Preasráitis
Cuireann an tAire Humphreys síneadh le Sochar Breoiteachta Breisithe go dtí deireadh mhí Mheán Fómhair
Foilsithe
An t-eolas is déanaí
Foilsithe
An t-eolas is déanaí
D’fhógair an tAire Coimirce Sóisialaí, Heather Humphreys, TD, inniu gur cheadaigh an Rialtas an síneadh atá le cur le Sochar Breoiteachta Breisithe ó dheireadh mhí an Mheithimh go deireadh Mheán Fómhair 2022.,
Tugadh isteach é ag tús na paindéime mar íocaíocht d’fhostaithe agus do dhaoine féinfhostaithe ar dhiagnóisigh lia-chleachtóir go bhfuil Covid-19 orthu nó gur foinse dhóchúil ionfhabhtaithe iad, agus íoctar Sochar Breoiteachta Breisithe ar ráta seachtainiúil €350 agus íoctar é ón gcéad lá breoiteachta.
Go dtí seo, tá deimhniú leighis faighte ag breis agus 516,433 duine chun íocaíocht Sochair Breoiteachta a bhaineann le COVID-19 a fháil. Is é an méid iomlán a íocadh faoin tacaíocht seo go dtí seo €313.54 billiún.
Tá deimhniú leighis faighte ag 4,546 duine chun íocaíocht Sochair Breoiteachta a bhaineann le COVID-19 a fháil sa tseachtain ó Dé hAoine, an 10 Meitheamh 2022 go Déardaoin, an 16 Meitheamh 2022.
Amhail ar maidin, tá an íocaíocht á fáil ag 3,911 duine.
Shín an tAire Humphreys an tréimhse ina raibh Sochar Breoiteachta Breisithe le cur ar fáil ó Fheabhra 2022 go deireadh Mheithimh 2022.
Agus an síneadh breise á fhógairt aici go dtí deireadh Mheán Fómhair, dúirt an tAire Humphreys:
“Aithnítear gur tacaíocht thábhachtach é Sochar Breoiteachta Breisithe do na mílte fostaí agus duine féinfhostaithe ó thús na paindéime.
“Bhí an íocaíocht seo, a íoctar ar ráta níos airde ná Sochar Breoiteachta caighdeánach, le críochnú i dtosach i bhFeabhra na bliana seo agus shín mé é go deireadh na míosa seo agus tá síneadh curtha agam leis anois go dtí deireadh Mheán Fómhair 2022.
“Mar gheall go bhfuil méadú tagtha faoi láthair ar an líon daoine a ndiagnóisítear go bhfuil COVID-19 orthu inár bpobail, is mian le mo chomhghleacaithe sa Rialtas agus mé féin a chinntiú go leanann an tacaíocht airgeadais seo de bheith ar fáil do na hoibrithe seo, sa chás go dtagann an víreas orthu.
“D’impeoinn ar dhuine ar bith a dtagann víreas Covid-19 orthu nó a bhfuil comharthaí orthu féinaonrú láithreach.
“Is é an bealach is simplí iarratas a dhéanamh ar Shochar Breoiteachta Breisithe trí www.MyWelfare.ie.”