaidh agallaimh ach é a iarraidh. Iarr tuilleadh eolais ar pressoffice@opw.ie . Gheofar grianghraif den seoladh oifigiúil ó Valerie O’Sullivan ag valerieosullivanf8@gmail.com .
Lean sinn ar Twitter @opwireland
Lean sinn ar Facebook @opwireland
Lean sinn ar Instagram @opwireland
Lean sinn ar LinkedIn @Office of Public Works
Gairdín oileáin stairiúil a bhfuil tábhacht idirnáisiúnta ag baint leis agus a bhfuil cáil dhomhanda air as a bhailiúchán plandaí agus a oidhreacht ailtireachta is ea Oileán Gharinse (nó Oileán an Chuilinn), a tiomnaíodh do mhuintir na hÉireann i 1953.
Cheannaigh Annan Bryce an t-oileán i 1910 agus choimisiúnaigh Harold Ainsworth Peto chun gairdíní breátha agus foirgnimh gairdíní Iodálacha a dhearadh. Thaistil Peto go dtí an Iodáil, an Spáinn agus an Fhrainc agus bhailigh snoiteáin éagsúla cloiche ailtireachta le taispeáint sna gairdíní.
D’oscail teaghlach Bryce gairdíní an Tí don phobal, chomh luath le 1925. Tá cáil ar an oileán as saibhreas na bhfoirmeacha agus na ndathanna plandaí, a athraíonn go leanúnach ó shéasúr go séasúr. Téann cosáin timpeall an oileáin, chuig roinnt foirgneamh suimiúil gairdín, mar shampla an teampall Gréagach, an túr cloig, an Casita, agus Túr Martello bunaidh. D’athchóirigh Oifig na nOibreacha Poiblí Teach Bryce, áit chónaithe an teaghlaigh ar an oileán le blianta fada, le tacaíocht ó Fáilte Éireann in 2015 agus cuirtear i láthair é mar a bhí sé le linn dóibh a bheith ina gcónaí ann. Tá rogha ón mbailiúchán mór de phictiúir, priontaí, líníochtaí agus leabhair thábhachtacha le feiceáil ar taispeáint istigh.
Tá Crosstown Drift ar siúl i gcathair Chorcaí ó 2016 mar chuid d’Fhéile Lár an tSamhraidh. I mí Lúnasa seo chugainn, arna eagrú ag an eagraíocht chultúrtha The Good Room, déanfaidh Crosstown Drift a chéad turas amach as Cathair Chorcaí go dtí Oileán Gharinse álainn.
Tá ticéid don seó tráthnóna ‘Crosstown Drift Goes To Garinish’ ar fáil don Satharn, 12 Lúnasa ar eventbrite.ie
Ticéid €40 móide táille áirithinte – áirítear leis seo ticéad fillte ar bhád farantóireachta an Harbour Queen agus cead isteach san oileán
Tá imeachtaí in aghaidh na huaire saor in aisce don phobal. Tá ticéid do bhád farantóireachta an Harbour Queen ar fáil ó harbourqueenferry.com ** agus ó bháid farantóireachta Blue Pool go pearsanta nó ar +353 (27) 6333
Beidh Patrick agus Mark, comh-údair ‘The Birds of County Cork’, ag caint ar na héin i Leithinis Bhéarra agus i gContae Chorcaí. Gheofar léargas ar an éiceolaíocht, patrúin imirce agus stair go leor speiceas d’éin Chorcaí.
Léifidh Eoghan óna leabhar ‘An Irish Atlantic Rainforest’, a bhfuil gradam buaite aige, agus labhróidh sé faoina thuras pearsanta spreagúil tar éis dó a theaghlach a aistriú ó Bhaile Átha Cliath go leithinis Bhéarra chun Foraois Bháistí Atlantach Éireannach a chruthú.
Éist le sleachta as an leabhar is nuaí ag Eimear ‘The Grass Ceiling’ faoi mhná i gcúrsaí spóirt. An saol i gCLG do na himreoirí agus na daoine sin ar fad nach réaltaí iad agus nach bhfuil aithne ag go leor orthu is ábhar do chéad leabhar Ciarán Murphy, ó stábla Second Captains. Is iriseoir le The Examiner é Eoghan O’Sullivan agus reáchtálann sé an podchraoladh Point of Everything.
Is ceiliúradh é an ceathrú leabhar de chuid Denis Cotter, Paradiso, recipes & reflections, ar ealaín uathúil na bialainne seo i gCorcaigh a bhfuil cáil idirnáisiúnta uirthi. Tá aistí sa leabhar a léiríonn an bealach ina bhfuil ealaín chócarála Paradiso anois ina rud beo ann féin.