Preasráitis
Fógraíonn an tAire Naughton maoiniú bliantúil breise de €3.5m do sheirbhísí sláinte drugaí agus cuimsithe
Foilsithe
An t-eolas is déanaí
Foilsithe
An t-eolas is déanaí
D'fhógair an tAire Stáit um Shláinte Phoiblí, Folláine agus an Straitéis Náisiúnta Drugaí, Hildegarde Naughton, maoiniú bliantúil €3.5 milliún inniu chun an leibhéal reatha seirbhísí sláinte drugaí agus cuimsithe a chuireann eagraíochtaí pobail agus deonacha ar fáil a choinneáil.
Déanfaidh eagraíochtaí cúram sláinte pobail (CHOanna) an maoiniú a dháileadh, bunaithe ar threoir a d'eisigh an Roinn Sláinte. Is ar bhonn daonra mar seo a leanas atá an leithdháileadh in aghaidh an CHO:
| CHO | Limistéar | Maoiniú |
| CHO1 | Dún na nGall, Sligeach/Liatroim/An Cabhán Thiar, An Cabhán/Muineachán | €330,000 |
| CHO2 | Gaillimh, Ros Comáin, Maigh Eo | €330,000 |
| CHO3 | An Clár, Luimneach, Tiobraid Árann Thuaidh/Luimneach Thoir | €330,000 |
| CHO4 | Ciarraí, Corcaigh | €445,000 |
| CHO5 | Tiobraid Árann Theas, Ceatharlach/Cill Chainnigh, Port Láirge, Loch Garman | €330,000 |
| CHO6 | Cill Mhantáin/Dún Laoghaire/Baile Átha Cliath Thoir Theas | €400,000 |
| CHO7 | Cill Dara/Cill Mhantáin Thiar, Baile Átha Cliath Thiar, Cathair Bhaile Átha Cliath Theas, Baile Átha Cliath Thiar Theas | €445,000 |
| CHO8 | Laois/Uíbh Fhailí, An Longfort/An Iarmhí, Lú/An Mhí | €445,000 |
| CHO9 | Cathair agus Contae Bhaile Átha Cliath Thuaidh | €445,000 |
Dúirt an tAire Naughton:
"Tá an-áthas orm maoiniú breise €3.5 milliún a fhógairt d'eagraíochtaí pobail agus deonacha chun an leibhéal seirbhíse atá ann cheana féin a choinneáil do shláinte drugaí agus cuimsithe. Aithnítear sa mhaoiniú an ról tábhachtach atá ag grúpaí pobail agus deonacha maidir le seirbhísí sláinte drugaí agus cuimsithe a sholáthar, agus aithnítear na costais mhéadaithe a bhaineann leis na seirbhísí riachtanacha seo a sholáthar.
"Tá idir €330,000 agus €445,000 in aghaidh na bliana á leithdháileadh agam ar CHOanna chun tacú le seirbhísí atá ann cheana féin chun freastal ar riachtanais sláinte grúpaí atá eisiata go sóisialta, amhail daoine a úsáideann drugaí agus daoine gan dídean."
Tá an maoiniú breise ag teacht leis an mbéim ar chúram pobail feabhsaithe sa chlár athchóirithe Sláintecare, ag tabhairt cúraim isteach sa phobal agus níos gaire do thithe daoine. Comhlánaíonn an maoiniú freisin an ciste boilscithe aonuaire, a chuir €3.9 milliún ar fáil do sheirbhísí sláinte drugaí agus cuimsithe in 2023.
Lean an tAire Naughton ar aghaidh:
"Glacfar cur chuige straitéiseach in úsáid an mhaoinithe seo, chun tairbhí sláinte inláimhsithe agus inchainníochtaithe a chinntiú d'úsáideoirí seirbhíse agus chun tacú le feabhsuithe inbhuanaithe ar sholáthar seirbhísí.
"Tabharfar tús áite do sheirbhísí a bhfuil éileamh méadaithe orthu agus nach bhfuil maoiniú breise faighte acu le blianta beaga anuas, chun an tionchar dearfach is mó is féidir a chinntiú."
Meastar go ndáilfear an maoiniú i Ráithe 3 2023.
I mí an Mheithimh 2023, d'fhógair an tAire Naughton maoiniú méadaithe €500,000 do sheirbhísí cócaoin agus cnagchócaon. Tá sé tugtha le fios anois ag Feidhmeannacht na Seirbhíse Sláinte (FSS) gur éirigh le haighneachtaí ó CHO 1, CHO 2, CHO 5, CHO 6, CHO 7, CHO 8 agus CHO 9. Tá tuilleadh sonraí faoi shuíomhanna agus faoi ghníomhaireachtaí óstacha na n-iarratas ar éirigh leo thíos.
Tacaíonn an maoiniú nua leis an tosaíocht straitéiseach chun rochtain ar sheirbhísí drugaí agus seachadadh seirbhísí drugaí sa phobal a fheabhsú, faoin Straitéis Náisiúnta Drugaí do 2021-2025. Treiseoidh an maoiniú freisin an tosaíocht straitéiseach i Ráiteas Straitéise na Roinne Sláinte 2021-2023, chun cúram i gcúram pobail feabhsaithe a leathnú agus a chomhtháthú.
Seirbhísí incháilithe:
Tá €500,000 de mhaoiniú méadaithe do sheirbhísí cócaoin agus cnagchócaon á leithdháileadh mar seo a leanas:
| Limistéar CHO | Suíomh/Gníomhaireacht Óstach |
| CHO 1 | Seirbhísí Andúile CHO 1 / Ar fud CHO1 |
| CHO 2 | Tascfhórsa Drugaí agus Alcóil Réigiún an Iarthair (WRDATF) i gcomhar le FSS Seirbhís Drugaí an Iarthair um Chúram Sláinte Pobail (CHWDS) |
| CHO 5 | Tionscadal Mhargadh an Arbhair |
| CHO 6 | Tionscadal For-rochtana Dhún Laoghaire-Ráth an Dúin (DROP) |
| CHO 7 | Clár Freagartha Andúile Pobail (CARP),Tionscadal Spleáchais Drugaí Cúnta Bhaile na bPost (JADD), Tascfhórsa Drugaí agus Alcóil Lár na Cathrach Theas,Pobal Teiripeach Chúil Mhín agus comhpháirtithe |
| CHO 8 | CHO 8 Seirbhísí Andúile / Comhpháirtithe Alt 39 |
| CHO 9 | Cathair agus Contae Bhaile Átha Cliath Thuaidh (ar fud Sheirbhísí Andúile FSS agus roinnt gníomhaireachtaí Alt 39) |