Ráiteas ón bhFoireann Éigeandála Sláinte Poiblí Náisiúnta - 17 Aibreán 2020
Foilsithe
An t-eolas is déanaí
Foilsithe
An t-eolas is déanaí
Cuireadh an tIonad Faireachais um Chosaint Sláinte (an IFCS) ar an eolas inniu go bhfuil bás faighte ag 44 duine ar diagnóisíodh go raibh COVID-19 orthu.
Tá 530 duine tar éis bás a fháil in Éirinn go dtí seo a bhain le COVID-19. Léirítear an méid seo a leanas in achoimre ar gach ceann de na 530 bás a sholáthair an IFCS;
Amhail 11.15am Dé hAoine, an 17 Aibreán, cuireadh an IFCS ar an eolas na cásanna seo a leanas;
Nuair a chuirtear na figiúirí is déanaí ón nGearmáin san áireamh, tá 13,980 cás deimhnithe, ar an iomlán, de COVID-19 ann anois in Éirinn.
Tá FSS ag oibriú chun aon teagmhálacha a d’fhéadfadh na hothair a dhéanamh a shainaithint chun eolas agus comhairle a sholáthar dóibh chun cosc a chur ar an víreas a scaipeadh níos mó.
Tugann sonraí an lae inniu ón IFCS amhail meán oíche, Dé Céadaoin, an 15 Aibreán (13,012 cás), an méid seo a leanas le fios:
Chas an Fhoireann Éigeandála Sláinte Poiblí Náisiúnta ar a chéile inniu (Dé hAoine, an 17 Aibreán) chun leanúint lena n-athbhreithniú leanúnach ar fhreagairt na hÉireann do COVID-19.
I measc na gcinntí a rinneadh sa chruinniú seo, bhí an méid seo a leanas:
Dúirt an Dr Tony Holohan, an Príomhoifigeach Leighis, an Roinn Sláinte;
“Ag cruinniú an lae inniu den Fhoireann Éigeandála Sláinte Poiblí Náisiúnta, cheadaíomar togra chun an tástáil a mhéadú a dhéantar ar an bhfoireann agus ar chónaitheoirí ar fud na suíomhanna cúraim chónaithe fadtéarmacha go léir, tithe altranais san áireamh. Leanann iompar an víris i measc grúpaí leochaileacha a chónaíonn sna suíomhanna cúraim seo a bheith ina ábhar buartha agus leanann an FÉSPN le tús áite a thabhairt dó seo.
“Cé go bhfuil an galar á chur faoi chois againn i measc an phobail i gcoitinne, ní féidir linn éirí réchúiseach. Le fanacht sábháilte ó COVID-19, is gá dúinn leanúint lenár lámha a ní go hiomlán agus go rialta, casacht isteach inár n-uillinneacha agus scaradh sóisialta a dhéanamh. Is féidir leis na bearta simplí seo scaipeadh an víris seo a mhoilliú agus saol daoine a choimeád slán.”
Dúirt an Dr Colm Henry, an Príomhoifigeach Cliniciúil, FSS:
“Tragóid atá i ngach bás mar gheall ar COVID-19 a thugtar le fios. Níl leigheas ar an mbreoiteacht seo agus cé nach mbeidh ach foirm éadrom den ghalar ar 80% den daonra, tá baol i bhfad níos mó ann dár ndaoine breacaosta agus do dhaoine níos leochailí mar gheall ar iompar an ghalair seo laistigh den ghrúpa seo.”
Cuireann Deais Eolais COVID-19 na Roinne Sláinte an t-eolas is déanaí ar fáil ar chásanna.