Ó An Roinn Talmhaíochta, Bia agus Mara
Foilsithe
An t-eolas is déanaí
D’fhógair an tAire Talmhaíochta, Bia agus Mara, Charlie McConalogue T.D, inniu go bhfuil sé de rún aige an tUas. Joe Healy a cheapadh mar Chathaoirleach ar Bhord an Rialálaí Agraibhia. Beidh seachtar gnáthchomhaltaí an Bhoird in éineacht leis an Uasal Healy le ceapadh ag an Aire freisin. Cuirfear tús go foirmiúil le gach ceapachán chuig an mBord nuair a bheidh an Rialálaí bunaithe go foirmiúil, a dhéanfar Dé Céadaoin seo chugainn an 13 Nollaig, de réir an Aire ina fhógra inniu.
Dúirt an tAire McConalogue
“Tá bunú foirmiúil Oifig an Rialálaí nua le feiceáil anois, atá mar gharsprioc thábhachtach inár dtiomantas chun níos mó cothroime agus trédhearcachta a thabhairt don slabhra soláthair agraibhia. Is é ceapachán an Bhoird an chéad chéim eile agus táim thar a bheith sásta le caighdeán na gcomhaltaí Boird atá tar éis iad féin a chur chun cinn chun fónamh. Tháinig gach ceann díobh trí phróiseas roghnúcháin iomlán atá curtha i gcrích anois. Tá áthas orm a dhearbhú go bhfuil sé de rún agam an tUasal Joe Healy a ainmniú mar Chathaoirleach an Bhoird. Tá taithí ollmhór ag Joe ar gach gné den slabhra soláthair talmhaíochta agus bia. Tá na scileanna ceannaireachta agus eagrúcháin riachtanacha aige chun straitéis agus rialachas an Rialálaí nua a stiúradh agus é ag cur tús lena thuras stairiúil chun cothroime agus trédhearcacht níos fearr a thabhairt don earnáil agraibhia.”
D’fhógair an tAire McConalogue freisin go bhfuil sé de rún aige na daoine seo a leanas a cheapadh mar ghnáthchomhaltaí ar an mBord.
An tUasal John Comer,
Karen Brosnan, Uasal,
Margaret Dineen, Uasal,
Elaine Donohue Uasal,
An tUasal Angus Woods
Grace McCullen, Uasal
An tUasal Paul Brophy
Ag tagairt don cheapachán atá beartaithe do ghnáthchomhaltaí, dúirt an tAire McConalogue:
“Tá saineolas ag na comhaltaí boird molta ar fad ar chúrsaí a bhaineann le feidhmeanna an Rialálaí. Rachaidh a dtaithí agus a n-eolas go mór chun tairbhe don chomhlacht nua agus iad ag tacú leis an gCathaoirleach gníomhaíochtaí an Rialálaí Agraibhia a threorú agus a stiúradh agus a bheith ag obair leis an POF-ainmnithe Niamh Lenehan i mbainistíocht éifeachtach an Rialálaí nua. Is cúis áthais ar leith dom a bheith in ann cothromaíocht inscne a cheapadh ar an mBord, rud a chabhraíonn le mo thiomantas a chomhlíonadh chun éagsúlacht a fheabhsú inár gcomhlachtaí Stáit.
Dúirt an tUasal Joe Healy:
“Is mór an onóir dom a bheith ainmnithe ag an Aire McConalogue chun an ról tábhachtach seo a chomhlíonadh mar Cathaoirleach ar an gcéad Bhord den Rialálaí Agraibhia nua agus táim ag tnúth go mór leis an ról a ghlacadh sna seachtainí atá romhainn. Ní mór iontaoibh agus muinín a bheith ag gach páirtí leasmhar as an Slabhra Soláthair Talmhaíochta agus Bia agus as an Rialálaí nua seo freisin, agus táim ag tnúth le bheith ag obair le mo chomhghleacaithe ar an mBord agus le POF an Rialálaí, Niamh Lenehan, chun an straitéis agus na feidhmeanna a chur i bhfeidhm chun ár sainordú a chur i gcrích. Is forbairt thar a bheith dearfach é do sholáthróirí Rialálaí a bheith acu anois a sholáthróidh anailís ar fhaisnéis faoi phraghsanna agus sonraí margaidh chomh maith le cumhachtaí a bheith acu chun tuairiscí ar sháruithe amhrasta a imscrúdú agus cionta a shaothrú nuair a tharlaíonn siad de bharr cleachtais éagóracha trádála”.
Dheimhnigh an tAire McConalogue freisin go mbeidh oifigí an Rialálaí Agraibhia lonnaithe in oifigí comhroinnte de chuid an Rialtais i gCampas Bhacastúin, Cill Droichid, Co. Chill Dara. Tá an chéad chruinniú Boird den Oifig sceidealaithe don Chéadaoin an 13 Nollaig i gcomhthráth le lá bunaithe na hOifige nua.
Roghnaíodh an Cathaoirleach agus na comhaltaí atá molta tar éis comórtais a bhí ar siúl ag an tseirbhís maidir le Ceapacháin ar Bhoird Stáit.
CRÍOCH
Comhaltaí Boird atá molta
Maidir leis na comhaltaí Boird atá molta:
• Is feirmeoir déiríochta agus eallaigh é Joe Healy as Bhaile Átha an Rí, agus is iar-Uachtarán Náisiúnta é ar Mhacra na Feirme 1995 – 1997 agus le déanaí, ar an FAÉ (Feirmeoirí Aontaithe na hÉireann) 2016 – 2020. Bhí sé ina chéad Leas-Uachtarán ar COPA (Eagraíocht na bhFeirmeoirí Eorpacha) agus is anseo a bhí sé ina chathaoirleach ar an gCoiste Biashlabhra a raibh tionchar aige. Faoi láthair tá sé ina Chathaoirleach ar “Cultivate” (Agra-airgeadas na gComhair Chreidmheasa) agus tá sé ar bhoird Self Help Africa, Coláiste Talmhaíochta an Ghoirtín agus Coiste Eacnamaíoch agus Sóisialta na hEorpa.
• Is feirmeoir déiríochta as Co. Mhaigh Eo é an tUasal John Comer. Bhí sé ina Uachtarán ar an ICMSA (Cumann Soláthróirí Bainne Uachtarlainne na hÉireann) roimhe seo agus tá sé ina bhall de Choiste Eacnamaíoch agus Sóisialta na hEorpa faoi láthair
• Tá Karen Brosnan, Uasal, ag obair mar chomhairleoir bainistíochta san earnáil agraibhia ó 2000 i leith, ag déanamh spesialtóireacht i straitéis, rialachas agus ceannaireacht. Bhí sí ina Cathaoirleach ar Nuffield Ireland agus ar Choláiste an Ghoirtín agus tá sí ina Stiúrthóir ar AgriAware faoi láthair.
• Tá os cionn 20 bliain de thaithí ag Margaret Dineen, Uasal, ar chaidreamh trádála tráchtála a bhainistiú ar fud thionscal an bhia úir. Is comhairleoir bainistíochta agus cuntasóir í Margaret agus oibríonn sí anois le SMEanna (gnóthais bheaga agus mheánmhéide) laistigh de Thionscal Bia na hÉireann chun barrfheabhsú slabhra soláthair agus forbairt gnó tráchtála a fhorbairt.
• Is ó chúlra feirmeoireachta í Elaine Donohue, Uasal. Tá cuimse taithí ag Elaine ar leithead agus ar dhoimhneacht na Slabhraí Soláthair Bia Náisiúnta thar go leor earnálacha. Tá Elaine ag obair i gceannas ar Champas Nuálaí Bia faoi láthair, dírithe ar nuálaíocht, ar gor agus ar inbhuanaitheacht thionscal bia an phobail.
• Is feirmeoir mairteola, caorach agus curaíochta é an tUasal Angus Woods agus is colúnaí leis an Farming Independent é. Is iar-Uachtarán é ar Idirphlé Sibhialta an AE maidir le Táirgí Ainmhithe agus bhí sé ar roinnt bord san earnáil agraibhia lena n-áirítear ICBF (Cónaidhm Phórú Eallaigh na hÉireann) agus bord Feola agus Beostoic de chuid Bord Bia.
• Is stratéisí agus margóir tráchtála í Grace McCullen, Uasal, agus d’oibrigh sí i ngnó an bhia, na dí agus an agra-ghnó le 25 bliain le raon cuideachtaí. Tá MSc sa Margaíocht Dhigiteach & Anailísíocht Sonraí, Baitsiléir Eolaíochta sa Ghnó Bia agus Dioplóma san Eolaíocht & Teicneolaíocht Bhia ag Grace agus tógadh í ar fheirm i gCo. na Mí.
• Is táirgeoir príomhúil san earnáil ghairneoireachta é an tUasal Paul Brophy a bhfuil os cionn 40 bliain de thaithí aige. Tá sé ina Chathaoirleach ar Unigreen, eagraíocht táirgeoirí de 5 tháirgeoir glasraí forásacha. Bhí Paul ar bhord gairneoireachta de chuid Bord Bia roimhe seo, agus bhí sé ina chathaoirleach ar earnáil gairneoireachta an FAÉ (Feirmeoirí Aontaithe na hÉireann)
Rinneadh ceapacháin de bhun phróiseas Seirbhíse um Cheapacháin Phoiblí an Bhoird Stáit.
Beidh éifeacht leis na ceapacháin ó Lá Bunaithe an Rialálaí Agraibhia.
Chuir an tAire an Bille um Shlabhra Soláthair Talmhaíochta agus Bia 2022 i láthair i gcomhréir le gealltanas an Chláir don Rialtas údarás nua a bhunú chun cothroime, cothromas agus trédhearcacht a chinntiú sa bhiashlabhra. Forálann an tAcht um Shlabhra Soláthair Talmhaíochta agus Bia 2023 d’Údarás reachtúil neamhspleách nua a bhunú ar a dtabharfar ‘An Rialálaí Agraibhia’.
Forálann Alt 21 den Acht go mbeidh Cathaoirleach agus seachtar Gnáthchomhaltaí ina gcomhaltaí den rialálaí agraibhia.
Cuirfidh an Rialálaí Agraibhia prionsabail na cothroime agus na trédhearcachta chun cinn sa slabhra soláthair talmhaíochta agus bia trí fheidhm anailíse praghais / margaidh agus tuairiscithe a chomhlíonadh agus tiocfaidh sé chun bheith ina údarás forghníomhaithe ainmnithe ag an Stát chun na rialacha a fhorghníomhú maidir le cleachtais éagóracha trádála sa chaidreamh gnólacht le gnólacht sa slabhra soláthair talmhaíochta agus bia. Aistreofar na feidhmeanna forghníomhaithe a bhaineann le Cleachtais Éagóracha Trádála atá á gcur i bhfeidhm ar bhonn eatramhach sa Roinn Talmhaíochta, Bia agus Mara faoi láthair go dtí An Rialálaí Agraibhia.