Ciste €1.27m do chur chun cinn na Gaeilge i gCiarraí
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
D’fhógair Príomh-Aoire an Rialtais agus an tAire Stáit don Ghaeltacht agus don Spórt, Jack Chambers T.D. Maoiniú nua €1,273,904 inniu chun an Ghaeilge a chur chun cinn i gceantair Ghaeltachta Chiarraí Thiar agus Ciarraí Theas agus i dTrá Lí.
Leithdháileadh €713,904 ar an iomlán d’Oidhreacht Chorca Dhuibhne Teo.
Ina theannta sin, ceadaíodh €560,000 do chur i bhfeidhm Phlean Teanga Thrá Lí faoin bpróiseas pleanála teanga.
In ionann é seo agus €80,000 gach bliain do sheacht mbliana an phlean.
Ciste 3 bliana d’Oidhreacht Chorca Dhuibhne
Thug an tAire Chambers cuairt inniu ar Áras Bhréanainn, Baile an Fheirtéaraigh, áit a d’fhógair sé ciste reatha ar fiú suas le €713,904 é thar thréimhse trí bliana d’Oidhreacht Chorca Dhuibhne Teo.
Cabhróidh sé seo leis an nGaeilge a threisiú mar phríomhtheanga labhartha i gCiarraí Thiar agus Theas – go háirithe i measc daoine óga agus teaghlach le páistí.
Forbróidh Oidhreacht Chorca Dhuibhne dhá chlár nua:
Dúirt an tAire Stáit Chambers:
"Tá an-áthas orm an clár seo a fhógairt inniu - clár a thacóidh leis an bpróiseas pleanála teanga agus an polasaí don oideachas Gaeltachta araon.
Mar thoradh ar an gciste atá ceadaithe, tabharfar tacaíocht do theaghlaigh i Limistéir Phleanála Teanga Chiarraí Thiar agus Chiarraí Theas atá ag tógáil a gclann le Gaeilge nó ar mian leo sin a dhéanamh chomh maith le raon beartas eile a fheidhmiú ar leas na Gaeilge sa dá limistéar.”
Plean Teanga Thrá Lí
Agus é ar chuairt ar Ghaelcholáiste Thrá Lí, d’fhógair sé go bhfuil plean teanga Bhaile Seirbhíse Gaeltachta Thrá Lí ceadaithe faoin bpróiseas pleanála teanga agus go mbeidh ciste is ionann le €560,000 ar fáil le cabhrú le feidhmiú an phlean.
Beidh an plean seo á chur i bhfeidhm faoi stiúir Bhord Oideachais agus Oiliúna Chiarraí.
Dúirt an tAire Stáit:
“Ba mhaith liom mo bhuíochas a ghabháil le Bord Oideachais agus Oiliúna Chiarraí as an obair atá déanta acu chun an plean seo a chur le chéile. Tá an-obair déanta chun an pointe seo a bhaint amach agus tréaslaím le gach éinne a bhí bainteach leis.
Ach an oiread leis na pleananna teanga ar fad atá ceadaithe agus á bhfeidhmiú cheana féin, tá deiseanna á dtabhairt sa chás seo do phobal Thrá Lí a bheith lárnach i roghnú a gcuid tosaíochtaí teanga féin faoin bplean agus a bheith páirteach ina chur i bhfeidhm ar bhonn comhpháirtíochta.
Is ar leas na Gaeilge go háitiúil atá an plean agus an iarracht seo ar fad.”
Clár Oidhreacht Chorca Dhuibhne [OCD] Teo.
Tá an clár sonrach seo dírithe ar dheiseanna breise sealbhaithe agus saibhrithe teanga a chur ar fáil d’aos óg na Gaeltachta i gCiarraí Thiar agus Theas.
Thar thréimhse 3 bliana bainfear amach na gníomhaíochtaí seo a leanas:
Clár Thús Maith
Na hEalaíona Dúchasacha
Acmhainní/Fógraíocht/Forbairt Gairme
Clár Píolótach Éiceolaíochta don Aos Óg
Tuilleadh eolais: https://www.oidhreacht.ie/ga/tograi-teangan/
Plean Teanga Thrá Lí