Tá 858 milliún i mBuiséad 2022 chun tacú le haistriú chuig geilleagar agus sochaí atá neodrach ó thaobh na haeráide de, atá ciorclach agus nasctha
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Ó An Roinn Comhshaoil, Aeráide agus Cumarsáide
Foilsithe
An t-eolas is déanaí
Beidh leithdháileadh méadaithe le haghaidh na Roinne Comhshaoil, Aeráide agus Cumarsáide faoi Bhuiséad 2022 mar bhonn faoi sholáthar phríomhghealltanais Chlár an Rialtais. Go háirithe, déanfar maoiniú suntasach a leithdháileadh ar chláir aisfheistithe náisiúnta agus uasghrádaithe baile, chomh maith le feidhmiú céimneach leanúnaigh an Phlean Náisiúnta Leathanbhanda.
Dúirt an tAire Comhshaoil, Aeráide agus Cumarsáide, Eamon Ryan TD, an méid seo a leanas:
"Is é is cuspóir do Bhuiséad 2022 ná tacú le saoránaigh agus muid ag cur tús leis an aistriú chuig geilleagar agus sochaí atá neodrach ó thaobh na haeráide de, ciorclach agus nasctha. Leis an maoiniú méadaithe le haghaidh aisfheistithe agus éifeachtúlachta fuinnimh cruthófar tionscal ilbhilliúin euro a chruthóidh poist, a laghdóidh astaíochtaí agus a dhéanfaidh ár dtithe níos teo agus níos sláintiúla. Déanfar níos mó ná leath dár ndeontais aisfheistithe a leithdháileadh ar uasghráduithe fuinnimh saor in aisce do theaghlaigh ar ioncam íseal – chun cabhrú leo airgead a shábháil ar a gcuid billí. Tá ríméad orm freisin go bhfuil mo chomhghleacaí, an tAire Darragh O'Brien, chun €85m breise a leithdháileadh ar aisfheistiú tithíochta sóisialta.
"Is dúshlán agus deis araon ár n-astaíochtaí a laghdú ina leath faoi 2030. Inniu táimid ag cur lenár gcumas é sin a dhéanamh ar bhealaí an-phraiticiúil."
Dúirt an tAire Stáit a bhfuil freagracht aige ar an mBeartas Poist agus ar Éirchóid, Hildegarde Naughton TD, an méid seo a leanas:
"Leis an maoiniú méadaithe le haghaidh na roinne faoi Bhuiséad 2022, beimid in ann ár spriocanna uailmhianacha a bhaint amach, go háirithe i réimsí an athraithe aeráide agus na cumarsáide. Leis na bearta agus na tionscnaimh seo beimid in ann acmhainneacht a dhíghlasáil - ar fud na tíre ar fad."
Dúirt an tAire Stáit a bhfuil freagracht aige i leith na Cumarsáide agus an Gheilleagair Chiorclaigh, Ossian Smyth TD, an méid seo a leanas:
"Tá mé buíoch den mhaoiniú le haghaidh nascachta agus cumarsáide. Leis seo beimid in ann tús a chur leis an bPlean Náisiúnta Leathanbhanda. Ciallaíonn sé seo go sroichfidh an líonra snáithín ardluais ar a laghad 130,000 teach agus gnó roimh dheireadh 2022. Déanfar tuilleadh maoinithe a infheistiú sa Lárionad Náisiúnta Cibearshlándála. Le maoiniú faoi Bhuiséad 2022 tacófar lenár n-aistriú chuig Geilleagar Ciorclach; seoladh na Scéime Éarlaise agus Aisíoca san áireamh."
an Plean Náisiúnta Leathanbhanda a thosú
An Cibearshlándáil a neartú
Leis an maoiniú seo cinnteofar gur féidir linn ár ngealltanais maidir le gníomhú ar son na haeráide a bhaint amach. Beidh ról lárnach ag an taighde ar an aeráid agus ag forbairt teicneolaíochtaí nua chun na spriocanna atá againn a bhaint amach; is é sin laghdú 51% a bheith ar rátaí astaíochtaí gás ceaptha teasa faoi 2030 agus neodracht iomlán a bhaint amach faoi 2050 ar a dhéanaí.
Aistriú cóir a chinntiú
Ár dtalamh portaigh a athshlánú
Taighde maoinithe chun dul i ngleic leis an athrú aeráide agus chun caighdeán an aeir a fheabhsú
Rinneadh €98 milliún a leithdháileadh ar an nGeilleagar Ciorclach agus ar Acmhainní Nádúrtha faoi Bhuiséad 2022 chun dul i ngleic leis an damáiste atá déanta don chomhshaol, chun dramhaíol a bhainistiú, chun acmhainní nádúrtha a chaomhnú agus chun tacú leis an aistriú chuig Geilleagar Ciorclach. Tá an méid seo a leanas san áireamh:
CRÍOCH